ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ក្រុមហ៊ុនធានារ៉ាប់រងជីវិត អេ អាយ អេ ដែលធំជាងគេបំផុតនៅអាស៊ីប៉ាស៊ីហ្វិក បានមកដល់កម្ពុជាហើយ
07, Mar 2017 ,
2:23 pm
រូបភាព
×
ដោយ:
ភ្នំពេញ៖ ក្រុមហ៊ុនធានារ៉ាប់រងជីវិត អេ អាយ អេ ខេមបូឌា បានទទួលអាជ្ញាប័ណ្ណប្រកបអាជីវកម្មធានារ៉ាប់រងពីក្រសួងសេដ្ឋកិច្ច និងហិរញ្ញវត្ថុ ដើម្បីចាប់ផ្តើមប្រតិបត្តិការរបស់ខ្លួន ដែលរំពឹងថានឹងដំណើរការនៅក្នុងឆ្នាំនេះ។ អាជ្ញាប័ណ្ណនេះ អនុញ្ញាតឲ្យក្រុមហ៊ុន អេ អាយ អេ ដែលជាក្រុមហ៊ុនធំជាងគេទីពីរនៅលើពិភពលោក និងធំជាងគេបំផុតនៅអាស៊ីប៉ាស៊ីហ្វិក អាចប្រឡូកចូលក្នុងទីផ្សារធានារ៉ាប់រងអាយុជីវិតកម្ពុជា ដែលកំពុងលូតលាស់យ៉ាងសម្បើម។
តាមរយៈសេចក្តីប្រកាសសារព័ត៌មានរបស់ក្រុមហ៊ុន អេ អាយ អេ (ខេមបូឌា) ឡាយហ្វ៍ អ៊ិនសួរេន ម.ក (“AIA (Cambodia) Life Insurance Plc.”) បានឲ្យដឹងថា ក្រុមហ៊ុននេះបានទទួលអាជ្ញាប័ណ្ណអាជីវកម្មធានារ៉ាប់រងពីក្រសួងសេដ្ឋកិច្ច និងហិរញ្ញវត្ថុ កាលពីពេលថ្មីៗនេះ។
ក្រុមហ៊ុន អេ អាយ អេ ខេមបូឌា គឺជាផ្នែកមួយនៃ អេ អាយ អេ គ្រុបលីមីតធីត (“AIA Group Limited”) ដែលជាក្រុមហ៊ុនធានារ៉ាប់រងអន្តរជាតិធំជាងគេទី២ នៅលើពិភពលោក ដោយយោងលើមូលធនសរុបរបស់ក្រុមហ៊ុនផ្អែកលើទីផ្សារភាគហ៊ុនអន្តរជាតិ។ទ្រព្យសរុបដែលក្រុមហ៊ុននេះមានទាំងអស់ មានទំហំប្រមាណ ១៨៥ពាន់លានដុល្លា គិតត្រឹមខែវិច្ឆិកា ឆ្នាំ២០១៦។
ក្រុមហ៊ុន អេ អាយ អេ គ្រុប ដែលបានចាប់កំណើតតាំងពីឆ្នាំ ១៩១៩ មកនោះ ក៏ជាក្រុមហ៊ុនធានារ៉ាប់រងធំជាងគេបំផុតនៅក្នុងតំបន់អាស៊ីប៉ាស៊ីហ្វិកទាំងមូល។ តាមការបញ្ជាក់ពីសេចក្តីប្រកាសនោះ បានឲ្យសារព័ត៌មានថ្មីៗយើងដឹងថា ក្រុមហ៊ុននេះបានចេញប័ណ្ណសន្យាធានារ៉ាប់រងច្រើនជាង ៣០លានប័ណ្ណរួចមកហើយ និងថែមទាំងមានអ្នកចូលរួមទទួលអត្ថប្រយោជន៍ធានារ៉ាប់រងតាមក្រុមហ៊ុននានាមិនតិចជាង១៦លាននាក់នោះទេ។ ក្រុមហ៊ុនធានារ៉ាប់រងមួយនេះ មានវត្តមាននៅក្នុងទីផ្សារចំនួន ១៨ រួមមានហុងកុង តៃវ៉ាន់ ម៉ាកាវ និងផ្នែកផ្សេងទៀតនៃប្រទេសចិន ព្រមទាំងប្រទេសវៀតណាម ថៃ ប្រ៊ុយណេ សិរីលង្កា មីយ៉ាន់ម៉ា សិង្ហបុរី ម៉ាឡេស៊ី ឥណ្ឌូនេស៊ី ហ្វីលីពីន កូរ៉េ ឥណ្ឌា នូវែលហ្សេឡង់ អូស្ត្រាលី និងឥឡូវបានមកដល់ប្រទេសកម្ពុជា។
