ការសិក្សា គឺជាការវិនិយោគអនាគតយូរអង្វែងមួយសម្រាប់ជីវិត ពីព្រោះចំណេះវិជ្ជាគឺជាយាន និងមូលធនមួយដែលអាចយកទៅប្រើការនៅក្នុងសង្គមការងារ និងជីវិតរស់នៅ។
ដោយសារការអភិវឌ្ឍសេដ្ឋកិច្ច និងបច្ចេកវិទ្យាពិភពលោកកាន់តែរីកចម្រើនទៅៗ ក្រុមហ៊ុននីមួយៗទាំងក្នុងស្រុក និងអន្តរជាតិមានតម្រូវការលើបុគ្គលិកដែលមានចំណេះដឹង និងសមត្ថភាពខ្ពស់។ យ៉ាងណាមិញ នៅកម្ពុជាបច្ចុប្បន្នមានសាកលវិទ្យាល័យជាច្រើនដែលមានការបណ្ដុះបណ្ដាលទៅលើជំនាញជាច្រើនផ្សេងៗគ្នា។ ប៉ុន្តែអ្វីដែលជាចំណោទបញ្ហាធំបំផុតនោះគឺ តើក្រោយពីការបញ្ចប់ការសិក្សា សញ្ញាបត្រដែលអ្នកទទួលបាននោះនឹងមានការទទួលស្គាល់កម្រិតណា? ហើយតើអ្នកនឹងទទួលបាននូវចំណេះដឹង សមត្ថភាព បទពិសោធន៍ និងជំនាញសម្រាប់ប្រកួតប្រជែងនៅក្នុងទីផ្សារ និងសង្គមរស់នៅបច្ចុប្បន្ននេះដែរឬទេ?
ក្នុងនោះដែរ វិទ្យាស្ថានខេមអេដប៊ីស្សនេស្សស្គូល ជាវិទ្យាស្ថានដែលបានផ្ដោតការបង្រៀនជាចម្បងទៅលើជំនាញគណនេយ្យ ហិរញ្ញវត្ថុ និងសវនកម្ម និងមានទទួលស្គាល់គុណភាពនៃការបណ្ដុះបណ្ដាលខ្ពស់បំផុត (Platinum) នៅកម្ពុជា។ ជាពិសេសវិទ្យាស្ថានមានវគ្គសិក្សាលើសញ្ញាបត្រជំនាញបច្ចេកទេសផ្នែកគណនេយ្យដែលហៅកាត់ថា CAT ។ កម្មវិធីសិក្សានេះបានផ្ដល់នូវអត្ថប្រយោជន៍ជាច្រើនទៅលើការរៀបចំរបាយការណ៍ហិរញ្ញវត្ថុ និងការសិក្សាស្របតាមស្ដង់ដារគណនេយ្យអន្តរជាតិ IFRS ព្រមទាំងបញ្ហាផ្សេងៗក្នុងការដោះស្រាយកំហុសឆ្គងគណនេយ្យ ដោយវគ្គនេះផ្ដោតទៅលើការសិក្សាដូចជា៖
- កំណត់ត្រាប្រតិបត្តិការហិរញ្ញវត្ថុ (FA1)
- ការគ្រប់គ្រងពត៌មាន (MA1)
- ការរក្សាទុកនូវកំណត់ត្រាហិរញ្ញវត្ថុ(FA2)
- ការគ្រប់គ្រងហិរញ្ញវត្ថុ និងចំណាយថ្លៃដើម (MA2)
- គណនេយ្យហិរញ្ញវត្ថុ (FFA)
- គណនេយ្យគ្រប់គ្រង (FMA)
- គោលការណ៍នៃការគ្រប់គ្រង (FAB)
- មូលដ្ឋានគ្រឹះនៃសវនកម្ម (FAU)
- មូលដ្ឋានគ្រឹះនៃការគ្រប់គ្រងហិរញ្ញវត្ថុ (FFM)។
ជាមួយគ្នានេះដែរ កម្មវិធីសិក្សាជំនាញគណនេយ្យនេះត្រូវបានរៀបចំការប្រឡង និងការកែទៅលើវិញ្ញាសារប្រឡងដោយសា្ថប័នសមាគមគណនេយ្យករជំនាញហៅកាត់ថា ACCA មានទីតាំងនៅចក្រភពអង់គ្លេស និងមានការទទួលស្គាល់ដោយ១៨៣ប្រទេស។ ម្យ៉ាងវិញទៀត កម្មវិធីសិក្សានេះជាថ្នាក់ក្រៅម៉ោង រៀងរាល់ចុងសប្ដាហ៍ ដែលមិនប៉ះពាល់ដល់ម៉ោងសិក្សានៅសាលាដទៃ និងម៉ោងពេលធ្វើការសម្រាប់បុគ្គលិកនៅតាមបណ្ដាក្រុមហ៊ុនផ្សេងៗ។
ការសិក្សានឹងធ្វើឡើងជាមួយសាស្ត្រាចារ្យល្បីៗដែលប្រកបទៅដោយគុណវុឌ្ឍិ បទពិសោធន៍កម្រិត និងការទទួលស្គាល់លើឆាកអន្តរជាតិ និងមកពីបណ្ដាប្រទេសមួយចំនួនដូចជាសហរដ្ឋអាមេរិក អង់គ្លេស សិង្ហបុរី ម៉ាឡេស៊ី និងហ្វីលីពិនជាដើម។ ចាប់ផ្ដើមទទួលពាក្យចុះឈ្មោះសិក្សាពីថ្ងៃនេះរហូតដល់ថ្ងៃទី០៥ ខែកក្កដាឆ្នាំ ២០១៨។ សម្រាប់ពត៌មានលម្អិតសូមទំនាក់ទំនងតាមរយៈអ៊ីម៉ែល
ឬទូរស័ព្ទលេខ ០២៣ ៩៨៦ ៥២២ / ០២៣ ៩៨៦ ៥២៣ / ០២៣ ៩៨៦ ៩៦១ ឬអាចចុះឈ្មោះតាមគេហទំព័រ៖
www.cam-ed.com ។