ជាតិ
ពីនេះ ពីនោះ
កំណែទម្រង់របស់រដ្ឋាភិបាលជោគជ័យទាមទារអោយមានមន្ត្រីមានសមត្ថភាពគ្រប់គ្រាន់!
×![]()
ដោយ: លីម តុលា
ប្រសិនបើគេនិយាយពីការអភិវឌ្ឍន៍ គេចាំបាច់ត្រូវតែនិយាយពីធនធានគុណភាពមនុស្សជាមុនសិន មិនថា ការការអភិវឌ្ឍន៍គ្រួសារ សហគមន៍ ឬប្រទេសនោះទេ។ សមាជិកគ្រួសារខ្វះចំណេះ សហគមន៍ ឬប្រទេសខ្វះធនធានមនុស្សដែលមានចំណេះដឹងពិតប្រាកដ កុំនិយាយពីការអភិវឌ្ឍន៍លឿនអោយសោះ ជាពិសេស ក្នុងសម័យកាលដែលមនុស្សម្នាក់ត្រូវតែធ្វើការ៥មុខ គឺមិនមែនមនុស្ស៥នាក់ធ្វើការមួយមុខដូចកាលពីមុនទៀតឡើយ។
ងាកមកមើលមន្ត្រីរាជការខ្មែរវិញ មានហើយអ្នកមានសមត្ថភាពគ្រប់គ្រាន់ដើម្បីបំពេញកិច្ចការរដ្ឋ។ ប៉ុន្តែ មន្ត្រីមួយភាគធំខ្វះចំណេះដឹងទូទៅ ខ្វះចំណេះដឹងជំនាញមិនអាចបំពេញការងាររដ្ឋបានប្រសើរឡើយ។ នេះគឺជាការប្រឈមនៃនាពេលសព្វថ្ងៃនេះ។ ប្រសិនបើមន្ត្រីភាគច្រើននៅតែខ្វះចំណេះ កំណែងទម្រង់របស់រាជរដ្ឋាភិបាល ឬការអភិវឌ្ឍន៍ប្រទេសវាពិតជាស្ថិតនៅលើផ្លូវមួយដ៏លំបាកហើយ។ ចំនួនមន្ត្រីក្នុងក្រសួងនីមួយៗមានច្រើន តែមន្ត្រីចេះធ្វើការមាន ក្នុងចន្លោះពី២០ទៅ៣០% ដូច្នេះ ដំណើរការរបស់ស្ថាប័នពិតជាជួបឧបសគ្គហើយ។
ដើម្បីដោះស្រាយបញ្ហានេះជាបណ្តោះអាសន្នសិន រដ្ឋាភិបាល ជាពិសេស ក្រសួងនីមួយៗត្រូវបង្កើតវគ្គបណ្តុះបណ្តាលផ្ទៃក្នុងដើម្បីបង្រៀនមន្ត្រីដែលខ្វះសមត្ថភាព។ វិធានការជាបន្ទាប់ រដ្ឋាភិបាលត្រូវជ្រើសរើស តាមរយៈ ការប្រឡង តែមន្ត្រីណាដែលមានសមត្ថភាពគ្រប់គ្រាន់ដើម្បីបំពេញការងាររដ្ឋតែប៉ុណ្ណោះ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
