សម្រាប់ក្រុមហ៊ុន MERCEDES-BENZ អក្សរ SL មានន័យថា ជាឡានបែប coupé cabriolet គឺជារថយន្ដទ្វារ២ ដែលគ្មានដំបូល ឬដែលអាចដកវាចេញបាន។ តាមពិត MERCEDES-BENZ R107 អាចដាក់ដំបូលក្រណាត់កៅស៊ូដែលជាប់ជាមួយក៏បាន ឬក៏អាចបត់បញ្ចូលវាក្នុងវិញក៏បាន។ វាមានកៅអីតែ ២ប៉ុណ្ណោះ ហើយផ្នែកខាងក្រោយ មានតែកុមារទេដែលអាចអង្គុយបាន។ ក្រៅពីម៉ាស៊ីនម៉ូឌែល 380SL មិនខុសពីម៉ូឌែលផ្សេងៗទៀតដូចជា 280SL 300SL 350SL 420SL 450SL និង 500SL ទេ។ លេខនេះគ្រាន់តែបញ្ជាក់អំពីកម្លាំងម៉ាស៊ីន ដែលមាន 3818 CC ។ វាស៊ីសាំងច្រើនមែនទែន : ១៨,៥ លីត្រក្នុង ១០០គីឡូម៉ែត្រ។

 

គេបានផលិត MERCEDES-BENZ R107 ម៉ូឌែល 380SL ពីឆ្នាំ១៩៨០ រហូតដល់ឆ្នាំ១៩៨៥។ MERCEDES-BENZ R107 ត្រូវបានផលិត ពីឆ្នាំ១៩៧១ រហូតដល់ឆ្នាំ១៩៨៩ ក្នុងរោងចក្រនៅប្រទេសអាល្លឺម៉ង់ និងនៅប្រទេសអាហ្វ្រិកខាងត្បូង។ ម៉ាក MERCEDES-BENZ ត្រូវបានបង្កើតនៅប្រទេសអាល្លឺម៉ង់ នៅអំឡុងឆ្នាំ១៩២៦។ គឺជាកម្មសិទ្ធិរបស់ក្រុមសម្ព័ន្ធ DAIMLER ៕