អន្តរជាតិ
សេតវិមានអាមេរិក៖ «ចិនលុបចោលអាណត្តិប្រធានាធិបតីជាកិច្ចការផ្ទៃក្នុងរបស់គេប៉ុណ្ណោះ»
×![]()
ដោយ: ថ្មីៗ
សេតវិមានអាមេរិកបានផ្តល់យោបល់ថា បក្សកុម្មុយនីស្តចិនស្នើដកការកំណត់អាណត្តិប្រធានាធិបតីជារឿងរបស់ចិន និងជាកិច្ចការផ្ទៃក្នុងរបស់ប្រទេសនីមួយៗប៉ុណ្ណោះ។ ការលើកឡើងបែបនេះជាការឆ្លើយតបនឹងសំណួរពីការយល់ឃើញរបស់មហាអំណាចប្រជាធិបតេយ្យនេះជុំវិញការសម្រេចចិត្តរបស់មហាយក្សចិន។
អ្នកនាំពាក្យសេតវិមានអាមេរិក Sarah Sanders បានលើកឡើងនៅថ្ងៃចន្ទ ទី ២៦ ខែកុម្ភៈ ការសម្រេចចិត្តរបស់បក្សកម្មុយនីស្តចិនដែលស្នើសុំបញ្ចប់ការកំណត់អាណត្តិប្រធានាធិបតីជារឿងផ្ទៃក្នុងរបស់ចិន តែអាមេរិកនៅតែគាំទ្រការកំណត់អាណត្តិនេះ។
លោកស្រី Sarah Sander បានថ្លែងដូច្នេះ៖« ខ្ញុំជឿជាក់ថា វាជាការសម្រេចចិត្តរបស់ចិន។ ប្រធានាធិបតីអាមេរិកបាននិយាយពីការកំណត់អាណត្តិប្រធានាធិបតីក្នុងពេលឃោសនាបោះឆ្នោត ហើយវាជាអ្វីដែលយើងជាប្រជាជនអាមេរិកគាំទ្រ។ ប៉ុន្តែការសម្រេចចិត្តនេះ ជារឿងរបស់ចិនប៉ុណ្ណោះ»។
កាលពីថ្ងៃអាទិត្យទី២៥ ខែកុម្ភៈ បក្សកុម្មុយនីស្តចិនបានស្នើសុំលុបចោលការកំណត់អាណត្តិប្រធានាធិបតីត្រឹមពីរអាណត្តិ ដែលមានចែងក្នុងរដ្ឋធម្មនុញ្ញ។ សំណើនេះត្រូវបានធ្វើឡើងក្នុងកិច្ចប្រជុំរបស់ការិយាល័យនយោបាយបក្សកុម្មុយនីស្ត មុននឹងដាក់ឲ្យរដ្ឋសភាអនុម័តក្នុងកិច្ចប្រជុំនៅខែមីនា។ បើសិនជាមានការវិសោធនកម្មរដ្ឋធម្មនុញ្ញលុបចោលការកំណត់រយៈពេលកាន់តំណែងរបស់ប្រធានាធិបតីមែននោះ លោក ស៊ី ជិនភីងដែលមានប្រជាប្រិយភាព និងទទួលបានការគាំទ្រពីថ្នាក់ដឹកនាំបក្សផងនោះអាចនឹងមានដឹកនាំប្រទេសលើសពីឆ្នាំ ២០២៣ឯណោះ។
ដោយឡែកកន្លងមក លោក ដូណាល់ ត្រាំ ធ្លាប់និយាយពីភាពចាំបាច់ក្នុងការកំណត់អាណត្តិអ្នកនយោបាយដែរ។ ប៉ុន្តែការបញ្ជាក់ថា ការកែរដ្ឋធម្មនុញ្ញដកការកំណត់អាណត្តិប្រធានាធិបតីចិនជារឿងផ្ទៃក្នុងនោះ ត្រូវបានគេរិះគន់ដែរព្រោះវាមិនមែនជារឿងសាមញ្ញពេកទេដែលអាមេរិកនិយាយពីកិច្ចការផ្ទៃក្នុងប្រទេសផ្សេងទៀតនោះ។
មានមតិខ្លះអះអាងថា វាបង្ហាញឲ្យឃើញពីភាពស្ទាក់ស្ទើរបស់ក្រុងវ៉ាស៊ីនតោនក្នុងការបង្ហាញជំហររឹងមាំ ឬបង្ហាញមតិរិះគន់ របបដឹកនាំមិនមែនប្រជាធិបតេយ្យជាពិសេសចិនតែម្តង។ លោក ដូណាល់ ត្រាំ ខ្លួនឯងធ្លាប់អះអាងថា លោក និងលោក ស៊ី ជិនភីង មានទំនាក់ទំនងផ្ទាល់ខ្លួនពិសេស និងល្អប្រសើរផង៕
