ជាតិ
បទវិភាគ
×![]()
ដោយ: លីម តុលា
ភ្នំពេញ៖ ពីមួយឆ្នាំទៅមួយឆ្នាំ ប្រទេសចិនប្រជាមានិតពង្រីកឥទ្ធិពលរបស់ខ្លួនកាន់តែខ្លាំងឡើងៗទៅកាន់ទ្វីបអាស៊ី និងអាហ្វ្រិក។ នៅក្នុងទ្វីបអាស៊ី ជាពិសេស អាស៊ាន ចិនក៏កំពុងបង្កើនឥទ្ធិពលរបស់ខ្លួនដែរ។ កម្ពុជា ដែលជាប្រទេសតូចតាចមួយនៅក្នុងអាស៊ាន និងអាស៊ី ពិតជាមិនអាចគេចផុតចេញពីចំហាយឥទ្ធិពលរបស់ចិនបានឡើយ។ 
ដោយមិននិយាយពីឥទ្ធិពលចិននៅអាហ្វ្រិក ចិនបាន និងកំពុងពង្រីកឥទ្ធិពលរបស់ខ្លួននៅតំបន់អាស៊ីប៉ាស៊ីហ្វិក ជាពិសេស ក្នុងតំបន់អាស៊ានតែម្តង។ ការបង្ហាញវត្តមានរបស់ចិននៅតំបន់អាស៊ី ជាពិសេស នៅតំបន់អាស៊ាន ត្រូវបានគេមើលឃើញថា ចិនកំពុងប្រជែងឥទ្ធិពលជាមួយអាមេរិក ទាំងយុទ្ធសាស្ត្រយោធា និងសេដ្ឋកិច្ច។
ក្នុងក្របខ័ណ្ឌអាស៊ាន ប្រទេសចិនប្រជាមាននិតមានទំនាក់ទំនងល្អជាមួយបណ្តាប្រទេសមួយចំនួន ដូចជា៖ ប្រទេសភូមា ប្រទេសឡាវ ប្រទេសកម្ពុជា និងចុងក្រោយនេះ ចិនមានទំនាក់ទំនងសេដ្ឋកិច្ចយ៉ាងល្អជាមួយប្រទេសថៃដែលដឹកនាំដោយរបបយោធា។ ថៃ ដែលធ្លាប់ជាសម្ព័ន្ធភាពជិតស្និទ្ធិរបស់សហរដ្ឋអាមេរិក។ តួលេខមួយចំនួនបានបង្ហាញថា ប្រទេសចិន ពីមួយឆ្នាំទៅមួយឆ្នាំបានបង្កើនថវិកាការពារជាតិកាន់តែច្រើនឡើងៗដែលជាប្រការធ្វើអោយប្រទេសអាមេរិក ជប៉ុន និងបណ្តាប្រទេសដទៃទៀតព្រួយបារម្ភ។
ក្រៅពីឥទ្ធិពលយោធា ចិនបង្កើនការវិនិយោគទុនដ៏ច្រើននៅក្នុងប្រទេសមួយចំនួនធំនៅអាស៊ី និងជាពិសេស នៅអាស៊ាន។ តួលេខសេដ្ឋកិច្ចនៅក្នុងប្រទេសអាស៊ានមួយចំនួនបានបង្ហាញថា បណ្តាប្រទេសអាស៊ានពឹងផ្អែកកាន់តែច្រើនឡើងលើទំនិញរបស់ប្រទេសចិន ដែលកាលពីពេលមុន ប្រទេសអាស៊ានធ្លាប់ពឹងផ្អែកលើប្រទេសផ្សេងក្រៅពីចិន។
ប្រសិនបើគេនិយាយពីក្របខ័ណ្ឌអាស៊ី និងអាស៊ាន ចិនទទួលជោគជ័យ តាមរយៈការបង្កើនឥទ្ធិពលរបស់ខ្លួនទាំងយោធា និងសេដ្ឋកិច្ច។ ចុះក្នុងប្រទេសកម្ពុជាវិញ?
