រថយន្ត
អន្តរជាតិ
ក្រោយច្បាប់អនុញ្ញាត ស្ត្រីរាប់រយនាក់នៅអារ៉ាប៊ីសាអូឌីតទទួលបានបណ្ណបើកបរជាបន្តបន្ទាប់
×![]()
ដោយ: ធីតា
ស្ត្រីដែលរស់នៅក្នុងប្រទេសអារ៉ាប៊ីសាអូឌីត ជាច្រើនរយនាក់ ទទួលបានបណ្ណបើកបរជាបន្តបន្ទាប់ ដើម្បីអាចបញ្ជាយានយន្តនៅលើផ្លូវថ្នល់ដោយខ្លួនឯងចាប់ពីថ្ងៃទី២៤ ខែមិថុនា តទៅ។ នេះបើតាមការអះអាងរបស់អាជ្ញាធរទទួលបន្ទុកផ្នែកចរាចរណ៍របស់អារ៉ាប៊ីសាអូឌីត។
កាលពីចុងខែកញ្ញា កន្លងមក ព្រះមហាក្សត្រ Salman bin Abdulaziz Al Saud បានចេញរាជក្រឹត្យ ដោយផ្ដល់សិទ្ធិឲ្យស្ត្រីក្នុងរាជាណាចក្រឥស្លាមមួយនេះអាចបើកបរបាន។ នេះជាការបញ្ចប់ប្រពៃណីអភិរក្សតឹងរ៉ឹងមួយនៅក្នុងប្រទេសដែលអនុវត្តតាមច្បាប់ឥស្លាម Sharia ដែលធ្លាប់រងការរិះគន់ថាបានបិទសិទ្ធិស្ត្រីធ្ងន់ធ្ងរ។
ខណៈដែលការអនុវត្តជាក់ស្ដែងនឹងចាប់ផ្ដើមនៅថ្ងៃទី២៤ ខែមិថុនា ឆ្នាំ២០១៨ អាជ្ញាធរអារ៉ាប៊ីសាអូឌីត បានតម្រូវឲ្យស្ត្រីរៀនបើកបរឲ្យបានត្រឹមត្រូវ រីឯស្ត្រីដែលមានបណ្ណបើកបរពីប្រទេសផ្សេងៗ ត្រូវឆ្លងកាត់ការធ្វើតេស្តមុននឹងទទួលបានបណ្ណបើកបរថ្មីដែលចេញដោយរដ្ឋាភិបាលអារ៉ាប៊ីសាអូឌីត។
យោងតាម Gulf News មជ្ឈមណ្ឌលចំនួន២២ ទទួលបន្ទុកត្រួតពិនិត្យបណ្ណបើកបរបរទេស ហើយសាលាបើកបរចំនួន៤ទៀត មានសិទ្ធិចេញបណ្ណបើកបរដល់ស្ត្រីដែលធ្វើតេស្តជាប់ ដើម្បីឲ្យពួកគេមានសិទ្ធបញ្ជាយានយន្តដោយខ្លួនឯងជាលើកដំបូង។
ស្ត្រីម្នាក់ឈ្មោះ Rema Jawdat ដែលធ្វើការនៅស្ថាប័នរដ្ឋ បានលើកឡើងថា៖ «ខ្ញុំមានបទពិសោធន៍បើកបររថយន្តអស់រយៈពេល១២ឆ្នាំនៅលីបង់ ស្វីស និងសហរដ្ឋអាមេរិក។ នេះជាសុបិនដែលក្លាយជាការពិតសម្រាប់ខ្ញុំដែលអាចបើកបរបាននៅអារ៉ាប៊ីសាអូឌីត»។ សម្រាប់អ្នកស្រី Rema ការបើកបរដោយខ្លួនឯង គឺជាជម្រើសក្នុងការចល័តដោយឯករាជ្យមួយ។
