ចិញ្ចើមផ្លូវ «​តូចចិត្ត​»
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


បទវិភាគ
ចិញ្ចើមផ្លូវ «​តូចចិត្ត​»
អត្ថបទ : ចំណារ       January-06-2017, 1:42 pm         3247
រូបភាព
 
​ភ្នំពេញ​៖ ចិញ្ចើមផ្លូវ មាន​តួនាទី​សម្រាប់​បម្រើ​អ្នក​ថ្មើរជើង​។ តែ​នៅ​កម្ពុជា ចិញ្ចើមផ្លូវ ត្រូវបាន​គេ​ប្រើប្រាស់​ឲ្យ​បម្រើ​អ្នកជិះ​ម៉ូតូ និង​បម្រើ​អ្នកជំនួញ​ទៅវិញ​។ ត្រង់​នេះហើយ​ដែល ចិញ្ចើមផ្លូវ នៅ​កម្ពុជា​មិន​សប្បាយចិត្ត​នោះ​។
 
​ជាធម្មតា អ្នកធ្វើដំណើរ​ត្រូវតែ​ធ្វើដំណើរ​នៅលើ​ទ្រូងផ្លូវ​ពិតប្រាកដ​។ នៅលើ ចិញ្ចើមផ្លូវ វា​គឺជា​ទីកន្លែង​សម្រាប់​អ្នក​ថ្មើរជើង​។ ប៉ុន្តែ​ចាប់តាំងពី​សំណុំរឿង​ចរាចរណ៍​នៅ​ទីក្រុង​ភ្នំពេញ​កាន់តែ​ស្មុគស្មាញ ហើយ​ទំនងជា​មិនអាច​ត្រូវបាន​ដោះស្រាយ​ឆាប់ៗ​នោះ គេ​សង្កេតឃើញ​អ្នកជិះ​ម៉ូតូ ជាពិសេស បាន​ខ្ចី ចិញ្ចើមផ្លូវ ដើម្បី​អាច​រុលទៅមុខ​បាន នៅពេល​ស្ថានភាព​កកស្ទះ​ចរាចរណ៍​ស្ថិតក្នុង​សភាព​ធ្ងន់ធ្ងរ​។ 
 
​បើទោះបីជា​ដឹងថា ការ​ជិះ​លើ ចិញ្ចើមផ្លូវ ជា​កំហុស​ក៏ដោយ តែ​អ្នកជិះ​ម៉ូតូ​នាំគ្នា​រុល​បុក​ទៅមុខ ឬ​ប្រជែង​រត់ឡើង​លើ ចិញ្ចើមផ្លូវ ដើម្បី​អាចធ្វើ​ដំណើរ​ទៅមុខ​បាន​។ ពេលខ្លះ​ម្ចាស់ផ្ទះ​ដាក់​ដុំថ្ម​ឃាំង​មិន​ឲ្យ​អ្នកដំណើរ​ប្រើប្រាស់ ចិញ្ចើមផ្លូវ នៅមុខ​ផ្ទះ​គេ​ឡើយ​។ តែ​ទោះជា​យ៉ាងណា អ្នកជិះ​ម៉ូតូ​នៅតែ​រុលទៅមុខ​មិន​ខ្វល់​ពីអ្វី​ទាំងអស់ ព្រោះ​នៅលើ​ទ្រូ​វ​ផ្លូវ ចរាចរណ៍​រញ៉េរញ៉ៃ​មិនអាច ធ្វើដំណើរ​ទៅមុខ​បានឡើយ​។ 
 
​រឿង​មួយទៀត​ដែល ចិញ្ចើមផ្លូវ មិន​សប្បាយ ឬ​តូចចិត្ត​ដែរនោះ គឺថា ចិញ្ចើមផ្លូវ ដែលមាន​តួនាទី​បម្រើ​អ្នក​ថ្មើរជើង​នោះ ត្រូវបាន​ម្ចាស់ផ្ទះ​នីមួយៗ​ប្រើប្រាស់​ដើម្បី​ផលប្រយោជន៍​អាជីវកម្ម​ផ្ទាល់ខ្លួន​។ ចិញ្ចើមផ្លូវ តូចចិត្ត តែ​មិនអាច​បញ្ចេញវាចា​បានឡើយ​។ ចិញ្ចើមផ្លូវ តូច​តិច ដ្បិត​តួនាទី​របស់​វា​ដែល​ត្រូវ​បម្រើ​មហាជន​អ្នក​ថ្មើរជើង បែរជា​ត្រូវបាន​គេ​យកទៅ​ឲ្យ​បម្រើ​អ្នកជិះ​ម៉ូតូ និង​ម្ចាស់​អាជីវកម្ម​ទៅវិញ​។ 
 
