ពីនេះ ពីនោះ
«ឌឿងហែម» ជាពាក្យត្រូវបានខ្មែរមួយចំនួនប្រើ តែឫសគល់ដើមមកពីពាក្យវៀតណាម
× ខ្មែរមួយចំនួនប្រើប្រាស់ពាក្យ«ឌឿងហែម»ដោយមិនដឹងខ្លួនថាវាមានឫសគល់មកពីណាទេ។ តែគ្រាន់តែពួកគេយល់ថា ពាក្យនេះអាចមានន័យថា «ផ្លូវតូច»។
តាមពិត ពាក្យ«ឌឿងហែម»នេះ មានឫសគល់ដើមកំណើតពីពាក្យវៀតណាមដែលអាចមានន័យជាភាសាខ្មែរថា ផ្លូវលំតូចៗ។ ជនជាតិវៀតណាមច្រើននិយាយថា«ឌី ឌឿងហែម» មានន័យជាភាសាខ្មែរថា ធ្វើដំណើរទៅតាមផ្លូវលំតូចៗ។
គេមិនដឹងថា ពាក្យកម្ចីនេះ ចូលមកស្រុកខ្មែរតាំងពីណាមកនោះទេ។ តែខ្មែរដែលមានវ័យចំណាស់ចាប់ពីជាង៤០ឆ្នាំឡើងទៅអាចចេះពាក្យនេះច្រើន ហើយដឹងថា ពាក្យនេះជាពាក្យកម្ចីមកពីភាសាវៀតណាម។ មនុស្សក្រោម៤០ឆ្នាំ អាចចេះប្រើពាក្យនេះ ឬមិនចេះប្រើពាក្យនេះ។ តែបើពួកគេចេះប្រើប្រាស់ពាក្យនេះក៏ដោយ ក៏ពួកគេខ្លះមិនបានដឹងថា ពាក្យនេះ មានដើមកំណើតពីភាសាវៀតណាមដែរ៕
© រក្សាសិទ្ធិដោយ thmeythmey.com