លិចទូកក្នុងទន្លេបាសាក់៖ រកឃើញសាកសពម្នាក់ ក្នុងចំណោមបងប្អូនបីនាក់ ដែលបាត់ខ្លួន

ជាតិ

លិចទូកក្នុងទន្លេបាសាក់៖ រកឃើញសាកសពម្នាក់ ក្នុងចំណោមបងប្អូនបីនាក់ ដែលបាត់ខ្លួន

30, Oct 2018 , 11:17 am

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ សាកសពក្មេងស្រី រិន ស្រីអូន អាយុ១៣ឆ្នាំ ដែលបានបាត់ខ្លួនក្នុងទន្លេបាសាក់ជាមួយបងប្អូនពីរនាក់ទៀត ដោយសារតែការលិចទូក ត្រូវបានប្រជាពលរកឃើញ នៅព្រឹកថ្ងៃទី៣០តុលានេះ។

ម្តាយ បានប្រាប់ទៅអ្នកសារព័ត៌មានថា កូនប្រុសច្បងឈ្មោះ រិន មករា អាយុ១៨ឆ្នាំ និងកូនស្រីពៅឈ្មោះ រិន ស្រីរ័ត្ន អាយុ៩ឆ្នាំ មិនទាន់រកឃើញនៅឡើយទេ។ អាជ្ញាធរ និង ប្រជាពលរដ្ឋ កំពុងបន្តនាំគ្នាជួយស្វែងរកបងប្អូនទាំងពីរនាក់នោះ។

អត្ថបទទាក់ទង

បងប្អូនបង្កើត៣នាក់ បានបាត់ខ្លួនក្នុងទន្លេបាសាក់ ដោយសារលិចទូក

ហេតុការណ៍បាត់ខ្លួននេះ បានកើតឡើងកាលពីថ្ងៃទី២៩តុលា ដោយបុរសឈ្មោះ រិន មករា និងមិត្តស្រី បានបបួលគ្នាជិះទូកលេងតាមដងទន្លេបាសាក់ ដោយពួកគេមិនចេះបញ្ឆេះម៉ាស៊ីនបើកបរទូក។ ភ្លាមនោះ បុរសឈ្មោះ រិន មករា បានហៅឪពុករបស់ខ្លួន ឈ្មោះ មួង រិន មកបញ្ឆេះម៉ាស៊ីនបើកបរទូក ជូនពួកគេដើរលេង។ ជាមួយគ្នានោះ ឪពុកក៏បានហៅកូនស្រី ២នាក់ទៀត (រិន ស្រីអូន និង រិន ស្រីរ័ត្ន) ឡើងជិះទូកលេងជាមួយគ្នាផងដែរ។

ក្រោយពេលទូកបានបើកឃ្លាតចេញពីច្រាំងទន្លេ បានប្រហែល៤០ម៉ែត្រ ស្រាប់តែមានខ្យល់បក់ខ្លាំង បណ្ដាលអោយទូកនោះលិចតែម្ដង។ ដោយមានការជួយសង្គ្រោះពីអ្នកផ្សេង លោក មួង រិន និងមិត្តស្រីរបស់ រិន មករា បានរួចផុតពីគ្រោះថ្នាក់៕