ជាតិ
សុខភាព
មេរោគផ្តាសាយបក្សីH5N1ដែលកើតនៅសង្កាត់ភ្នំពេញថ្មី ត្រូវបានមន្ត្រីជំនាញកម្ចាត់ហើយ
×![]()
ដោយ: ថ្មីៗ
ភ្នំពេញ៖ មន្ត្រីជំនាញរបស់ក្រសួងសុខាភិបាល សហការជាមួយក្រសួងកសិកម្ម បានកម្ចាត់សត្វមាន់ដែលមានមេរោគផ្តាសាយបក្សី និងសំអាតមេរោគនៅតំបន់សង្ស័យរួចរាល់ហើយ ក្រោយរកឃើញមេរោគផ្តាសាយបក្សីនេះ នៅក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ទោះយ៉ាងណាមន្ត្រីជំនាញក៏នៅបន្តតាមដានលើសុខភាពរបស់ប្រជាពលរដ្ឋនៅតំបន់នោះ ដើម្បីទប់ស្កាត់ និងព្យាបាលឲ្យទាន់ពេលវេលា បើមានករណីសង្ស័យពាក់ព័ន្ធនឹងជំងឺផ្តាសាយបក្សី H5N1 នេះ។
សត្វមាន់ដែលរកឃើញថាមានមេរោគផ្តាសាយបក្សី នៅក្នុងសង្កាត់ភ្នំពេញថ្មី ត្រូវបានមន្ត្រីជំនាញសម្លាប់ចោល និងបានសម្អាតមេរោគនៅតំបន់ដែលរកឃើញរួចហើយ ដើម្បីទប់ស្កាត់ការរាលដាលមេរោគផ្តាសាយបក្សី។ នេះបើតាម លោក លី សុវណ្ណ អ្នកនាំពាក្យក្រសួងសុខាភិបាល និងជាប្រធាននាយកដ្ឋានប្រយុទ្ធប្រឆាំងនឹងជំងឺឆ្លង។ លោក លី សុវណ្ណ បានបញ្ជាក់ប្រាប់សារព័ត៌មានថ្មីៗតាមទូរសព្ទដូច្នេះ៖ «ប៉ុន្មានថ្ងៃមុន ខាងពេទ្យសត្វរាយការណ៍មកខាងយើង ហើយក្រុមអ្នកជំនាញបានសម្លាប់សត្វមាន់ដែលនៅសេសសល់ និងបានសំអាតមេរោគនោះរួចហើយ ដើម្បីទប់ស្កាត់ការរាលដាលជំងឺផ្តាសាយបក្សី»។
ប៉ុន្តែទោះជាយ៉ាងណា មន្ត្រីជំនាញក៏នៅបន្តតាមដានសុខភាពរបស់ប្រជាពលរដ្ឋនៅតំបន់នោះក្នុងពេល១សប្តាហ៍ទៀតដែរ ក្រែងមានករណីសង្ស័យ និងដើម្បីព្យាបាលឲ្យទាន់ពេលវេលា។ នេះបើតាមលោក លី សុវណ្ណ ដែលបានគូសបញ្ជាក់ថា ក្រសួងមិនទាន់រកឃើញជំងឺផ្តាសាយបក្សី H5N1 កើតលើមនុស្សនៅឡើយ លោក សុវណ្ណ ក៏បានស្នើឲ្យប្រជាពលរដ្ឋទាំងអស់ប្រុងប្រយ័ត្ន អំពីការចម្លងជំងឺនេះដែរ។
សូមបញ្ជាក់ថា កាលពីថ្ងៃទី៩ ខែមករាកន្លងទៅ វិទ្យាស្ថានជាតិស្រាវជ្រាវសុខភាពសត្វ និងផលិតកម្មសត្វ នៃអគ្គយកនាយកដ្ឋានសុខភាពសត្វ និងផលិតកម្មសត្វ រកឃើញវត្តមានជំងឺផ្តាសាយបក្សី ដែលបង្កដោយវីរុស ពីA1(H5N1) ពីសំណាកសត្វមាន់ចំនួន៣ក្បាល នៅក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ នេះជាករណីទី១ នៅក្នុងឆ្នាំ២០១៨នេះ ដែលមន្ត្រីជំនាញបានរកឃើញមេរោគផ្តាសាយបក្សី ខណៈកាលពីឆ្នាំ២០១៧កន្លងទៅ ជំងឺផ្ដាសាយបក្សីH5N1កើតលើបក្សី បានផ្ទុះនៅស្រុកព្រៃឈរ និងស្រុកចំការលើ ខេត្តកំពង់ចាម និងស្រុកស្ទោង ខេត្តកំពង់ធំ។
