អន្តរជាតិ
ក្រោយលោក ត្រាំ លុបចោលជំនួបនៅសិង្ហបុរី កូរ៉េខាងជើងថា ទ្វារចរចានៅតែចំហគ្រប់ពេល
រូបភាព AFP
×![]()
ដោយ: តន ចាន់រិទ្ធារ៉ា
ជារឿងគួរឲ្យសោកស្ដាយជំនួបរវាងមេដឹកនាំអាមេរិក និងកូរ៉េខាងជើងដែលឯគេទន្ទឹងរង់ចាំគ្រប់គ្នា បែរជាមិនអាចកើតឡើងទៅវិញ ក្រោយលោក ដូណាល់ ត្រាំ ប្រកាសលុបចោលជំនួបនេះភ្លាមៗនៅថ្ងៃទី២៤ ខែឧសភា។ យ៉ាងណាមិញ កូរ៉េខាងជើង ដែលសោកស្ដាយចំពោះការសម្រេចចិត្តរបស់លោក ត្រាំ បានប្រកាសថា ខ្លួននៅតែចំហទ្វារចរចាដដែល។ កូរ៉េខាងត្បូងឯណោះវិញហាក់ស្រពេចស្រពិលចំពោះការផ្លាស់ប្ដូរជំហរ១៨០ដឺក្រេរបស់លោក ត្រាំ ។
បន្ទាប់ពីស្ថិតក្នុងភាពមិនច្បាស់លាស់អស់ប៉ុន្មានថ្ងៃមកនោះ អនាគតរបស់ជំនួបប្រវត្តិសាស្ត្ររវាងប្រធានាធិបតី ដូណាល់ ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន បានដឹងច្បាស់ហើយ។ ការចរចាដែគ្រោងធ្វើនៅសិង្ហបុរី ត្រូវបានលោក ត្រាំ ប្រកាសលុបចោលនៅថ្ងៃទី២៤ ខែឧសភា ក្រោមហេតុផលថា សកម្មភាពអរិភាពរបស់កូរ៉េខាងជើងថ្មីៗនេះ ធ្វើឲ្យពេលវេលានៃការជួបគ្នានេះមិនសក្តិសមឡើយ។
ឆ្លើយនឹងការសម្រេចចិត្តរបស់ប្រធានាធិបតីអាមេរិក កូរ៉េខាងជើងបានរិះគន់ឡើយ តែមានជំហរសម្រុះសម្រួល និងសរសើរលោក ត្រាំ ផង។ តាមរយៈទីភ្នាក់ងារព័ត៌មាន KCNA អនុរដ្ឋមន្ត្រីការបរទេសកូរ៉េខាងជើង Kim Kye Gwan និយាយថា ការសម្រេចចិត្តរបស់លោក ត្រាំ ពិតជារឿងគួរឲ្យសោកស្ដាយ និងហួសការរំពឹងទុក។ មន្ត្រីការទូតកូរ៉េខាងជើងរូបនេះបានទុកទ្វារចំហសម្រាប់ការចរចានៅថ្ងៃអនាគតផង។
«ជាថ្មីម្ដងទៀត យើងបង្ហាញដល់អាមេរិកនូវឆន្ទៈចរចាទល់មុខគ្នាគ្រប់ពេលគ្រប់ទម្រង់ដើម្បីដោះស្រាយបញ្ហា»។ នេះជាការប្រកាសរបស់លោក Kim ដែលផ្សាយដោយទីភ្នាក់ងារព័ត៌មាន AFP ។ លោក Kim នេះហើយដែលជាអ្នកគំរាមលុបចោលជំនួបរវាងលោក ត្រាំ និងលោក គីម នៅថ្ងៃទី១២ ខែមិថុនា ដោយយកលេសថា អាមេរិកបានបង្ករឿងតាមរយៈការធ្វើសមយុទ្ធដែនអាកាសជាមួយកូរ៉េខាងត្បូង។
មិនត្រឹមកូរ៉េខាងជើងឡើយ សូម្បីតែកូរ៉េខាងត្បូងក៏ភ្ញាក់ផ្អើលនឹងការលុបចោលជំនួបនេះដែរ។ ប្រធានាធិបតីកូរ៉េខាងត្បូង មូន ចេអ៊ីន ចាត់ទុកការផ្លាស់ប្ដូរជំហររបស់លោក ត្រាំ ជារឿងតក់ស្លុត និងសោកស្ដាយខ្លាំងណាស់។ កូរ៉េខាងត្បូងបានប្រឹងប្រែងយ៉ាងខ្លាំងក្នុងការដើរតួជាអ្នកសម្របសម្រួលសម្រាប់ជំនួបលោក ត្រាំ និងលោក គីម ។ លោក មូន ក៏ទើបត្រឡប់ពីអាមេរិកដើម្បីបញ្ចុះបញ្ចូលឲ្យលោក ត្រាំ បន្តចរចាជាមួយមេដឹកនាំកូរ៉េខាងជើង ប៉ុន្តែបរាជ័យទៅហើយ។
