កំណាព្យបទ គោព័ទ្ធស្នឹង
ដោយ ប៉ាកកាខ្មៅ
-ពិឃាតតាមផ្លូវមិនរើសមុខ
មុខក្រោយជួបទុក្ខប្តូរវេនគ្នា
គ្នាធ្លាប់ជួបជុំយំបែកលា
លាលែងឃើញគ្នាលាបែកភព។
-ភពនេះជួបគ្រោះព្រោះតែអ្នក
អ្នកតែងលួចលាក់ឆក់មិនឈប់
ឈប់ពួនសម្លាប់ទាំងថ្ងៃយប់
យប់ថ្ងៃឃើញគ្រប់គ្រោះមិនដាច់។
-ដាច់ជើងដាច់ដៃសសៃឆ្អឹង
ឆ្អឹងឆ្អែងស្តែងឆ្កឹងរបូតសាច់
សាច់ឈាមជាប់ថ្នល់ដួលប្រកាច់
កាច់កមូលផ្តាច់ជីវិតទៅ។
-ទៅស្រែដូចក្រុងក្នុងរដ្ឋា
ថាដល់ទីណាអ្នកចាំនៅ
នៅតែលាក់មុខសំកុកនៅ
នៅចិត្តឃោរឃៅគួរឲ្យខ្លាច។
-ខ្លាចផ្លូវជួបគ្រោះនោះយើងត្រូវ
ត្រូវត្រួតយានផ្លូវបើសិនអាច
អាចមើលឆ្វេងស្តាំកុំបើកកាច
កាចពេលបើកខ្លាចត្រូវជួបទុក្ខ៕