នៅក្នុងប្រទេសកម្ពុជាវិញ ចិន និងកម្ពុជា មានទំនាក់ទំនងយ៉ាងល្អបំផុត ទាំងទំនាក់ទំនងការទូត ទាំងទំនាក់សេដ្ឋកិច្ច និងវប្បធម៌។ វប្បធម៌ចិន កំពុងគ្របដណ្តប់លើសង្គមខ្មែរយ៉ាងខ្លាំង និងមិនអាចដកខ្លួនរួចផង។ ជាក់ស្តែង ក្នុងរដូវបុណ្យចូលឆ្នាំចិននេះ ទីផ្សារមួយចំនួន សាលារៀន ក្រសួងមន្ទីរបស់រដ្ឋមួយចំនួនបានបិទទ្វារ។ ប្រសិនបើបន្តបើកទ្វារ ក៏គ្រាន់តែបើកដែរ តែមិនសូវមានមនុស្សមកធ្វើការឡើយ។
ផ្អែកលើទំនាក់ទំនងការទូត ប្រទេសកម្ពុជាក្នុងរយៈពេលចុងក្រោយនេះ ទទួលបានជំនួយយ៉ាងច្រើនពីប្រទេសចិនប្រជាមានិត។ ជំនួយរបស់ចិន គឺជាជំនួយគ្មានលក្ខខណ្ឌ។ កម្ពុជាគាំទ្រពេញទំហឹងគោលនយោបាយចិនតែមួយ។
ផ្អែកលើទំនាក់ទំនងសេដ្ឋកិច្ច អ្នកវិនិយោគចិន បាន និងកំពុងបណ្តាក់ទុនវិនិយោគយ៉ាងច្រើននៅកម្ពុជា ជាពិសេស ក្នុងវិស័យកសិកម្ម និងឧស្សាហកម្មកាត់ដេរ។ អ្នកទេសចរចិន មកទស្សនាប្រទេសកម្ពុជាកាន់តែច្រើនឡើងៗពីមួយឆ្នាំទៅមួយឆ្នាំ។ ផ្អែកទំនាក់ទំនងវប្បធម៌វិញ កូនខ្មែរកាត់ចិន កាន់តែច្រើនឡើងបាននាំគ្នារៀនភាសាចិន។ ប្រទេសចិនបានផ្តល់អាហារូបករណ៍កាន់តែច្រើនមកដល់និស្សិតខ្មែរ។ កម្មវិធីផ្លាស់ប្តូរវប្បធម៌រវាងនិស្សិតចិន និងកម្ពុជាមានកាន់តែច្រើនឡើង។
សរុបសេចក្តីមកវិញ ប្រទេសចិនដែលជាមហាអំណាចសេដ្ឋកិច្ចលំដាប់លេខ២បន្ទាប់ពីសហរដ្ឋអាមេរិក កំពុងបង្ហាញឥទ្ធិពលរបស់ខ្លួនមិនត្រឹមតែនៅក្នុងប្រទេសកម្ពុជានោះទេ តែនៅក្នុងអាស៊ាន និងអាស៊ីទាំងមូល។ វត្តមានរបស់ចិននៅតំបន់អាស៊ីនេះ ធ្វើអោយប្រទេសអាមេរិក និងជប៉ុនដែលជាសម្ព័ន្ធមិត្តចាក់ទឹកមិនលិចរបស់អាមេរិក មានការព្រួយបារម្ភយ៉ាងខ្លាំង៕
ដោយមិននិយាយពីឥទ្ធិពលចិននៅអាហ្វ្រិក ចិនបាន និងកំពុងពង្រីកឥទ្ធិពលរបស់ខ្លួននៅតំបន់អាស៊ីប៉ាស៊ីហ្វិក ជាពិសេស ក្នុងតំបន់អាស៊ានតែម្តង។ ការបង្ហាញវត្តមានរបស់ចិននៅតំបន់អាស៊ី ជាពិសេស នៅតំបន់អាស៊ាន ត្រូវបានគេមើលឃើញថា ចិនកំពុងប្រជែងឥទ្ធិពលជាមួយអាមេរិក ទាំងយុទ្ធសាស្ត្រយោធា និងសេដ្ឋកិច្ច។
ក្នុងក្របខ័ណ្ឌអាស៊ាន ប្រទេសចិនប្រជាមាននិតមានទំនាក់ទំនងល្អជាមួយបណ្តាប្រទេសមួយចំនួន ដូចជា៖ ប្រទេសភូមា ប្រទេសឡាវ ប្រទេសកម្ពុជា និងចុងក្រោយនេះ ចិនមានទំនាក់ទំនងសេដ្ឋកិច្ចយ៉ាងល្អជាមួយប្រទេសថៃដែលដឹកនាំដោយរបបយោធា។ ថៃ ដែលធ្លាប់ជាសម្ព័ន្ធភាពជិតស្និទ្ធិរបស់សហរដ្ឋអាមេរិក។ តួលេខមួយចំនួនបានបង្ហាញថា ប្រទេសចិន ពីមួយឆ្នាំទៅមួយឆ្នាំបានបង្កើនថវិកាការពារជាតិកាន់តែច្រើនឡើងៗដែលជាប្រការធ្វើអោយប្រទេសអាមេរិក ជប៉ុន និងបណ្តាប្រទេសដទៃទៀតព្រួយបារម្ភ។
ក្រៅពីឥទ្ធិពលយោធា ចិនបង្កើនការវិនិយោគទុនដ៏ច្រើននៅក្នុងប្រទេសមួយចំនួនធំនៅអាស៊ី និងជាពិសេស នៅអាស៊ាន។ តួលេខសេដ្ឋកិច្ចនៅក្នុងប្រទេសអាស៊ានមួយចំនួនបានបង្ហាញថា បណ្តាប្រទេសអាស៊ានពឹងផ្អែកកាន់តែច្រើនឡើងលើទំនិញរបស់ប្រទេសចិន ដែលកាលពីពេលមុន ប្រទេសអាស៊ានធ្លាប់ពឹងផ្អែកលើប្រទេសផ្សេងក្រៅពីចិន។
ប្រសិនបើគេនិយាយពីក្របខ័ណ្ឌអាស៊ី និងអាស៊ាន ចិនទទួលជោគជ័យ តាមរយៈការបង្កើនឥទ្ធិពលរបស់ខ្លួនទាំងយោធា និងសេដ្ឋកិច្ច។ ចុះក្នុងប្រទេសកម្ពុជាវិញ?
