ជំរឿនប្រជាជនឆ្នាំ២០១៩ ចំណាយជិត១០លានដុល្លារ

ជាតិ

ជំរឿនប្រជាជនឆ្នាំ២០១៩ ចំណាយជិត១០លានដុល្លារ

27, Jan 2021 , 6:29 pm

រូបភាព

ដោយ: ឡាយ សុភាវតី

• ភ្នំពេញ៖ រដ្ឋាភិបាលកម្ពុជា ចំណាយថវិកាផ្ទាល់ខ្លួនស្ទើរតែទាំងស្រុង ក្នុងការធ្វើជំរឿនប្រជាជនលើទី៤ ក្នុងឆ្នាំ២០១៩ ដោយមានការជួយគាំទ្រផ្នែកហិរញ្ញវត្ថុមួយចំនួន រួមទាំងបច្ចេកទេសពីមូលនិធិប្រជាជនអង្គការសហប្រជាជាតិ (UNFPA) អង្គការអភិវឌ្ឍន៍អន្តរជាតិអាល្លឺម៉ង់ (GIZ) សហភាពអឺរ៉ុប (EU) ទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអែត SIDA និង រដ្ឋាភិបាលចិន។ នេះបើតាមរបាយការណ៍ការណ៍ជាតិស្ដីពីលទ្ធផលចុងក្រោយនៃជំរឿនប្រជាជានកម្ពុជាឆ្នាំ២០១៩ ដែលប្រកាសផ្សព្វផ្សាយជាផ្លូវការនៅថ្ងៃទី២៦ ខែមករា ឆ្នាំ២០២១។

ជំរឿនប្រជាជនឆ្នាំ២០១៩ បានធ្វើឡើងដោយវិទ្យាស្ថានជាតិស្ថិតិនៃក្រសួងផែនការ ក្រោមការគ្រប់គ្រងរបស់គណៈកម្មាធិការជាតិជំរឿន ដោយចំណាយថវិកាជាង៩លាន៩សែនដុល្លារ ដែលជាថវិកាជាតិស្ទើរទាំងស្រុង រួមទាំងការជួយពីដៃគូសហការចំនួន៥បន្ថែមទៀត។ ការធ្វើជំរឿនលើកទី៤នេះ មានមន្ត្រីជាង៥ម៉ឺននាក់ បានចុះត្រួតពិនិត្យនិងសម្ភាសប្រជាជនជាង៣,៦លានគ្រួសារ នៅទូទាំងប្រទេស ដោយប្រើរយៈពេល១១ថ្ងៃ គិតចាប់ពីថ្ងៃទី៣ ដល់ថ្ងៃទី១៣មីនា ឆ្នាំ២០១៩។

លទ្ធផលផ្លូវការនៃការធ្វើជំរឿន បង្ហាញថា កម្ពុជាមានប្រជាជនជាង១៥,៥៥លាននាក់ ក្នុងនោះបុរសជាង៧,៥៧លាននាក់ និងស្រី្តជិត៨លាននាក់៕

អត្ថបទទាក់ទង

លទ្ធផលជំរឿន៖ ភ្នំពេញ កណ្តាល ព្រៃវែង និងសៀមរាប មានពលរដ្ឋច្រើនជាងគេ

លទ្ធផលជំរឿន៖ កម្ពុជាមានពលរដ្ឋជាង១៥លាននាក់ ដោយស្រីច្រើនជាងប្រុស