ដោយ៖ជា យូគៀង

 
 

ក្នុងលទ្ធផល ៤-០ ដោយក្រុមបាល់ទាត់នារីរបស់ Barcelona បានបំបាក់ក្រុមតោខៀវ Chelsea គឺសុទ្ធតែរកបាននៅវគ្គទី១ប៉ុណ្ណោះ។ គ្រាប់បាល់ដំបូងនៅនាទីទី១ គឺកើតចេញពីកីឡាការិនី Melanie Leupolz របស់Chelsea ដែលធ្វើឲ្យចូលទីខ្លួនឯង (Own Gaol) មុនកីឡាការិនី Alexia Putellas របស់គ្រាប់ទី២ ឲ្យក្លិបអ្នកមានបុណ្យ នៅនាទី ១៤ ។ ៧នាទីក្រោយមក កីឡាការនី Aitana Bonmati រកគ្រាប់ទី៣ មុននឹងកីឡាការនី Caroline Graham Hansen ថែមគ្រាប់បាល់ទី៤ នៅនាទី៣៦ នៅក្នុងវគ្គទីមួយ។


 

ក្នុងរដូវកាល ២០២០-២០២១ ក្រុមតោខៀវ Chelsea នារីបានឈ្នះ Women’s Super League និងពាន League Cup ចំណែកក្នុងការប្រកួតប្រជែង UEFA Women’s UCL វគ្គផ្តាច់ព្រ័ត្រឆ្នាំ២០២១ ជាគោលបំណងរបស់ពួកគេសង្ឃឹមនឹងលើកពានរង្វាន់មួយនេះដែលជាពានទី៣សំរាប់ក្រុមពួកគេក្នុងរដូវកាលនេះតែម្តងប៉ុន្តែក្រុមតោខៀវ Chelsea នារីបានត្រឹមការខកចិត្ត ដ្បិតចាញ់ក្រោមថ្វីជើងរបស់ក្រុមនារី Barcelona ។ ការឡើងមកប្រកួត UEFA Women’s UCL វគ្គផ្តាច់ព្រ័ត្រឆ្នាំ២០២១ នេះជាព្រឹត្តិការណ៍លើកដំបូង ប្រចាំប្រវត្តិសាស្រ្តក្លិប Chelsea ហើយក៏ជាក្រុមនារីរបស់អង់គ្លេសទី២ បន្ទាប់ពីក្រុម Arsenal នារី កាលពីឆ្នាំ២០០៧ ដែលធ្លាប់មកដល់វគ្គផ្តាច់ព្រ័ត្រ Women’s UCL ហើយបានលើកពានរង្វាន់ធំអឺរ៉ុបមួយនេះ។ 
 

ត្រឹមរយៈពេល២ថ្ងៃនេះ ក្រុមបាល់ទាត់បុរស និងស្ត្រីរបស់Chelsea បានរបូតពានធំៗចំនួន២ ដោយក្រុមបុរសចាញ់ Leciester City ១ទល់០ នៅវគ្គផ្ដាច់ព្រាត់នៃពានរង្វាន FA Cup កាលពីថ្ងៃទី១៥ ឧសភាដែរ៕