អតីតតំណាងរាស្ត្រ CNRP ២នាក់បានកៅអីរបស់ខ្លួនវិញក្នុងកូតា CPP

ជាតិ

នយោបាយជាតិ

អតីតតំណាងរាស្ត្រ CNRP ២នាក់បានកៅអីរបស់ខ្លួនវិញក្នុងកូតា CPP

28, Nov 2017 , 7:12 pm

រូបភាព

លោក ឡុង ប៊ុន្នី (ឆ្វេង) និងលោក វ៉ាន សំអឿន

ដោយ: ថ្មីៗ

លោក វ៉ាន សំអឿន និងលោក ឡុង ប៊ុន្នី ដែលបានជាប់ឆ្នោតក្នុងកូតាគណបក្សសង្គ្រោះជាតិ មានឱកាសអង្គុយកៅអីតំណាងរាស្ត្ររបស់ខ្លួនឡើងវិញក្នុងកូតាគណបក្សប្រជាជនកម្ពុជា។ អតីតមន្ត្រីបក្សប្រឆាំងទាំងពីរដែលបានចូលរួមជាបន្តបន្ទាប់ក្នុងជីវភាពនយោបាយជាមួយគណបក្សកាន់អំណាច ស្ថិតក្នុងចំណោមតំណាងរាស្ត្រថ្មីចំនួន១១នាក់តាមរយៈការបែងចែកអាសនៈ ក្រោយការរំលាយ CNRP និងការបដិសេធទទួលយករបស់គណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ។

លោក វ៉ាន សំអឿន បានជាប់ឆ្នោតជាតំណាងរាស្ត្រមណ្ឌលកំពតក្នុងកូតា CNRP តែលោកបានសម្រេចចិត្តទៅចូលរួមជាមួយ CPP វិញកាលថ្ងៃទី១៣ ខែកុម្ភៈ ឆ្នាំ២០១៥ ចំណែកលោក ឡុង ប៊ុន្នី អតីតតំណាងរាស្ត្រព្រៃវែង បានប្តូរជីវភាពនយោបាយរបស់ខ្លួនកាលពីអំឡុងខែតុលា ឆ្នាំ២០១៧នេះ។ ចំពោះការជ្រើសតាំងថ្មីនេះ លោក ឡុង ប៊ុន្នី ក្លាយជាតំណាងរាស្ត្រព្រៃវែងឡើងវិញ ខណៈលោក វ៉ាន សំអឿន ប្តូរទៅខេត្តកណ្តាល។

តំណាងរាស្ត្រថ្មី៩រូបផ្សេងទៀតរបស់ CPP រួមមាន លោក សៀង ស៊ុតថង (បាត់ដំបង) លោក អ៊ី សំអុល លោក ម៉ា ឈឿន និងលោកស្រី ខុន ស៊ុនអេង (កំពង់ចាម) លោក គោស៊ុំ សារឿត (កណ្តាល) លោក ជៀប ស៊ីវន លោក ពេជ្រ គឹមស្រ៊ាង និងលោក លី ឆេង (ភ្នំពេញ) លោក ម៉ុម ស៊ីបុន (ព្រៃវែង)។

អត្ថបទទាក់ទង

តំណាងរាស្ត្រថ្មី ៤៤រូប នឹងត្រូវចូលស្បថនៅព្រះបរមរាជវាំង នៅថ្ងៃនេះ

សភា៖ CPP ៧៩ ហ៊្វុនស៊ិនប៉ិច៤១ សញ្ជាតិកម្ពុជា២ និងខ្មែរអភិវឌ្ឍន៍សេដ្ឋកិច្ច១

អាសនៈ១១ ដែល LDP និងខ្មែរឈប់ក្របដិសេធ នឹងបានទៅលើ CPP