អន្តរជាតិ
អត់ប្រើស្មាតហ្វូនពេញមួយឆ្នាំ អាចបានរង្វាន់១០ម៉ឺនដុល្លារពីក្រុមហ៊ុនមួយនៅអាមេរិក
×![]()
ដោយ: ធីតា
រស់នៅដោយគ្មានស្មាតហ្វូនពេញមួយឆ្នាំ តើអាចទៅរួចដែរឬទេ? ក្រុមហ៊ុនភេសជ្ជៈដ៏ល្បីមួយនៅអាមេរិក Vitaminwater បានប្រកាសផ្តល់ប្រាក់រង្វាន់ចំនួន១០ម៉ឺនដុល្លារអាមេរិក សម្រាប់អ្នកដែលអាចធ្វើបែបនេះក្នុងរយៈពេល៣៦៥ថ្ងៃពេញ។
អត្ថបទទាក់ទង
បញ្ឈប់ការហៅទៅកាន់មិត្តភក្តិ ការសន្ទនាតាម WhatsApp ការលេងហ្គេមផ្សេងៗ និងការបង្ហោះហ្វេសប៊ុក ឬ Instagram ចេញពីស្មាតហ្វូនពេញមួយឆ្នាំ។ នេះជាលក្ខខណ្ឌតម្រូវរបស់ក្រុមហ៊ុន Vitaminwater ។
សម្រាប់អ្នកដែលបំពេញលក្ខខណ្ឌឥតខ្ចោះ ពោលគឺនៅឃ្លាតពីទូរសព្ទដៃពេញមួយឆ្នាំ នឹងទទួលបានប្រាក់រង្វាន់ចំនួន១០ម៉ឺនដុល្លារអាមេរិក។
ក្រុមហ៊ុនអាមេរិកមួយនេះ បានបញ្ជាក់ថា អ្នកដែលចង់ចូលរួមប្រកួតប្រជែងអាចមានរយៈពេលចុះឈ្មោះរហូតដល់ថ្ងៃទី៨ ខែមករា ឆ្នាំ២០១៩ ដោយចូលទៅកាន់គណនី Twitter ឬ Instagram របស់ក្រុមហ៊ុន ដែលចែករំលែករូបថត និងការតាំងចិត្តចូលរួមរបស់ខ្លួន ជាមួយ Hashtags #nophoneforayear និង #contest ។
ទោះបីជាយ៉ាងណាក៏ដោយ មកពេលនេះ ក្រុមហ៊ុនមិនបានបញ្ជាក់ច្បាស់លាស់ពីមធ្យោបាយដែលខ្លួនអាចតាមដានសកម្មភាពប្រចាំថ្ងៃរបស់បេក្ខជននោះឡើយ។
if you gave up your phone for a year, you wouldn’t have seen our contest. pic.twitter.com/QdBX5Bshik
— vitaminwater® (@vitaminwater) December 13, 2018
អ្នកប្រើប្រាស់បណ្តាញសង្គម មួយចំនួនបានបង្ហាញពីចំណាប់អារម្មណ៍របស់ខ្លួន ប៉ុន្តែពួកគេគិតថា នេះគ្រាន់តែជាផ្នែកមួយនៃពាណិជ្ជកម្មរបស់ក្រុមហ៊ុនប៉ុណ្ណោះ ដោយសារតែពួកគេយល់ថា វាជារឿងដ៏ពិបាកដែលតាមដានឲ្យដឹងថា បេក្ខជនរូបណាគោរពលក្ខន្តិកៈត្រឹមត្រូវឥតខ្ចោះ៕
Tag:
ស្មាតហ្វូន
© រក្សាសិទ្ធិដោយ thmeythmey.com
