ជាតិ
ពីនេះ ពីនោះ
កំណែទម្រង់វិស័យអប់រំធ្វើឡើងលឿនខុសបច្ចេសទេសមែនឬ?
×
ចាប់តាំងពីការឡើងកាន់តំណែងជារដ្ឋមន្ត្រីក្រសួងអប់រំរបស់លោក ហង់ ជួនណារ៉ុន មក មតិសាធារណៈអបអរសាទរផង និងរិះគន់ផង។ ប៉ុន្តែ ទោះបីជាយ៉ាងណាក៏ដោយក៏ មតិសាទរទំនងជាមានទម្ងន់ធ្ងន់ជាងមតិរិះគន់ដែរ។ អបអរសាទរពីព្រោះថា លោករដ្ឋមន្ត្រីថ្មីបានប្រកាសកែទម្រង់ការប្រឡងបាក់ឌុបស៊ីជម្រៅដោយហាមដាច់ខាតមិនអោយមានអំពើពុករលួយនៅពេលប្រឡងតែម្តង។
កាលពីឆ្នាំមុន វិធានការរបស់លោករដ្ឋមន្ត្រីបានធ្វើឡើងប្រកបដោយជោគជ័យ ហើយលោកត្រៀមនឹងបន្តវិធានការដដែលសម្រាប់ឆ្នាំ២០១៥នេះទៀត។ វិធានការនេះ ពិតជាល្អមែនទែន។ ប៉ុន្តែអ្នកជំនាញមួយចំនួនបានរិះគន់ថា លោករដ្ឋមន្ត្រីមិនគួររឹតបន្តឹងតែពេលប្រឡងនោះទេ ពោលគឺលោកត្រូវកែទម្រងជាកញ្ចប់ទើបទទួលជោគជ័យ មានន័យថា លោករដ្ឋមន្ត្រីគួរពិនិត្យឡើងវិញប្រព័ន្ធអប់រំទាំងមូល (ប្រសិទ្ធិភាពនៃការបង្រៀនរបស់លោកគ្រូអ្នកគ្រូ និងទម្លាប់រៀនរបស់កូនសិស្សទូទៅ)។
ប្រសិនបើការបង្រៀនរបស់គ្រូនៅខ្ជីខ្ជា មិនយកចិត្តទុកដាក់ មកបង្រៀនយឺត ចេញពីបង្រៀនទៅវិញមុនម៉ោង គ្រូបង្រៀនជាប់រវល់ទៅធ្វើជំនួញផ្សេង គ្មានពេលធ្វើប្រ៉េបង្រៀនកូនសិស្សអោយហ្មត់ចត់ រីឯកូនសិស្សវិញ មករៀនមួយថ្ងៃ ឈប់មួយថ្ងៃ, អោយលុយគ្រូដើម្បីអាចឈប់បានដោយសេរី ពេលនោះ ការរឹតបន្តឹងតែពេលប្រឡងគ្មានប្រយោជន៍អ្វីឡើយ។ កំណែទម្រង់ដែលមានប្រសិទ្ធិភាពបំផុត គឺកំណែទម្រង់គ្រូបង្រៀន, កូនសិស្ស និងប្រព័ន្ធអប់រំទាំងមូលចាប់តាំងពីដើមទី រហូតដល់ថ្ងៃប្រឡងតែម្តង ពោលគឺចៀសវាងកំណែទម្រង់តាមរបៀបដាក់រទេះនៅមុខគោអោយធ្វើដំណើរទៅមុខ៕
© រក្សាសិទ្ធិដោយ thmeythmey.com