នៅក្នុងប្រទេសកម្ពុជាវិញ ចិន និងកម្ពុជា មានទំនាក់ទំនងយ៉ាងល្អបំផុត ទាំងទំនាក់ទំនងការទូត ទាំងទំនាក់សេដ្ឋកិច្ច និងវប្បធម៌។ វប្បធម៌ចិន កំពុងគ្របដណ្តប់លើសង្គមខ្មែរយ៉ាងខ្លាំង និងមិនអាចដកខ្លួនរួចផង។ ជាក់ស្តែង ក្នុងរដូវបុណ្យចូលឆ្នាំចិននេះ ទីផ្សារមួយចំនួន សាលារៀន ក្រសួងមន្ទីរបស់រដ្ឋមួយចំនួនបានបិទទ្វារ។ ប្រសិនបើបន្តបើកទ្វារ ក៏គ្រាន់តែបើកដែរ តែមិនសូវមានមនុស្សមកធ្វើការឡើយ។
ផ្អែកលើទំនាក់ទំនងការទូត ប្រទេសកម្ពុជាក្នុងរយៈពេលចុងក្រោយនេះ ទទួលបានជំនួយយ៉ាងច្រើនពីប្រទេសចិនប្រជាមានិត។ ជំនួយរបស់ចិន គឺជាជំនួយគ្មានលក្ខខណ្ឌ។ កម្ពុជាគាំទ្រពេញទំហឹងគោលនយោបាយចិនតែមួយ។
ផ្អែកលើទំនាក់ទំនងសេដ្ឋកិច្ច អ្នកវិនិយោគចិន បាន និងកំពុងបណ្តាក់ទុនវិនិយោគយ៉ាងច្រើននៅកម្ពុជា ជាពិសេស ក្នុងវិស័យកសិកម្ម និងឧស្សាហកម្មកាត់ដេរ។ អ្នកទេសចរចិន មកទស្សនាប្រទេសកម្ពុជាកាន់តែច្រើនឡើងៗពីមួយឆ្នាំទៅមួយឆ្នាំ។ ផ្អែកទំនាក់ទំនងវប្បធម៌វិញ កូនខ្មែរកាត់ចិន កាន់តែច្រើនឡើងបាននាំគ្នារៀនភាសាចិន។ ប្រទេសចិនបានផ្តល់អាហារូបករណ៍កាន់តែច្រើនមកដល់និស្សិតខ្មែរ។ កម្មវិធីផ្លាស់ប្តូរវប្បធម៌រវាងនិស្សិតចិន និងកម្ពុជាមានកាន់តែច្រើនឡើង។
សរុបសេចក្តីមកវិញ ប្រទេសចិនដែលជាមហាអំណាចសេដ្ឋកិច្ចលំដាប់លេខ២បន្ទាប់ពីសហរដ្ឋអាមេរិក កំពុងបង្ហាញឥទ្ធិពលរបស់ខ្លួនមិនត្រឹមតែនៅក្នុងប្រទេសកម្ពុជានោះទេ តែនៅក្នុងអាស៊ាន និងអាស៊ីទាំងមូល។ វត្តមានរបស់ចិននៅតំបន់អាស៊ីនេះ ធ្វើអោយប្រទេសអាមេរិក និងជប៉ុនដែលជាសម្ព័ន្ធមិត្តចាក់ទឹកមិនលិចរបស់អាមេរិក មានការព្រួយបារម្ភយ៉ាងខ្លាំង៕
© រក្សាសិទ្ធិដោយ thmeythmey.com
