កីឡាការិនី Timanovskaya វ័យ២៤ឆ្នាំបានឡើងយន្តហោះពីតូក្យូ ទៅដល់ប៉ូឡូញនៅថ្ងៃទី៤ ខែសីហាហើយ បន្ទាប់ពីរដ្ឋាភិបាលប៉ូឡូញផ្តល់សិទ្ធជ្រកកោនដល់នាង ក្រោយអត្តពលិករត់ប្រណាំងរូបនេះមានបញ្ហាជាមួយមន្ត្រីកីឡាខ្លួនអំឡុងការប្រកួតនៅអូឡាំពិករដូវក្តៅ។
 

Tsimanouskaya បានស្វែងរកសិទ្ធិជ្រកកោននៅប្រទេសផ្សេង ព្រោះមិនហ៊ានត្រឡប់ទៅប្រទេសកំណើតបេឡារុសវិញ។ មិនហ៊ានត្រឡប់ទៅផ្ទះ ដ្បិតនាងមានបញ្ហាជាមួយមន្ត្រីកីឡាបេឡារុស បន្ទាប់ពីរិះគន់មន្ត្រីកីឡាអំឡុងព្រឹត្តិការណ៍អូឡាពិកឆ្នាំ២០២០។
 

ក្រោយរិះគន់ Tsimanouskaya ត្រូវបានតំណាងក្រុមកីឡាអូឡាំពិកបេឡារុសនាំទៅព្រលានយន្តហោះ ដើម្បីបញ្ជូនត្រឡប់ទៅផ្ទះវិញទាំងមិនទាន់ប្រកួតចប់វិញ្ញា។ អត្តពលិករូបនេះ បង្ហាញការភ័យខ្លាចចំពោះសុវត្ថិភាពចំពោះសុវត្ថិភាពខ្លួនចំពោះទង្វើរបស់មន្ត្រីកីឡាបេឡារុស។ លោក Viktor Lukashenko ដែលជាកូនប្រុសលោកប្រធានាធិបតីបេឡារុស Alexander Lukashenko ជាប្រធានគណៈកម្មាធិការអូឡាំពិកបេឡារុសស្រាប់។
 

Tsimanouskaya បានប្រាប់កាសែត BBC ថាការរិះគន់របស់នាងមិនមែនជាការតវ៉ាទាក់ទងនឹងនយោបាយឡើយ ហើយនាងខ្ញុំស្រឡាញ់ប្រទេសកំណើត និងមិនក្បត់ប្រទេសខ្លួនឡើយ។ កីឡាការិនីរត់ល្បឿន១០០ម៉ែត្រ និងចម្ងាយ២០០ម៉ែត្ររូបនេះ បន្ថែមថាខ្លួនរិះគន់មន្ត្រីកីឡាដែលមានកំហុសនៅអូឡាំពិកប៉ុណ្ណោះ៕