កម្ពុជា ផ្ដល់ជំនួយមនុស្សធម៌ ២០ម៉ឺនដុល្លារ ដល់ឥណ្ឌូណេស៊ី ដែលរងគ្រោះរញ្ជួយដី និងរលកស៊ូណាមិ

ជាតិ

កម្ពុជា ផ្ដល់ជំនួយមនុស្សធម៌ ២០ម៉ឺនដុល្លារ ដល់ឥណ្ឌូណេស៊ី ដែលរងគ្រោះរញ្ជួយដី និងរលកស៊ូណាមិ

02, Oct 2018 , 3:35 pm

រូបភាព

សម្តេចនាយករដ្ឋមន្ត្រី រំលែកទុក្ខជនរងគ្រោះនៅប្រទេសឥណ្ឌូណេស៊ី។ រូបថត AFP

ដោយ: ថ្មីៗ

ភ្នំពេញ៖ រដ្ឋាភិបាលកម្ពុជា ផ្ដល់ទឹកប្រាក់២០ម៉ឺនដុល្លារ ដល់រដ្ឋាភិបាលឥណ្ឌូណេស៊ី ដែលកំពុងជួបប្រទះគ្រោះរញ្ជួយដី និងរលកយក្សស៊ូណាមិ ដែលបំផ្លិចបំផ្លាញប្រទេស រយៈពេលប៉ុន្មានថ្ងៃមកនេះ។

សេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា ទឹកប្រាក់២០ម៉ឺនដុល្លារ គឺជាជំនួយមនុស្សធម៌ សម្រាប់រំលែកទុក្ខដល់ជនរងគ្រោះ ដោយសារមហន្តរាយពីគ្រោះធម្មជាតិ នៃសោកនាដកម្មនេះ ដែលជាការបង្ហាញពីសាមគ្គីភាពជាមួយរដ្ឋាភិបាល និងប្រជាជនឥណ្ឌូណេស៊ី ក្នុងគ្រាលំបាក។

ទាក់ទងនឹងជំនួយមនុស្សធម៌នេះ ខាងកាកបាទក្រហមកម្ពុជា ក៏បានផ្ដល់ជំនួយមនុស្សធម៌៥ម៉ឺនដុល្លារ ដល់កាកបាទក្រហមឥណ្ឌូណេស៊ី សម្រាប់ប្រតិបត្តិការ ជួយអ្នករងគ្រោះដោយសារការរញ្ជួយដី និងរលកយក្សស៊ូណាមិផងដែរ។

អត្ថបទទាក់ទង

សម្តេច ហ៊ុន សែន រំលែកទុក្ខការបាត់បង់ជីវិតមនុស្សជិត១ពាន់នាក់ ដោយសាររញ្ជួយដីនៅឥណ្ឌូនេស៊ី

ចាប់តាំងពីថ្ងៃទី២៨ កញ្ញាមក មានករណីគ្រោះរញ្ជួយដីដ៏ធំ និងរលកយក្សស៊ូណាមិ បានវាយប្រហារទីក្រុងប៉ាលូ កោះស៊ូឡាវ៉េសស៊ី នៃប្រទេសឥណ្ឌូណេស៊ី ហើយមកដល់ពេលនេះ មានប្រជាជនស្លាប់យ៉ាងហោចណាស់ជាង១២០០នាក់ ខណៈមានអ្នករងរបួស និងបាត់ខ្លួនជាច្រើននាក់៕