កម្ពុជានឹងរងឥទ្ធិពលព្យុះតឹមប៊ីន ដែលសម្លាប់មនុស្សជាង២០០នាក់នៅហ្វីលីពីន

ជាតិ

កម្ពុជានឹងរងឥទ្ធិពលព្យុះតឹមប៊ីន ដែលសម្លាប់មនុស្សជាង២០០នាក់នៅហ្វីលីពីន

25, Dec 2017 , 9:42 am

រូបភាព

ព្យុះ Tembin ដែលបង្កឲ្យមានការលិចលុង និងបាក់ស្រុតដីនៅកោះមិនដាណាវ ប្រទេសហ្វីលីពីន។ រូបថត AFP

ដោយ: ថ្មីៗ

ក្រសួងធនធានទឹក នៅថ្ងៃទី២៥ ខែធ្នូ បានជូនដំណឹងបន្ថែមថា ព្យុះទី២៧ឈ្មោះតឹមប៊ីន (Tembin) បានវិវត្តខ្លួនទៅជាព្យុះទីហ្វុងកម្រិតទី១ ហើយព្យុះនេះ នឹងធ្វើដំណើរមកដល់ឆ្នេរវៀតណាម នៅល្ងាចថ្ងៃទី២៥ ខែធ្នូ រួចបន្តដំណើរមកកាន់តំបន់ដីសណ្តរទន្លេមេគង្គ ក្នុងប្រទេសវៀតណាម។ តាមការព្យាករ ព្យុះតឹមប៊ីន នឹងបង្កឲ្យមានខ្យល់បោកបក់ខ្លាំង លាយឡំជាមួយភ្លៀងខ្លាំង នៅលើផ្ទៃ សមុទ្រ និងតំបន់ឆ្នេរ ព្រមទាំងធ្វើឲ្យមានភ្លៀងធ្លាក់ពីមធ្យម និងខ្លាំង ក្នុងក្របខណ្ឌស្ទើរទូទាំងប្រទេសកម្ពុជា។

អត្ថបទទាក់ទង

កម្ពុជានឹងមានភ្លៀងស្ទើរទូទាំងប្រទេស ពីថ្ងៃទី២៦-២៨ធ្នូ

ស្ថានភាពដូច្នេះ ក្រសួង បានអំពាវនាវដល់អ្នកដំណើរតាមសមុទ្រ ពិសេសចំពោះបងប្អូនប្រជានេសាទ គួរផ្អាកសកម្មភាព ចាប់ពីល្ងាចថ្ងៃទី២៥ ខែធ្នូនេះ រហូតដល់អាកាសធាតុប្រសើរឡើងវិញ។

ព្យុះតឹមប៊ីន កាលពីថ្ងៃសុក្រកន្លងមក បានបោកបក់ទៅលើកោះមិនដាណាវ ភាគខាងត្បូង ប្រទេសហ្វីលីពីន ដែលបណ្តាលឲ្យមនុស្សជាង២០០នាក់ស្លាប់ និងរាប់ម៉ឺននាក់បាត់បង់ទីជម្រក។ នេះបើតាមសេចក្តីរាយការណ៍របស់ AFP ៕