កំណាព្យ
ពីនេះ ពីនោះ
សូមប្រឹងអានឲ្យបានដូចលេង Facebook !
× កំណាព្យបទ ពាក្យ៧
-អំណាន នាំបានជាប្រាជ្ញា អំណាន ចាស់ថាផ្តល់គំនិត
អំណាន ប្រាប់ផ្លូវនៅឆ្ងាយជិត អំណាន ជាមិត្តដ៏ស្មោះសរ។
-អំណាន រាប់អានមិនរើសអើង អំណាន នាំថ្កើងថ្កានបវរ
អំណាន នាំដឹងអាក្រក់ល្អ អំណាន ជួយតស្ពានមេត្រី។
-អំណាន នាំឲ្យរីកចម្រើន អំណាន បង្កើនយោងរាសី
អំណាន ជួយស្ទូចជនប្រុសស្រី អំណាន ចំណីប៉ូវខួរក្បាល។
-អំណាន ជាទុននៃចំណេះ ជាថ្នាំពិសេសអាចព្យាបាល
រោគខ្វាក់ល្ងិតល្ងង់ជង់ចិត្តស្រាល អំណាន ជួយក្រាលគ្រឹះឧត្តម។
-ច្នេះជនប្រុសស្រីចាំអីទៀត ម្តេចមិនលៃឆ្លៀតពេលស័ក្តិសម
ចាប់សៀវភៅអានឈប់សម្ងំ ប្រឹងឲ្យដូចខំលេងFacebook ៕
© រក្សាសិទ្ធិដោយ thmeythmey.com