ឡាន ម៉ាក JEEP អាយុប្រមាណ៤០ឆ្នាំដ៏កម្រ មានវត្តមាននៅវត្តភ្នំប្រសិទ្ធិត្រ័យត្រិង្ស ខេត្តកណ្តាល

ជាតិ

រថយន្ត

02, Apr 2023 , 10:59 pm

រូបភាព

កណ្តាល៖ ចៅអធិការវត្តភ្នំប្រសិទ្ធត្រ័យត្រិង្ស មានរថយន្ដបុរាណមួយគ្រឿង ម៉ាក JEEP ប្រភេទ CJ ម៉ូឌែល 7 ពណ៌ត្រយូងចេក ផលិតកាលពីប្រហែល៤០ឆ្នាំមុន។ វាត្រូវបាននាំចូលពីសហរដ្ឋអាម៉េរិក ហើយមកដល់ពេលនេះវានៅតែបំពាក់ផ្លាកលេខរដ្ឋ California។ ត្រូវបានកែច្នៃវាច្រើនដូចជា កែទ្រង់ទ្រាយបន្តិច ដូរតាប្លូ និងចង្កូតដាក់របស់រថយន្ដម៉ាក KIA វិញ។ ដូរកៅអីទាំងខាងមុខទាំងខាងក្រោយ។ ដូរកញ្ចក់ឆ្លុះចំហៀងទាំងសងខាង ដូរកង់សឺកួរ ថែមហ្វារចូលអាប់លើដែកកាងខាងមុខ ថែមអង់តែនខាងក្រោយទាំងសងខាង សម្រាប់សោភ័ណភាព ថែមពន្លឺខ្លះៗលើប៉ាណា និងបិតស្កុតរូបសញ្ញា JEEP ។ ទូទាំងប្រទេសកម្ពុជា កម្រមានរថយន្ដ JEEP CJ ណាស់។

សូមអញ្ជើញទស្សនាវីដេអូខាងក្រោមនេះ៖

ក្រុមហ៊ុនអាម៉េរិកាំង WILLYS-Overland បានបង្កើតម៉ាក JEEP ឆ្នាំ១៩៤១ ដោយលោក WILLYS John ។ JEEP CJ ត្រូវបានចាប់ផ្ដើមផលិតឆ្នាំ១៩៤៤។ ក៏ប៉ុន្តែ ពីឆ្នាំ១៩៦៣ ទៅឆ្នាំ១៩៧០ ត្រូវបានផ្ទេរការផលិតទៅឱ្យក្រុមហ៊ុន KAISER ហើយឆ្នាំ១៩៧១ ទៅឱ្យក្រុមហ៊ុន AM ដែលបញ្ចប់ផលិត JEEP CJ ឆ្នាំ១៩៨៦។ រយៈពេល៤២ឆ្នាំ មានឡាននេះត្រូវបានផលិតឡើងជាង ១ ៥០០០ ០០០គ្រឿង។ អក្សរកាត់ CJ មានន័យថា Civilian JEEP។ ដូច្នេះគឺជាឡានសម្រាប់ជនស៊ីវិល ខណៈរថយន្ដ JEEP ប្រភេទដើម គឺជាឡានសម្រាប់យោធា។ វាបង្វិលកង់ទាំង៤ ដើម្បីជិះលើផ្លូវមានឧបសគ្គ ឬក្រៅផ្លូវ។ JEEP CJ-7 ត្រូវបានផលិតចំនួន៣៧៩ ២៩៩ គ្រឿង ពីឆ្នាំ១៩៧៦ ដល់ឆ្នាំ១៩៨៦។ ពីដើមវាមានទម្ងន់ត្រឹម ១ ២២៨គីឡូក្រាម និងបណ្ដោយ ៣៧៦សង់ទីម៉ែត្រ។ JEEP បានចូលក្នុងក្រុមសម្ព័ន្ធបារាំងអ៊ីតាលីអាម៉េរិកាំង STELLANTIS ប្រមាណ ១០ឆ្នាំមកហើយ ៕

អត្ថបទទាក់ទង

M151 ជាឡានដំបូងរបស់លោក ហុង ប៊ុនរ៉ុង ហើយជាឡាដែលលោកស្រឡាញ់ជាងគេ

លោក ងិន វាសនា កែឡាន JEEP មួយគ្រឿងឲ្យខ្ពស់ជាងមុន ហើយអាចបែនបានដូចឡានដឹកដី

ការស្រឡាញ់ជំរុញឲ្យលោក គឹមហួត ខំស្រាវជ្រាវ រហូតអាចកែច្នៃ និងតុបតែងរថយន្តបានប្លែកៗ