អ្នកនាំពាក្យសេតវិមានអាមេរិក Sarah Sanders បានលើកឡើងនៅថ្ងៃចន្ទ ទី ២៦ ខែកុម្ភៈ ការសម្រេចចិត្តរបស់បក្សកម្មុយនីស្តចិនដែលស្នើសុំបញ្ចប់ការកំណត់អាណត្តិប្រធានាធិបតីជារឿងផ្ទៃក្នុងរបស់ចិន តែអាមេរិកនៅតែគាំទ្រការកំណត់អាណត្តិនេះ។
លោកស្រី Sarah Sander បានថ្លែងដូច្នេះ៖« ខ្ញុំជឿជាក់ថា វាជាការសម្រេចចិត្តរបស់ចិន។ ប្រធានាធិបតីអាមេរិកបាននិយាយពីការកំណត់អាណត្តិប្រធានាធិបតីក្នុងពេលឃោសនាបោះឆ្នោត ហើយវាជាអ្វីដែលយើងជាប្រជាជនអាមេរិកគាំទ្រ។ ប៉ុន្តែការសម្រេចចិត្តនេះ ជារឿងរបស់ចិនប៉ុណ្ណោះ»។
កាលពីថ្ងៃអាទិត្យទី២៥ ខែកុម្ភៈ បក្សកុម្មុយនីស្តចិនបានស្នើសុំលុបចោលការកំណត់អាណត្តិប្រធានាធិបតីត្រឹមពីរអាណត្តិ ដែលមានចែងក្នុងរដ្ឋធម្មនុញ្ញ។ សំណើនេះត្រូវបានធ្វើឡើងក្នុងកិច្ចប្រជុំរបស់ការិយាល័យនយោបាយបក្សកុម្មុយនីស្ត មុននឹងដាក់ឲ្យរដ្ឋសភាអនុម័តក្នុងកិច្ចប្រជុំនៅខែមីនា។ បើសិនជាមានការវិសោធនកម្មរដ្ឋធម្មនុញ្ញលុបចោលការកំណត់រយៈពេលកាន់តំណែងរបស់ប្រធានាធិបតីមែននោះ លោក ស៊ី ជិនភីងដែលមានប្រជាប្រិយភាព និងទទួលបានការគាំទ្រពីថ្នាក់ដឹកនាំបក្សផងនោះអាចនឹងមានដឹកនាំប្រទេសលើសពីឆ្នាំ ២០២៣ឯណោះ។
ដោយឡែកកន្លងមក លោក ដូណាល់ ត្រាំ ធ្លាប់និយាយពីភាពចាំបាច់ក្នុងការកំណត់អាណត្តិអ្នកនយោបាយដែរ។ ប៉ុន្តែការបញ្ជាក់ថា ការកែរដ្ឋធម្មនុញ្ញដកការកំណត់អាណត្តិប្រធានាធិបតីចិនជារឿងផ្ទៃក្នុងនោះ ត្រូវបានគេរិះគន់ដែរព្រោះវាមិនមែនជារឿងសាមញ្ញពេកទេដែលអាមេរិកនិយាយពីកិច្ចការផ្ទៃក្នុងប្រទេសផ្សេងទៀតនោះ។
មានមតិខ្លះអះអាងថា វាបង្ហាញឲ្យឃើញពីភាពស្ទាក់ស្ទើរបស់ក្រុងវ៉ាស៊ីនតោនក្នុងការបង្ហាញជំហររឹងមាំ ឬបង្ហាញមតិរិះគន់ របបដឹកនាំមិនមែនប្រជាធិបតេយ្យជាពិសេសចិនតែម្តង។ លោក ដូណាល់ ត្រាំ ខ្លួនឯងធ្លាប់អះអាងថា លោក និងលោក ស៊ី ជិនភីង មានទំនាក់ទំនងផ្ទាល់ខ្លួនពិសេស និងល្អប្រសើរផង៕
Tag:
អាមេរិក
ចិន
អាណត្តិប្រធានាធិបតី
ស៊ី ជិនភីង
ដូណាល់ ត្រាំ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
