ទូតអាមេរិកប្រាប់ពលរដ្ឋខ្លួនឲ្យប្រុងប្រយ័ត្នពេលចូលឆ្នាំ តែអ្នកនាំពាក្យមហាផ្ទៃថា កុំបារម្ភបញ្ហានេះ

ជាតិ

សង្រ្កាន្តឆ្នាំថ្មី

នយោបាយជាតិ

ទូតអាមេរិកប្រាប់ពលរដ្ឋខ្លួនឲ្យប្រុងប្រយ័ត្នពេលចូលឆ្នាំ តែអ្នកនាំពាក្យមហាផ្ទៃថា កុំបារម្ភបញ្ហានេះ

12, Apr 2018 , 10:45 am

រូបភាព

ដោយ: រំដួល ចិត្រា (Romdoul Chetra)

ភ្នំពេញ៖ ទូតអាមេរិក ប្រាប់ឲ្យប្រជាជនខ្លួន ដែលកំពុងរស់នៅប្រទេសកម្ពុជា បង្កើនការប្រុងប្រយ័ត្នពីហានិភ័យ ដែលអាចកើតឡើង នៅក្នុងពិធីបុណ្យចូលឆ្នាំប្រពៃណីជាតិខ្មែរ។ ការប្រកាសរបស់ទូតអាមេរិកនេះ ធ្វើឡើងបន្ទាប់ពីនាយករដ្ឋមន្ត្រីកម្ពុជា ប្រកាសពីជោគជ័យនៃការទប់ស្កាត់ផែនការបំផ្ទុះគ្រាប់ របស់ក្រុមចលនារណសិរ្សរំដោះជាតិ កាលពីពេលថ្មីៗនេះ។

ដោយផ្អែកតាមការប្រកាសរបស់ប្រមុខរដ្ឋាភិបាលកម្ពុជា ស្ថានទូតអាមេរិក បានរំឭកដល់ពលរដ្ឋអាមេរិក ឲ្យធ្វើដំណើរទៅណាមកណា មានការប្រុងប្រយ័ត្ននៅក្នុងតំបន់ ដែលមានមនុស្សច្រើនកុះករ ហើយត្រូវតាមដានរាល់ព័ត៌មានបន្ថែម អំពីព្រឹត្តិការណ៍នានា ក្នុងអំឡុងពេលចូលឆ្នាំខ្មែរនេះ។

តាមរយៈហ្វេសប៊ុករបស់ស្ថានទូតអាមេរិកប្រចាំកម្ពុជា បានសរសេរប្រាប់ពលរដ្ឋខ្លួនដូច្នេះថា៖«បើឃើញរបស់ណាដែលត្រូវបានគេទុកចោល ដោយពុំមានអ្នកថែរក្សានោះ ត្រូវចាកចេញឲ្យឆ្ងាយភ្លាមៗ ហើយត្រូវប្រុងប្រយ័ត្នបំផុតចំពោះមនុស្សនៅជុំវិញខ្លួន»។

អ្វីដែលស្ថានទូតអាមេរិកលើកឡើងនេះ គឺយោងតាមការចុះផ្សាយរបស់សារព័ត៌មានអំពីសកម្មភាពនៃការព្យាយាមបង្កៃគ្រឿងផ្ទុះ នៅជិតវត្តភ្នំ និងតំបន់ផ្សេងៗទៀត នៅក្នុងរាជធានីភ្នំពេញ និងសៀមរាប នៃឱកាសបុណ្យចូលឆ្នាំខ្មែរ។

ទាក់ទងបញ្ហានេះអ្នកនាំពាក្យក្រសួងមហាផ្ទៃលោក ខៀវ សុភ័គ បាននិយាយថា ក្រសួងបានរៀបចំកងកម្លាំងទប់ស្កាត់សកម្មភាពនានា ដែលស្ថិតនៅក្នុងបំណងអាក្រក់ នៃការប៉ុនប៉ងធ្វើសកម្មភាពអមនុស្សធម៌ ពីសំណាក់ក្រុមក្បត់ជាតិហើយ។ លោក ខៀវ សុភ័គ អំពាវនាវឲ្យពលរដ្ឋជាតិ និងអន្តរជាតិ កុំមានការព្រួយបារម្ភលើបញ្ហានេះ ។