​ងាក​ត្រឡប់មក​រឿង​អ្នកធ្វើដំណើរ​វិញ មិន​ត្រឹមតែ​ជិះ​លើ ចិញ្ចើមផ្លូវ ទេ អ្នកធ្វើដំណើរ​ខ្លះ​បានសម្រេច​ចិត្ត​ជិះ​បញ្ច្រាសទិស​ដែល​បង្ក​ឲ្យ​ស្ថានភាព​ចរាចរណ៍​កាន់​កកស្ទះ​ណែនណាន់តាន់តាប់​បន្ថែម​ទៀត ពោល គឺ​ចរាចរណ៍​ជាប់គាំង​តែម្តង​។ តើ​ការកកស្ទះ​នៅ​ភ្នំពេញ​បណ្តាលមកពី​កំណើន​យានយន្ត​មែន​ឬទេ​? 
 
​ចម្លើយ គឺ​វា​ពិតជា​អ៊ីចឹង​មែន​។ តែ​ការកកស្ទះ​មួយទៀត គឺ​បណ្តាលមកពី​ការមិន​គោរព​ច្បាប់​របស់​អ្នកបើកបរ​។ អ្នកបើកបរ​នៅ​កម្ពុជា តែងតែ​គិតថា​«​គាត់​ជា​អ្នក​ប្រញាប់​ជាងគេ ខុសច្បាប់​ឬ​ត្រូវ​ច្បាប់ គាត់​មិន​ខ្វល់​ទេ​។ អ្វីដែល​គាត់​ខ្វល់ គឺ​គាត់​ត្រូវ​រុល​ឲ្យ​បាន​ទៅមុខ​មុនគេ​»​។ ដើម្បី​អាច​រុលទៅមុខ​បាន​លឿន អ្នកបើកបរ​ត្រូវ​ជិះ​លើ ចិញ្ចើមផ្លូវ ដែល​នេះ​ធ្វើ​ឲ្យ ចិញ្ចើមផ្លូវ «​តូចចិត្ត​» ហើយ​ថែមទាំង​មិនអាច​បញ្ចេញវាចា​បាន​ទៀតផង​៕ 
   រក្សាសិទ្ធិដោយ thmeythmey.com  
ព័ត៌មានចម្រុះ
6 day - 1195
ទស្សនៈ
ភ្នំពេញ​៖ អ្នកកាសែត​មាន​តួនាទី​សង្កេត​ព្រឹត្តិការណ៍​ដែល​កើតឡើង​នៅក្នុង​សង្គម​តាំងពី​ថ្នាក់ក្រោម​ដល់​ថ្នាក់លើ​។ សង្កេតការណ៍​រួចហើយ អ្នកកាសែត​ត្រូវ​រាយការណ៍​គ្រប់​ព័ត៌មាន​ទាំងអស់​ដែល​បម្រើ​ផលប្រយោជន៍​សង្គម ជូន​ដល់​សាធារណជន​ដែលជា​រាស្ត្រ មន្ត្រី និង​ថ្នាក់ដឹកនាំ​ប្រទេស​។ រាស្ត្រ​មាន​បញ្ហា​ត្រូវ​រាយការណ៍​ប្រាប់​មេដឹកនាំ​ប្រទេស​។ ថ្នាក់ដឹកនាំ​ប្រទេស​ធ្វើ​អ្វីមួយ​ត្រូវតែ​ជម្រាប​ប្រាប់​ជូនទៅ​រាស្ត្រ​វិញ តាមរយៈ​អ្នកសារព័ត៌មាន​។ តើ​អ្វី​ទៅជា​ការលំបាក​របស់​អ្នកកាសែត​?
6 day - 912
វិភាគ
​ភ្នំពេញ​៖ នៅក្នុង​ប្រទេស​កុំ​ម្មុយ​នី​ស​មួយចំនួន ថ្នាក់ដឹកនាំ​ខ្លះ ចាត់ទុក​អ្នកសារព័ត៌មាន​ជាស​ត្រូវ មានន័យថា ក្នុង​ក្រសែភ្នែក​របស់​ពួកគេ អ្នកកាសែត គឺជា​អ្នក​រំខាន​កិច្ចការ​ផ្ទៃក្នុង​របស់​ពួកគេ​។ តែ​នៅក្នុង​សង្គម​ប្រជាធិបតេយ្យ​វិញ អ្នកសារព័ត៌មាន​ត្រូវបាន​គេ​ចាត់ទុកថា ជា​អ្នកឃ្លាំមើល​សង្គម ជា​អ្នកសង្កេតការណ៍​សង្គម ឬ​ជា​កញ្ចក់​សម្រាប់​អោយ​មន្ត្រី​ខូច​ឆ្លុះ​មើល​ខ្លួនឯង​ដើម្បី​ដុះក្អែល​ចេញ​។ ក្នុងខណៈ​ពេលដែល​មន្ត្រី​ក្នុងប្រទេស​កុំ​ម្មុយ​នី​ស​មួយចំនួន​ចាត់ទុក​អ្នកសារព័ត៌មាន​ជាស​ត្រូវ ឬ​ជា​តួអង្គ​ចាក់រុក​នោះ នៅក្នុង​សង្គម​ប្រជាធិបតេយ្យ​សេរី​ឯណេះ​វិញ អ្នកកាសែត​ត្រូវបាន​គេ​ចាត់ទុកថា ជា​ដៃគូរ​អភិវឌ្ឍ​ប្រទេស​ដោយ​ខានមិនបាន​។ តើ​ហេតុអ្វី​បានជា​សារព័ត៌មាន​ជា​ដៃគូរ​អភិវឌ្ឍ​ប្រទេស​?  
1 week - 7829
ទស្សនៈ
​ហ្វេ​ស​ប៊ុ​ក​មិនមែនជា​រឿង​ថ្មី​ទៀត​ទេ​នៅ​កម្ពុជា​។ ប៉ុន្តែ​មនុស្ស​ខ្មែរ​អ្នកលេង​ហ្វេ​ស​ប៊ុ​ក​ជាច្រើន នៅតែ​ជាម​នុស្ស​ថ្មី​ក្នុងការ​ប្រើប្រាស់​បណ្តាញ​សង្គម​យក្ស​មួយ​នេះ​។ ពួកគេ​មិនទាន់បាន​យកចិត្តទុកដាក់​ថា ការប្រើប្រាស់​ហ្វេ​ស​ប៊ុ​ក (​លេង​ហ្វេ​ស​ប៊ុ​ក​)​របស់​ពួកគេ ពេលខ្លះ​បាន​រំលោភ​ឯកជន​ភាព​របស់​មនុស្ស​ជុំវិញ​របស់​ពួកគេ រួមទាំង​កូន ប្រពន្ធ ឪពុកម្តាយ មិត្តភក្តិ​នោះឡើយ​។ ពេលខ្លះ មនុស្ស​ដែល​ត្រូវបាន​គេ​ថត​បង្ហោះ​ផ្សព្វផ្សាយ មិនបាន​ដឹងខ្លួន​ទៀតផង​។​
2 week - 5709
ទស្សនៈ
​នៅក្នុង​សង្គម​នីមួយៗ ក្រៅតែពី​និស្សិត​ដែល​សិក្សា​មុខវិជ្ជា​ច្បាប់ ដែល​គេ​ហៅថា លោក​បរិញ្ញាបត្រ​ច្បាប់ លោក​បណ្ឌិត​ផ្នែក​ច្បាប់​នោះ ក៏មាន​ក្រុមមនុស្ស​មួយចំនួនទៀត​ដែរ មាន​ដូច​អ្នកតំណាងរាស្ត្រ មន្ត្រី​រដ្ឋាភិបាល មន្ត្រីរាជការ និង​កងកម្លាំងប្រដាប់អាវុធ​ជាដើម ដែល​គេ​ចាត់ទុកថា ជា​អ្នកចេះ​ច្បាប់ ឬ​អាច​ស្វែងយល់​ពី​ច្បាប់​បាន​ច្រើនជាង​ពលរដ្ឋ​ធម្មតា​។ តែ​កន្លងមក​អ្នកចេះ​ច្បាប់​ខ្លះ ត្រូវគេ​មើលឃើញថា មិនបាន​គោរព​ច្បាប់​ទៅតាម​ការចេះដឹង​របស់​ខ្លួន​ទេ​។​
2 week - 26238
ទស្សនៈ
​ភ្នំពេញ​៖ កាលពី​ដើមឡើយ ជាតិខ្មែរ គឺជា​ពូជសាសន៍​មួយ​ដែល​ពូកែ​អស្ចារ្យ​។ ខ្មែរ​ជំនាន់​ដើម​អាចធ្វើ​អ្វី​បាន ដែល​ពូជសាសន៍​ដទៃ​មិនអាច​ធ្វើបាន​។ ជាក់ស្តែង ដូចជា ការកសាង​ប្រាសាទ​នានា កេរដំណែល​សម្បត្តិ​វប្បធម៌ និង​កេរដំណែល​ស្នាដៃ​ដទៃៗ​ទៀត​។ ជាតិខ្មែរ​ធ្លាប់​ត្រូវបាន​គេ​គោរព និង​ធ្វើតាម ឬ​យកតម្រាប់​តាម​។ តែ​បច្ចុប្បន្ននេះ ខ្មែរ​ខ្លួនឯង​ហាក់បីដូចជា​បាត់បង់​នូវ​មោទនភាព​ជាតិ​ខ្លួនឯង​។ តើ​នេះ​បណ្តាលមកពី​មូលហេតុ​អ្វី​?

20 Jan 2017