ពីនេះ ពីនោះ
×![]()
ដោយ: លីម តុលា
និស្សិតមួយចំនួន ក្រោយពីបញ្ចប់ការសិក្សាថ្នាក់ឧត្តមសិក្សារួច ប្រាថ្នាចង់ក្លាយខ្លួនទៅជាមន្ត្រីរាជការដើម្បីជួយបម្រើជាតិ។ ប៉ុន្តែនិស្សិតមួយចំនួនផ្សេងទៀត ចង់ក្លាយខ្លួនទៅជាមន្ត្រីរាជការដើម្បីទទួលបានតំណែងខ្ពស់ និងបន្ទាប់មកទៀត ទទួលបានលាភសក្ការៈ។
ទស្សនៈបានកើតឡើងនៅក្នុងអារម្មណ៍យុវជនក្មេងជំនាន់ក្រោយ ក៏ព្រោះតែ ពួកគេបានសំឡឹងឃើញមនុស្សជំនាន់មុនមួយចំនួនដែលធ្វើជាមន្ត្រីរាជការ ទទួលបានលាភសក្ការៈយ៉ាងច្រើនសន្ធឹកសន្ធាប់។
តើការចង់ក្លាយខ្លួនជាមន្ត្រីរាជការដើម្បីប្រយោជន៍ផ្ទាល់ខ្លួនជាគំនិតខុសឆ្គង ឬយ៉ាងដូចម្តេច?
យោងតាមវចនានុក្រមសម្តេចសង្ឈជួនណាត មន្ត្រី មានន័យថា អ្នកមានគំនិត ពួកអ្នកមានសេចក្តីដឹងរាក់ជ្រៅ ឬអ្នកប្រឹក្សាការផែនដី។ល។ រីឯ ពាក្យថា រាជការ វិញ មានន័យថា ការងារ ឬកិច្ចការដែលត្រូវធ្វើបម្រើរាជា ឬប្រទេសជាតិ។
ដូច្នេះ សរុបសេចក្តីមក មន្ត្រីរាជការ មានន័យថា ក្រុមអ្នកចេះដឹងដែលត្រូវធ្វើការបម្រើរាជា បម្រើជាតិ និងបម្រើប្រជាពលរដ្ឋ ពោល គឺគ្មានអត្ថន័យថា មន្ត្រីរាជការ ត្រូវកេងប្រវ័ញ្ចទ្រព្យពីរដ្ឋនោះឡើយ៕
© រក្សាសិទ្ធិដោយ thmeythmey.com
