ថវិកាទាំងនេះក៏នឹងផ្តល់ជូនទៅនិវត្តជន ជនបាត់បង់សម្បទាវិជ្ជាជីវៈ ឬបាត់បង់សមត្ថភាពការងារ និងជនពិការដែលជាមន្ត្រីរាជការស៊ីវិល អតីតយោធិនៃកងយោពលខេមរភូមិន្ទ អតីតមន្ត្រីនគរបាលកម្ពុជា និងគ្រួសារជនពលី និងគ្រួសារជនមរណភាពដែលជាអតីតយុទ្ធជន។ 

 

បើតាមអនុក្រឹត្យ ថវិកាចំនួន៥ម៉ឺនរៀលនេះនឹងផ្តល់ឲ្យតែមួយលើក សម្រាប់មន្ត្រីម្នាក់ៗ និងមួយគ្រួសារតែមួយកន្លែង។ ដូច្នេះដើម្បីសម្រួលក្នុងការទទួលបានថវិកានេះ រដ្ឋាភិបាលបានស្នើឲ្យក្រសួងសេដ្ឋកិច្ច និងហរិញ្ញវត្ថុ ក្រសួងនិងស្ថាប័ននានា រៀបចំចាត់ចែងការផ្តល់ថវិកាទៅមន្ត្រីឲ្យបានមុនថ្ងៃទី១០ ខែមេសា។

 

សូមបញ្ជាក់ថា បុណ្យចូលឆ្នាំខ្មែរប្រពៃណីជាតិនឹងប្រព្រឹត្តឡើងនៅថ្ងៃទី១៤-១៦ ខែមេសា ឆ្នាំ២០២១ខាងមុខនេះ។ 

 

ទោះបីកម្ពុជាមានការរាតត្បាតនូវជំងឺកូវីដ-១៩ ប៉ុន្តែ រដ្ឋាភិបាលមិនបានផ្អាកបា្ររព្ធពិធីបុណ្យចូលឆ្នាំខ្មែរឡើយ ដោយអនុញ្ញាតឲ្យមន្ត្រី បុគ្គលិកនៃស្ថាប័នរដ្ឋឈប់សម្រាក៣ថ្ងៃ គឺចាប់ពីថ្ងៃទី១៤-១៦ ខែមេសា។ ដោយឡែកបុគ្គលិក កម្មករ និយោជិតនៃវិស័យឯកជននានានឹងត្រូវអនុញ្ញាតឲ្យឈប់៣ថ្ងៃផងដែរ ប៉ុន្តែក៏មានជម្រើសមួយទៀតគឺអាចលើកថ្ងៃឈប់ ទៅឈប់ថ្ងៃផ្សេងទៀត តាមការព្រមព្រៀងគ្នាស្របតាមច្បាប់ស្តីពីច្បាប់ការងារ។ ប៉ុន្តែពលរដ្ឋម្នាក់ៗត្រូវអនុវត្តតាមវិធានការ៣កុំ និង៣ការពារ៕