អន្តរជាតិ
ម៉ាល់ឌីវ៖តុលាការកំពូលលុបការសម្រេចចិត្តដោះលែងអ្នកទោសនយោបាយ ក្រោយប្រធានតុលាការត្រូវចាប់ខ្លួន
ប្រធានាធិបតី ម៉ាល់ឌីវ លោក Abdulla Yameen (រូបភាព៖ Indian Express)
×![]()
ដោយ: ថ្មីៗ
ចៅក្រមតុលាការកំពូលម៉ាល់ឌីវ សម្រេចចិត្តលុបចោលសេចក្តីសម្រេចរបស់ខ្លួនដែលបញ្ជាឲ្យដោះលែងអ្នកទោសនយោបាយប្រាំបួនរូប ក្រោយពេលប្រធានាធិបតីបញ្ជាឲ្យចាប់ខ្លួនចៅក្រមម្នាក់ និងប្រធានតុលាការកំពូលផង។ ប្រធានាធិបតីបានចេញមុខស្វាគមន៍ការសម្រេចចិត្តជាថ្មីរបស់តុលាការកំពូលដែរ។
ទំនងជាភ័យព្រួយរឿងសុវត្ថិភាពរបស់ខ្លួនផង ចៅក្រមតុលាការកំពូលបីរូបដែលនៅសេសសល់ពីការចាប់ខ្លួន ស្រាប់តែប្រកាសលុបចោលការសម្រេចរបស់ខ្លួនដែលធានាឲ្យមានការដោះលែងអ្នកទោសនយោបាយប្រាំបួនរូបនៅថ្ងៃពុធទី ៧ ខែកុម្ភៈ នេះ។
យោងតាមទីភ្នាក់ងារព័ត៌មាន AFP ចៅក្រមទាំងបីរូបបានអះអាងថា ខ្លួនសម្រេចបែបនេះគឺដើម្បីឆ្លើយតបនឹងក្តីបារម្ភរបស់ប្រធានាធិបតី Abdulla Yameen កន្លងមកដែរ។ ប៉ុន្តែទោះជាមានការបកស្រាយបែបនេះក្តី គេដឹងច្បាស់ថា ហេតុផលនៅពីក្រោយការសម្រេចចិត្តបែបនេះ គឺទាក់ទងនឹងការចាប់ខ្លួនប្រធានតុលាការកំពូល Abdulla Saeed និងចៅក្រមម្នាក់ទៀតក្រោយរដ្ឋាភិបាលប្រកាសដាក់រដ្ឋក្នុងភាពអាសន្នរយៈពេល ១៥ថ្ងៃនោះ។
តាមពិតទៅតុលាការកំពូលបានចេញសាលដីកាមួយដើម្បីដោះលែងអ្នកទោសនយោបាយ ប្រាំបួនរូបដែលត្រូវបានរដ្ឋាភិបាលចាប់ខ្លួន និងចោទប្រកាន់ថាពាក់ព័ន្ធករណីភេរវកម្មនោះនៅដើមខែកុម្ភៈ។ ការសម្រេចចិត្តនេះធ្វើឲ្យរដ្ឋាភិបាលម៉ាល់ឌីវខឹងសម្បារ និងព្រួយបារម្ភខ្លាំងផងដែរ ហើយរដ្ឋាភិបាលក៏មិនបានអនុវត្តតាមសេចក្តីសម្រេចតុលាការដែរ។
ក្រោយមក គេក៏លេចលឺពាក្យចោទប្រកាន់ពីសំណាក់រដ្ឋាភិបាលចំពោះតុលាការកំពូលថា ស្ថាប័នយុត្តាធិការផុតលេខនេះត្រៀមដកហូតតំណែងប្រធានាធិបតីផង ហើយក៏មានការប្រកាសដាក់រដ្ឋក្នុងភាពអាសន្នតែម្តង។
បន្ទាប់ពីតុលាការកំពូលប្តូរការសម្រេចចិត្តរបស់ខ្លួន ប្រធានាធិបតីម៉ាល់ឌីវលោក Abdulla Yameen ក៏បានចេញមុខស្វាគមន៍ការសម្រេចចិត្តនេះដែរ។
យ៉ាងណាមិញ តុលាការកំពូលនេះមិនបានប្តូរការសម្រេចចិត្តរបស់ខ្លួនក្នុងការផ្តល់សិទ្ធិ និងអំណាចឡើងវិញដល់តំណាងរាស្ត្រ ១២ រូបដែលបានចុះចូលជាមួយគណបក្សប្រឆាំងកន្លងមកឡើយ។ នេះក៏ជារឿងដែលរដ្ឋាភិបាលបារម្ភខ្លាំងដែរ ដ្បិតថា គណបក្សជឿនលឿនម៉ាល់ឌីវ (PPM) ដែលជាបក្សកាន់អំណាចនឹងបាត់បង់សំឡេងភាគច្រើនក្នុងសភាដែលមានសមាជិកសរុប ៨៥នាក់ បើមានការសិទ្ធិនិងអំណាចឡើងវិញដល់សមាជិកសភាបក្សប្រឆាំងមែននោះ។
