ជាតិ
រថយន្ត
ឡានFORDចំណាស់ជិត៥០ឆ្នាំ២គ្រឿង ត្រូវបានដាក់តាំងនៅរមណីយដ្ឋានមួយក្នុងខេត្តកណ្តាល
× កណ្តាល៖ លោក ស្រី ចាន់ថន ប្រមូលម៉ូតូ៥គ្រឿង និងរថយន្ដ១០គ្រឿង ដែលដាក់តាំងឱ្យសាធារណជនទស្សនា នៅរមណីយដ្ឋានធម្មជាតិកែច្នៃស្កាយលែន ដែលស្ថិតនៅឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ ក្នុងនោះមានម៉ូតូម៉ាក BMW HARLEY-DAVIDSON និង ROYAL ENFIELD ៣គ្រឿង ឡានម៉ាក BRP CHEVROLET CORVETTE MAZDA MERCEDES REZVANI TOYOTA និងរថយន្ដបុរាណ៣គ្រឿង ម៉ាក PACKARD និង FORD ២គ្រឿង។ ក្នុងចំណោមឡានចុងក្រោយទាំង២នេះ មានរថយន្ដ FORD ប្រភេទ LTD ជំនាន់ទី២ ពណ៌ខ្មៅ ផលិតក្នុងចន្លោះឆ្នាំ១៩៧៣ និង១៩៧៨។ វាវែងអស់ទាស់ គឺប្រវែង៥.៦៩ម៉ែត្រ! ហើយឡាននេះផាសុកភាពណាស់ គ្មានចន្លោះនៅកណ្ដាលកៅអីខាងមុខ។
ដើម្បីជ្រាបច្បាស់សូមអញ្ជើញលោកអ្នកនាងទស្សនាវីដេអូខាងក្រោមនេះ៖
FORD LTD ត្រូវបានផលិតពីឆ្នាំ១៩៦៥ រហូតដល់ឆ្នាំ១៩៩១ សម្រាប់ទីផ្សារទ្វីបអាម៉េរិក និងប្រទេសអូស្ត្រាលីប៉ុណ្ណោះ។ ជំនាន់ទី២ ត្រូវបានផលិតពីឆ្នាំ១៩៦៩ ដល់ឆ្នាំ១៩៧៨ ក្នុងរោងចក្រផ្សេងៗ នៅប្រទេសកាណាដា និងសហរដ្ឋអាម៉េរិក។ LTD គឺជាប្រភេទ មិនមែនជាម៉ាកទេ។ ក៏ប៉ុន្តែពីដើមមានរូបសញ្ញា LTD ខាងឆ្វេង និងខាងស្ដាំ លើគ្រប់រថយន្ដ FORD LTD លក់នៅទ្វីបអាម៉េរិកខាងជើង។ មួយរយៈពេល រហូតដល់ចុងទសវត្សរ៍១៩៧០ ក្រុមហ៊ុន FORD មិនសូវបានប្រើរូបសញ្ញាឡូហ្គូរបស់ខ្លួនលើឡានទេ។ ខាងមុខ ខាងក្រោយ និងខាងក្នុង FORD LTD មានអក្សរ FORD ពិតមែន ប៉ុន្តែមិនមែនជានិមិត្តសញ្ញាទេ។ លោក FORD Henry បានបង្កើតក្រុមហ៊ុន FORD ឆ្នាំ១៩០៣ នៅសហរដ្ឋអាម៉េរិក៕
© រក្សាសិទ្ធិដោយ thmeythmey.com