អ្នកស្រី Tahani Al Dosemani ដែលធ្វើការនៅសកលវិទ្យាល័យ Prince Sattam Bin Abdul Aziz បានប្តូរបណ្ណបើកបរអាមេរិកទៅជាអារ៉ាប៊ីសាអូឌីត។ អ្នកស្រីលើកឡើងថា៖ «ការបើកបរសម្រាប់ស្ត្រីមិនមែនត្រឹមតែជាការបើករថយន្តនោះឡើយ ប៉ុន្តែវាបង្ហាញពីទំនុកចិត្ត និងការសម្រេចចិត្តប្រកបដោយជំនាញ»៕
អត្ថបទទាក់ទង
កាលពីចុងខែកញ្ញា កន្លងមក ព្រះមហាក្សត្រ Salman bin Abdulaziz Al Saud បានចេញរាជក្រឹត្យ ដោយផ្ដល់សិទ្ធិឲ្យស្ត្រីក្នុងរាជាណាចក្រឥស្លាមមួយនេះអាចបើកបរបាន។ នេះជាការបញ្ចប់ប្រពៃណីអភិរក្សតឹងរ៉ឹងមួយនៅក្នុងប្រទេសដែលអនុវត្តតាមច្បាប់ឥស្លាម Sharia ដែលធ្លាប់រងការរិះគន់ថាបានបិទសិទ្ធិស្ត្រីធ្ងន់ធ្ងរ។
ខណៈដែលការអនុវត្តជាក់ស្ដែងនឹងចាប់ផ្ដើមនៅថ្ងៃទី២៤ ខែមិថុនា ឆ្នាំ២០១៨ អាជ្ញាធរអារ៉ាប៊ីសាអូឌីត បានតម្រូវឲ្យស្ត្រីរៀនបើកបរឲ្យបានត្រឹមត្រូវ រីឯស្ត្រីដែលមានបណ្ណបើកបរពីប្រទេសផ្សេងៗ ត្រូវឆ្លងកាត់ការធ្វើតេស្តមុននឹងទទួលបានបណ្ណបើកបរថ្មីដែលចេញដោយរដ្ឋាភិបាលអារ៉ាប៊ីសាអូឌីត។
យោងតាម Gulf News មជ្ឈមណ្ឌលចំនួន២២ ទទួលបន្ទុកត្រួតពិនិត្យបណ្ណបើកបរបរទេស ហើយសាលាបើកបរចំនួន៤ទៀត មានសិទ្ធិចេញបណ្ណបើកបរដល់ស្ត្រីដែលធ្វើតេស្តជាប់ ដើម្បីឲ្យពួកគេមានសិទ្ធបញ្ជាយានយន្តដោយខ្លួនឯងជាលើកដំបូង។
ស្ត្រីម្នាក់ឈ្មោះ Rema Jawdat ដែលធ្វើការនៅស្ថាប័នរដ្ឋ បានលើកឡើងថា៖ «ខ្ញុំមានបទពិសោធន៍បើកបររថយន្តអស់រយៈពេល១២ឆ្នាំនៅលីបង់ ស្វីស និងសហរដ្ឋអាមេរិក។ នេះជាសុបិនដែលក្លាយជាការពិតសម្រាប់ខ្ញុំដែលអាចបើកបរបាននៅអារ៉ាប៊ីសាអូឌីត»។ សម្រាប់អ្នកស្រី Rema ការបើកបរដោយខ្លួនឯង គឺជាជម្រើសក្នុងការចល័តដោយឯករាជ្យមួយ។
អ្នកស្រី Tahani Al Dosemani ដែលធ្វើការនៅសកលវិទ្យាល័យ Prince Sattam Bin Abdul Aziz បានប្តូរបណ្ណបើកបរអាមេរិកទៅជាអារ៉ាប៊ីសាអូឌីត។ អ្នកស្រីលើកឡើងថា៖ «ការបើកបរសម្រាប់ស្ត្រីមិនមែនត្រឹមតែជាការបើករថយន្តនោះឡើយ ប៉ុន្តែវាបង្ហាញពីទំនុកចិត្ត និងការសម្រេចចិត្តប្រកបដោយជំនាញ»៕
© រក្សាសិទ្ធិដោយ thmeythmey.com