ចាប់តាំងពីឆ្នាំ២០០៥ ដល់ឆ្នាំ២០១៤ មានជំងឺផ្តាសាយបក្សីដែលបានឆ្លងពីសត្វបក្សី មកមនុស្សចំនួន៥៦ករណី ក្នុងនោះ៣៧ករណី បានស្លាប់។ ឆ្នាំ២០១៣ មានចំនួន២៦ករណី ដែលក្នុងនោះមាន ១៤ករណីបានស្លាប់ និងក្នុងឆ្នាំ២០១៤ មាន ៩ករណី និង ៤ករណីបានស្លាប់៕
សត្វមាន់ដែលរកឃើញថាមានមេរោគផ្តាសាយបក្សី នៅក្នុងសង្កាត់ភ្នំពេញថ្មី ត្រូវបានមន្ត្រីជំនាញសម្លាប់ចោល និងបានសម្អាតមេរោគនៅតំបន់ដែលរកឃើញរួចហើយ ដើម្បីទប់ស្កាត់ការរាលដាលមេរោគផ្តាសាយបក្សី។ នេះបើតាម លោក លី សុវណ្ណ អ្នកនាំពាក្យក្រសួងសុខាភិបាល និងជាប្រធាននាយកដ្ឋានប្រយុទ្ធប្រឆាំងនឹងជំងឺឆ្លង។ លោក លី សុវណ្ណ បានបញ្ជាក់ប្រាប់សារព័ត៌មានថ្មីៗតាមទូរសព្ទដូច្នេះ៖ «ប៉ុន្មានថ្ងៃមុន ខាងពេទ្យសត្វរាយការណ៍មកខាងយើង ហើយក្រុមអ្នកជំនាញបានសម្លាប់សត្វមាន់ដែលនៅសេសសល់ និងបានសំអាតមេរោគនោះរួចហើយ ដើម្បីទប់ស្កាត់ការរាលដាលជំងឺផ្តាសាយបក្សី»។
ប៉ុន្តែទោះជាយ៉ាងណា មន្ត្រីជំនាញក៏នៅបន្តតាមដានសុខភាពរបស់ប្រជាពលរដ្ឋនៅតំបន់នោះក្នុងពេល១សប្តាហ៍ទៀតដែរ ក្រែងមានករណីសង្ស័យ និងដើម្បីព្យាបាលឲ្យទាន់ពេលវេលា។ នេះបើតាមលោក លី សុវណ្ណ ដែលបានគូសបញ្ជាក់ថា ក្រសួងមិនទាន់រកឃើញជំងឺផ្តាសាយបក្សី H5N1 កើតលើមនុស្សនៅឡើយ លោក សុវណ្ណ ក៏បានស្នើឲ្យប្រជាពលរដ្ឋទាំងអស់ប្រុងប្រយ័ត្ន អំពីការចម្លងជំងឺនេះដែរ។
អត្ថបទទាក់ទង
សូមបញ្ជាក់ថា កាលពីថ្ងៃទី៩ ខែមករាកន្លងទៅ វិទ្យាស្ថានជាតិស្រាវជ្រាវសុខភាពសត្វ និងផលិតកម្មសត្វ នៃអគ្គយកនាយកដ្ឋានសុខភាពសត្វ និងផលិតកម្មសត្វ រកឃើញវត្តមានជំងឺផ្តាសាយបក្សី ដែលបង្កដោយវីរុស ពីA1(H5N1) ពីសំណាកសត្វមាន់ចំនួន៣ក្បាល នៅក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ នេះជាករណីទី១ នៅក្នុងឆ្នាំ២០១៨នេះ ដែលមន្ត្រីជំនាញបានរកឃើញមេរោគផ្តាសាយបក្សី ខណៈកាលពីឆ្នាំ២០១៧កន្លងទៅ ជំងឺផ្ដាសាយបក្សីH5N1កើតលើបក្សី បានផ្ទុះនៅស្រុកព្រៃឈរ និងស្រុកចំការលើ ខេត្តកំពង់ចាម និងស្រុកស្ទោង ខេត្តកំពង់ធំ។
ចាប់តាំងពីឆ្នាំ២០០៥ ដល់ឆ្នាំ២០១៤ មានជំងឺផ្តាសាយបក្សីដែលបានឆ្លងពីសត្វបក្សី មកមនុស្សចំនួន៥៦ករណី ក្នុងនោះ៣៧ករណី បានស្លាប់។ ឆ្នាំ២០១៣ មានចំនួន២៦ករណី ដែលក្នុងនោះមាន ១៤ករណីបានស្លាប់ និងក្នុងឆ្នាំ២០១៤ មាន ៩ករណី និង ៤ករណីបានស្លាប់៕
Tag:
ផ្តាសាយបក្សី
ភ្នំពេញថ្មី
H5N1
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
