លោក Pep Guardiola អ្នកចាត់ការទូទៅ Manchester City បានប្រាប់ពីចំណងជើងបទចម្រៀងចំនួន ៦បទ ដែលជួយកំណត់ពេលវេលាដ៏សំខាន់សម្រាប់ជីវិត និងអាជីពរបស់លោកនៅក្នុងបទសម្ភាសន៍ផ្តាច់មុខជាមួយ BBC Radio 5 live នៅថ្ងៃទី២៥ ខែតុលា។
ពីកុមារក្រីក្រដែលដើលេងបាល់ទាត់នៅលើដងផ្លូវ បានក្លាយទៅអ្នកចាត់ការក្រុមកីឡាបាល់ទាត់ដ៏ល្បីល្បាញម្នាក់ និងជាឪពុកគេនោះ Guardiola តែងតែគេចចេញពីពិភពខាងក្រៅ ហើយសំងំនៅក្នុងផ្ទះដើម្បីស្តាប់តន្ត្រីដែលលោកចូលចិត្ត។
នៅក្នុងបទសម្ភាស អ្នកចាត់ការសញ្ជាតិអេស្ប៉ាញ វ័យ៤៧ឆ្នាំរូបនេះ និយាយយ៉ាងយូរអំពីការចិញ្ចឹមបីបាច់គ្រួសារ និងទំនាក់ទំនងពិសេសរបស់គាត់ជាមួយប្រជាជនក្នុងក្រុង Manchester ប្រទេសអង់គ្លេស ខណៈដែលលោកជញ្ជឹងគិតពីអ្វីដែលនឹងកើតឡើងនាពេលអនាគត។
Guardiola ក៏បានរៀបរាប់ពីរាត្រីមួយដែលភរិយានិង កូនស្រីពីរនាក់របស់លោកស្ថិតក្នុងការវាយប្រហារដោយបំផ្ទុះគ្រាប់បែកនាការប្រគុំតន្ត្រីមួយនៅកីឡដ្ឋាន Manchester Arena ផងដែរ ដែលហេតុការណ៍នោះបានធ្វើឲ្យមនុស្សស្លាប់ជាង២០នាក់ និងរបួសជាច្រើននាក់។
អតីតអ្នកចាត់ការ Barcelona ដែលចូលចិត្តស្តាប់ចម្រៀង និងតែងតែទៅចូលរួមការប្រគុំតន្ត្រីបានប្រាប់ពីចំណងជើងបទចម្រៀងចំនួន៦បទដែលបានជួយកំណត់ជីវិត ស្នេហា និងអាជីពអ្នកជាគ្រូបង្វឹកកីឡាបាល់ទាត់ឲ្យបានជោគជ័យមកទល់នឹងសព្វថ្ងៃនេះ។
ចម្រៀងទាំង ៦បទនោះមានចំណងជើងថា
១- Don't Look Back in Anger ច្រៀងដោយលោក Oasis ក្នុងឆ្នាំ ១៩៩៦
VIDEO
២- The Healing Day ដោយ Bill Fay ឆ្នាំ ២០១២
VIDEO
៣- Fiesta, ដោយ Joan Manuel Serrat ឆ្នាំ ១៩៧០
VIDEO
៤- Amor Particular, ដោយ Lluis Llach ឆ្នាំ ១៩៨៤
VIDEO
៥- New York, New York, ដោយ Frank Sinatra ឆ្នាំ ១៩៨០
VIDEO
៦- Your Song, ដោយ Elton John ឆ្នាំ១៩៧០
VIDEO