គួរបញ្ជាក់ផងដែរថា តាំងពីឡើងកាន់តំណែងមក លោក Yameen បានចាប់អ្នកនយោបាយប្រឆាំងដាក់គុកស្ទើរអស់ទៅហើយ ដែលវាវិធានការមួយដើម្បីបោសសម្អាតរាល់អ្នកដែលអាចធ្វើឲ្យលោកបាត់បង់អំណាចផង។ ក្រោយការប្រកាសដាក់រដ្ឋក្នុងភាពអាសន្ន ប្រមុខរដ្ឋម៉ាល់ឌីវក៏បានបញ្ជាឲ្យប៉ូលិសចាប់ខ្លួនអតីតប្រធានាធិបតី Maumoon Abdul Gayoom ដែលជាបងប្អូនរបស់ខ្លួនផង៕
ទំនងជាភ័យព្រួយរឿងសុវត្ថិភាពរបស់ខ្លួនផង ចៅក្រមតុលាការកំពូលបីរូបដែលនៅសេសសល់ពីការចាប់ខ្លួន ស្រាប់តែប្រកាសលុបចោលការសម្រេចរបស់ខ្លួនដែលធានាឲ្យមានការដោះលែងអ្នកទោសនយោបាយប្រាំបួនរូបនៅថ្ងៃពុធទី ៧ ខែកុម្ភៈ នេះ។
យោងតាមទីភ្នាក់ងារព័ត៌មាន AFP ចៅក្រមទាំងបីរូបបានអះអាងថា ខ្លួនសម្រេចបែបនេះគឺដើម្បីឆ្លើយតបនឹងក្តីបារម្ភរបស់ប្រធានាធិបតី Abdulla Yameen កន្លងមកដែរ។ ប៉ុន្តែទោះជាមានការបកស្រាយបែបនេះក្តី គេដឹងច្បាស់ថា ហេតុផលនៅពីក្រោយការសម្រេចចិត្តបែបនេះ គឺទាក់ទងនឹងការចាប់ខ្លួនប្រធានតុលាការកំពូល Abdulla Saeed និងចៅក្រមម្នាក់ទៀតក្រោយរដ្ឋាភិបាលប្រកាសដាក់រដ្ឋក្នុងភាពអាសន្នរយៈពេល ១៥ថ្ងៃនោះ។
តាមពិតទៅតុលាការកំពូលបានចេញសាលដីកាមួយដើម្បីដោះលែងអ្នកទោសនយោបាយ ប្រាំបួនរូបដែលត្រូវបានរដ្ឋាភិបាលចាប់ខ្លួន និងចោទប្រកាន់ថាពាក់ព័ន្ធករណីភេរវកម្មនោះនៅដើមខែកុម្ភៈ។ ការសម្រេចចិត្តនេះធ្វើឲ្យរដ្ឋាភិបាលម៉ាល់ឌីវខឹងសម្បារ និងព្រួយបារម្ភខ្លាំងផងដែរ ហើយរដ្ឋាភិបាលក៏មិនបានអនុវត្តតាមសេចក្តីសម្រេចតុលាការដែរ។
ក្រោយមក គេក៏លេចលឺពាក្យចោទប្រកាន់ពីសំណាក់រដ្ឋាភិបាលចំពោះតុលាការកំពូលថា ស្ថាប័នយុត្តាធិការផុតលេខនេះត្រៀមដកហូតតំណែងប្រធានាធិបតីផង ហើយក៏មានការប្រកាសដាក់រដ្ឋក្នុងភាពអាសន្នតែម្តង។
អត្ថបទទាក់ទង
បន្ទាប់ពីតុលាការកំពូលប្តូរការសម្រេចចិត្តរបស់ខ្លួន ប្រធានាធិបតីម៉ាល់ឌីវលោក Abdulla Yameen ក៏បានចេញមុខស្វាគមន៍ការសម្រេចចិត្តនេះដែរ។
យ៉ាងណាមិញ តុលាការកំពូលនេះមិនបានប្តូរការសម្រេចចិត្តរបស់ខ្លួនក្នុងការផ្តល់សិទ្ធិ និងអំណាចឡើងវិញដល់តំណាងរាស្ត្រ ១២ រូបដែលបានចុះចូលជាមួយគណបក្សប្រឆាំងកន្លងមកឡើយ។ នេះក៏ជារឿងដែលរដ្ឋាភិបាលបារម្ភខ្លាំងដែរ ដ្បិតថា គណបក្សជឿនលឿនម៉ាល់ឌីវ (PPM) ដែលជាបក្សកាន់អំណាចនឹងបាត់បង់សំឡេងភាគច្រើនក្នុងសភាដែលមានសមាជិកសរុប ៨៥នាក់ បើមានការសិទ្ធិនិងអំណាចឡើងវិញដល់សមាជិកសភាបក្សប្រឆាំងមែននោះ។
គួរបញ្ជាក់ផងដែរថា តាំងពីឡើងកាន់តំណែងមក លោក Yameen បានចាប់អ្នកនយោបាយប្រឆាំងដាក់គុកស្ទើរអស់ទៅហើយ ដែលវាវិធានការមួយដើម្បីបោសសម្អាតរាល់អ្នកដែលអាចធ្វើឲ្យលោកបាត់បង់អំណាចផង។ ក្រោយការប្រកាសដាក់រដ្ឋក្នុងភាពអាសន្ន ប្រមុខរដ្ឋម៉ាល់ឌីវក៏បានបញ្ជាឲ្យប៉ូលិសចាប់ខ្លួនអតីតប្រធានាធិបតី Maumoon Abdul Gayoom ដែលជាបងប្អូនរបស់ខ្លួនផង៕
Tag:
ម៉ាល់ឌីវ
Abdulla Yameen
វិបត្តិនយោបាយ
© រក្សាសិទ្ធិដោយ thmeythmey.com