តាមការប្រកាសផ្សាយការងាររបស់ក្រុមហ៊ុន អេ អាយ អេ កន្លងមក ក៏បានឲ្យដឹងផងដែរថា ក្រុមហ៊ុន អេ អាយ អេ គ្រុបនេះដែរ ក៏បានទទួលពានរង្វាន់ “និយោជកល្អបំផុតនៅក្នុងអាស៊ីប៉ាស៊ីហ្វិក” កាលពីឆ្នាំ២០១៦ ពីស្ថាប័ន Aon Hewitt។ ដូច្នេះ ការដែលក្រុមហ៊ុននេះមកកាន់កម្ពុជា គឺជាឱកាសដ៏ល្អមួយ ទាំងសម្រាប់អ្នកដែលត្រូវការដំណោះស្រាយធានារ៉ាប់រងថ្នាក់ពិភពលោក និងសម្រាប់អ្នកស្វែងរកការងារនានាជាមួយក្រុមហ៊ុនអន្តរជាតិ។
លោក Richard Bates នាយកប្រតិបត្តិនៃក្រុមហ៊ុន អេ អាយ អេ ខេមបូឌា បានមានប្រសាសន៍ថា៖ «ពួកយើងសប្បាយចិត្ត ក្នុងការទទួលបានឱកាសឈានជើងចូលមកទីផ្សារថ្មីតែមានសន្ទុះយ៉ាងខ្លាំងមួយនេះ ដែលអត្រា ជ្រៀបចូលទីផ្សារនៃការធានារ៉ាប់រងជីវិតបច្ចុប្បន្ន នៅតិចជាងមួយភាគរយនៅឡើយ។»
សូមបញ្ជាក់ផងដែរថា បើយោងតាមសមាគមធានារ៉ាប់រងកម្ពុជា ទីផ្សារធានារ៉ាប់រងជីវិតទើបតែបានចាប់ផ្តើមពីឆ្នាំ២០១២តែប៉ុណ្ណោះនៅក្នុងប្រទេសកម្ពុជា។ ប៉ុន្តែក្នុងរយៈពេលជិត ៥ឆ្នាំកន្លងមក ទីផ្សារមួយនេះកំពុងតែរីកលូតលាស់យ៉ាងសម្បើម ដោយសារតែប្រជាជនកម្ពុជាដែលមានវ័យក្មេងមានចំនួនច្រើន និងដោយសារតែការងើបស្ទុះនៃសេដ្ឋកិច្ចជាតិ ជាពិសេសនៅក្នុងទសវត្សរ៍ចុងក្រោយនេះ។
លោក Richard Bates ក៏បានបន្ថែមថា៖ «ក្រុមហ៊ុន អេ អាយ អេ ខេមបូឌា មានគោលបំណងផ្តល់ជូននូវភាពស្ងប់ចិត្ត [លើការការពារអាយុជីវិត និងហិរញ្ញវត្ថុ] ដល់ប្រជាពលរដ្ឋម្នាក់ៗ និងក្រុមគ្រួសាររបស់គាត់។ យើងនឹងនាំយក អ្វីល្អបំផុតរបស់ អេ អាយ អេ មកជូនកម្ពុជា ដើម្បីបំពេញតម្រូវការប្រជាជនកម្ពុជា និងបង្កើតឲ្យមានការផ្លាស់ប្តូរជាវិជ្ជមាននៅក្នុងជីវិតរបស់ពួកគាត់។»
ពីការលើកឡើងនេះ កម្ពុជាអាចរំពឹងទុកថានឹងមានការធានារ៉ាប់រងអាយុជីវិតបែបថ្មី និងប្លែកដែលមិនធ្លាប់មានពីមុនមក នៅក្នុងពេលឆាប់ៗនេះ។ ក្រុមហ៊ុន អេ អាយ អេ ខេមបូឌា គ្រោងនឹងចាប់ផ្តើមផ្តល់ជូនដំណោះស្រាយធានារ៉ាប់រងជីវិតជូនប្រជាពលរដ្ឋខ្មែរនៅក្នុងឆ្នាំនេះតែម្តង។
ទំនាក់ទំនងសម្រាប់សារព័ត៌មាន និងការងារ
ក្រុមហ៊ុន អេ អាយ អេ (ខេមបូឌា) ឡាយហ្វ៍ អ៊ិនសួរេន ម.ក
ផ្នែកទំនាក់ទំនងសាធារណៈ
លោក ហាក់ បញ្ញារ័ត្ន
[email protected]
ផ្នែកធនធានមនុស្ស
[email protected]
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
អត្ថបទពេញនិយមបន្ថែម