អ្វីគួរឲ្យចាបអារម្មណ៍នោះ នៅថ្ងៃពេលលោក ត្រាំ ប្រកាសលុបចោលជំនួបជាមួយលោក គីម កូរ៉េខាងជើងក៏ទើបបានកម្ទេចទីតាំងសាកល្បងនុយក្លេអ៊ែរ Punggye-ri របស់ខ្លួន ចំពោះមុខអ្នកសារព័ត៌មានអន្តរជាតិជាច្រើន។ សារព័ត៌មានកូរ៉េខាងជើងនិយាយថា ការកម្ទេចទីតាំងនេះជាការប្រឹងប្រែងដើម្បីសន្តិភាព និងបង្ហាញពីជំហរផ្អាកការសាកល្បងនុយក្លេអ៊ែរទាំងស្រុង។ Punggye-ri នេះជាកន្លែងសាកល្បងនុយក្លេអ៊ែរទាំង៦លើករបស់កូរ៉េខាងជើង៕
បន្ទាប់ពីស្ថិតក្នុងភាពមិនច្បាស់លាស់អស់ប៉ុន្មានថ្ងៃមកនោះ អនាគតរបស់ជំនួបប្រវត្តិសាស្ត្ររវាងប្រធានាធិបតី ដូណាល់ ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន បានដឹងច្បាស់ហើយ។ ការចរចាដែគ្រោងធ្វើនៅសិង្ហបុរី ត្រូវបានលោក ត្រាំ ប្រកាសលុបចោលនៅថ្ងៃទី២៤ ខែឧសភា ក្រោមហេតុផលថា សកម្មភាពអរិភាពរបស់កូរ៉េខាងជើងថ្មីៗនេះ ធ្វើឲ្យពេលវេលានៃការជួបគ្នានេះមិនសក្តិសមឡើយ។
ឆ្លើយនឹងការសម្រេចចិត្តរបស់ប្រធានាធិបតីអាមេរិក កូរ៉េខាងជើងបានរិះគន់ឡើយ តែមានជំហរសម្រុះសម្រួល និងសរសើរលោក ត្រាំ ផង។ តាមរយៈទីភ្នាក់ងារព័ត៌មាន KCNA អនុរដ្ឋមន្ត្រីការបរទេសកូរ៉េខាងជើង Kim Kye Gwan និយាយថា ការសម្រេចចិត្តរបស់លោក ត្រាំ ពិតជារឿងគួរឲ្យសោកស្ដាយ និងហួសការរំពឹងទុក។ មន្ត្រីការទូតកូរ៉េខាងជើងរូបនេះបានទុកទ្វារចំហសម្រាប់ការចរចានៅថ្ងៃអនាគតផង។
«ជាថ្មីម្ដងទៀត យើងបង្ហាញដល់អាមេរិកនូវឆន្ទៈចរចាទល់មុខគ្នាគ្រប់ពេលគ្រប់ទម្រង់ដើម្បីដោះស្រាយបញ្ហា»។ នេះជាការប្រកាសរបស់លោក Kim ដែលផ្សាយដោយទីភ្នាក់ងារព័ត៌មាន AFP ។ លោក Kim នេះហើយដែលជាអ្នកគំរាមលុបចោលជំនួបរវាងលោក ត្រាំ និងលោក គីម នៅថ្ងៃទី១២ ខែមិថុនា ដោយយកលេសថា អាមេរិកបានបង្ករឿងតាមរយៈការធ្វើសមយុទ្ធដែនអាកាសជាមួយកូរ៉េខាងត្បូង។
មិនត្រឹមកូរ៉េខាងជើងឡើយ សូម្បីតែកូរ៉េខាងត្បូងក៏ភ្ញាក់ផ្អើលនឹងការលុបចោលជំនួបនេះដែរ។ ប្រធានាធិបតីកូរ៉េខាងត្បូង មូន ចេអ៊ីន ចាត់ទុកការផ្លាស់ប្ដូរជំហររបស់លោក ត្រាំ ជារឿងតក់ស្លុត និងសោកស្ដាយខ្លាំងណាស់។ កូរ៉េខាងត្បូងបានប្រឹងប្រែងយ៉ាងខ្លាំងក្នុងការដើរតួជាអ្នកសម្របសម្រួលសម្រាប់ជំនួបលោក ត្រាំ និងលោក គីម ។ លោក មូន ក៏ទើបត្រឡប់ពីអាមេរិកដើម្បីបញ្ចុះបញ្ចូលឲ្យលោក ត្រាំ បន្តចរចាជាមួយមេដឹកនាំកូរ៉េខាងជើង ប៉ុន្តែបរាជ័យទៅហើយ។
អ្វីគួរឲ្យចាបអារម្មណ៍នោះ នៅថ្ងៃពេលលោក ត្រាំ ប្រកាសលុបចោលជំនួបជាមួយលោក គីម កូរ៉េខាងជើងក៏ទើបបានកម្ទេចទីតាំងសាកល្បងនុយក្លេអ៊ែរ Punggye-ri របស់ខ្លួន ចំពោះមុខអ្នកសារព័ត៌មានអន្តរជាតិជាច្រើន។ សារព័ត៌មានកូរ៉េខាងជើងនិយាយថា ការកម្ទេចទីតាំងនេះជាការប្រឹងប្រែងដើម្បីសន្តិភាព និងបង្ហាញពីជំហរផ្អាកការសាកល្បងនុយក្លេអ៊ែរទាំងស្រុង។ Punggye-ri នេះជាកន្លែងសាកល្បងនុយក្លេអ៊ែរទាំង៦លើករបស់កូរ៉េខាងជើង៕
Tag:
កូរ៉េខាងជើង
អាមេរិក
សិង្ហបុរី
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