ថ្លែងប្រាប់សារព័ត៌មានថ្មីៗ លោក ខៀវ សុភ័គ បាននិយាយដូច្នេះថា៖«យើងបានទប់ស្កាត់អស់ហើយរាល់ស្ថានការណ៍នានា។ ដូច្នេះស្ថានទូតអាមេរិក កុំមានការភ័យខ្លាចពេក ហើយអាមេរិកកុំយកបញ្ហានេះ មកធ្វើជាបំណងអ្វីមួយ ដើម្បីវាយប្រហារមកលើរដ្ឋាភិបាល។ ព្រោះទូតផ្សេងៗ គេមិនព្រួយបារម្ភផង តែទូតអាមេរិកព្រួយបារម្ភ ខ្លាចហួសហេតុហើយ។ ពលរដ្ឋខ្មែរ និងពលរដ្ឋអាមេរិក ក៏ជាមនុស្សដូចគ្នា ដូច្នេះកម្ពុជានឹងការពារមិនឲ្យមានគ្រោះថ្នាក់ទេ»។

អត្ថបទទាក់ទង

សម្ដេច ហ៊ុន សែន៖ ក្រុមក្បត់គ្រោងបំផ្ទុះនៅសៀមរាប និងភ្នំពេញ តែរដ្ឋាភិបាលទប់ស្កាត់បាន

កាលពីថ្ងៃទី១០ មេសា រដ្ឋាភិបាល ប្រកាសជោគជ័យពីការទប់ស្កាត់ផែនការរបស់ក្រុមលោក សម សេរី ដែលប៉ុនប៉ងបំផ្ទុះគ្រាប់ នៅក្នុងរាជធានីភ្នំពេញ និងសៀមរាប។ លោក សម សេរី គឺជាប្រធានប្រធានចលនារណសិរ្សរំដោះជាតិខ្មែរ ដែលរដ្ឋាភិបាលចាត់ទុកជាក្រុមក្បត់ជាតិ។

ថ្លែងនៅក្នុងពិធីចែកសញ្ញាបត្រដល់និស្សិត នៃសាកលវិទ្យាល័យជាតិគ្រប់គ្រង សម្ដេចនាយករដ្ឋមន្ត្រី ហ៊ុន សែន បាននិយាយថា ក្រុមលោក សម សេរី នេះបានរៀបចំគម្រោងបំផ្ទុះគ្រាប់ នៅតំបន់វត្តភ្នំ និងខេត្តសៀមរាប នៅថ្ងៃទី១២ មេសា។

គួរបញ្ជាក់ថា លោក សម សេរី គឺជាប្រធានចលនារណសិរ្សរំដោះជាតិខ្មែរ ដែលមានមូលដ្ឋាននៅប្រទេសដាណឺម៉ាក់ កាលពីឆ្នាំ២០១២ ។ លោក សម សេរី ធ្លាប់បញ្ជាក់ថា ការបង្កើតចលនានេះឡើង ដើម្បីតស៊ូ រំដោះប្រជាពលរដ្ឋខ្មែរពីអាណានិគមបែបថ្មីរបស់វៀតណាម និងរបបដឹកនាំរបស់នាយករដ្ឋមន្ត្រី ហ៊ុន សែន។ ប៉ុន្តែចលនារណសិរ្យរំដោះជាតិខ្មែរនេះ ត្រូវបានរដ្ឋាភិបាលកម្ពុជា ចាត់ទុកជាចលនាក្បត់ជាតិ។ រដ្ឋាភិបាល ក៏បានចាប់ខ្លួនសមាជិកចលនារណសិរ្យនេះប្រមាណ១០នាក់ កាលពីថ្ងៃ២៣ តុលា ឆ្នាំ២០១៤ នៅគ្រាដែលពួកគេចូលរួមធ្វើបាតុកម្មនៅមុខស្ថានទូតវៀតណាម ដោយដុតទង់ជាតិវៀតណាម៕

សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖

១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។

២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។

៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។

៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។