លោក ឃ្លាំង ហួត អភិបាលរងរាជធានីភ្នំពេញ បានអះអាងថា ក្នុងចំណោមអាជីវករទាំង១០នាក់នេះ មាន៩នាក់ បានបញ្ជូនទៅឃុំខ្លួននៅពន្ធនាគារបណ្ដោះអាសន្ន  ហើយម្នាក់ទៀតកំពុងសួរនាំបន្ថែម។ បើតាមលោក ឃ្លាំង ហួត អាជ្ញាធរនឹងចុះឆែកតាមហាងបញ្ចាំ និងឃ្លាំងម៉ូតូដែលសង្ស័យ ទូទាំងរាជធានីភ្នំពេញ ដើម្បីបង្ក្រាបការទទួលបញ្ចាំពីក្រុមចោរ និងការលាក់ម៉ូតូគេចពន្ធខុសច្បាប់។ 

 

ចាប់តាំងថ្ងៃទី ១៩កញ្ញាមក សមត្ថកិច្ចបានចុះឆែកឃ្លាំងម៉ូតូចំនួន១៥ទីតាំង ក្នុងនោះដកហូតម៉ូតូ ដែលពុំមានឯកសាកច្បាស់លាស់ជាង១ពាន់គ្រឿង។ ជាមួយគ្នាដែរ លោក ឃ្លាំង ហួត អំពាវនាវឲ្យពលរដ្ឋ រួមគ្នារាយការណ៍ទៅអាជ្ញាធរ បើសង្ស័យឃើញមានឃ្លាំងម៉ូតូ ឬហាងបញ្ចាំណា ដែលគប់គិតជាមួយក្រុមចោរ ឬគេចពន្ធម៉ូតូខុសច្បាប់៕