គេថាខ្មែរ រកលេសផឹកគ្រប់វេលា?

ពីនេះ ពីនោះ

គេថាខ្មែរ រកលេសផឹកគ្រប់វេលា?

12, Sep 2016 , 10:39 am

រូបភាព

ដោយ:

កំណាព្យបទ ពំនោល
ដោយ ប៉ាកកាខ្មៅ

ផឹកៗៗគ្រប់កន្លែង
ខ្ញុំថាតាមស្តែង
សូមថ្លែងពីរឿងផឹកស្រា។

ជុំផឹករួចយកលេសថា
ស្ត្រេសនឹងកិច្ចការ
ខ្លះថាខូចចិត្តព្រោះស្នេហ៍។

ខ្លះថាផឹកព្រោះស្រីប្រែ
ខ្លះខឹងឪម៉ែ
ចុងខែផឹកជាប្រចាំ។

ខ្លះថាផឹកជម្រះកម្ម
ខ្លះថាឆ្លងឆ្នាំ
ចំណាំតែងតែមានស្រា។

ចូលឆ្នាំខ្មែរចិនធម្មតា
ភ្ជុំបិណ្ឌផងណា
ខ្លះថាមិនផឹកម៉េចបាន?

ថ្ងៃខួបធ្វើមិនដែលខាន
ជួបជុំសន្តាន
ផឹកបានថាទាន់ជុំគ្នា។

បុណ្យសពខ្លះក៏ម្នីម្នា
ជុំជើងមីងមា
ជុំគ្នាផឹកក្នុងរោងបុណ្យ។

ខ្លះថាព្រោះរកសីកុន
របរដាបដុន
លែងកុនទាល់តែដកមេ។

ខ្លះថាបើចង់រាប់គេ
ត្រូវតែចេះរេ
ហៅគេផឹកស្រាលេងខ្លះ។

ប្រឡងជាប់សប្បាយណាស់
គេឃើញយ៉ាងច្បាស់
សិស្សខ្លះប្រកាសផឹកជុំ។

អ្នកធ្លាក់ខ្លះក្រៅពីយំ
ទឹកភ្នែកមធ្យម
ខ្លះងំជុំជើងចាក់ស្រា។

ជប់លៀងមិនអត់ឡើយណា
ពិសេសរោងការ
ខ្លះថាអត់ស្រាអត់ន័យ។

ឡើងស័ក្តិតូចធំកុំភ័យ
ឆ្ងាយក្រុងក្នុងព្រៃ
គេលៃទាល់តែបានស្រា។

ផឹកគ្រប់ក្រុងស្រែចំការ
រហូតគេថា
ដបស្រាជាបេះដូងជាតិ។

ពីមុនខ្មែរល្បីខ្មីឃ្មាត
រួមគ្នាសាងជាតិ
ជុំញាតិបង្កើតប្រាង្គប្រា។

ពេលនេះខ្មែរល្បីផឹកស្រា
តើដល់ពេលណា
ស្វាងស្រាស្រវាកែខ្លួន?

© រក្សាសិទ្ធិដោយ thmeythmey.com

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

4 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក់

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

5 ថ្ងៃ

តើពាក្យងារជា «សម្តេច» មានន័យដូចម្តេច?

តើពាក្យងារជា «សម្តេច» មានន័យដូចម្តេច?

2 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

1 សប្តាហ៍

តើពាក្យ «ដុតដៃដុតជើង» មានន័យដូចម្តេច?

តើពាក្យ «ដុតដៃដុតជើង» មានន័យដូចម្តេច?

7 ថ្ងៃ

អត្ថបទពេញនិយមបន្ថែម