លោក លី វណ្ណា ទៅដល់ក្រុង Krakow ដើម្បីឈានបញ្ចប់កិច្ចព្រមព្រៀងទិញក្លិប Wisla Krakow

កីឡាជាតិ

ជាតិ

លោក លី វណ្ណា ទៅដល់ក្រុង Krakow ដើម្បីឈានបញ្ចប់កិច្ចព្រមព្រៀងទិញក្លិប Wisla Krakow

22, Dec 2018 , 5:31 pm

រូបភាព

ដោយ: ថ្មីៗ

លោក លី វណ្ណា អ្នកជំនួញខ្មែរ-បារាំង និងដៃគូជំនួញរបស់ខ្លួន បានទៅដល់ក្រុង Krakow ដើម្បីឈានទៅដល់កិច្ចព្រមព្រៀងលើការទិញក្លិបកីឡាបាល់ទាត់កំពូលប៉ូឡូញ Wisla Krakow។ នេះបើយោងតាមការផ្សាយរបស់ www.przegladsportowy.pl ។

អត្ថបទទាក់ទង

កាសែតប៉ូឡូញ៖ អ្នកជំនួញខ្មែរម្នាក់ទិញភាគហ៊ុនក្លិបបាល់ទាត់កំពូលមួយនៅប៉ូឡូញ

លោក លី វណ្ណា ត្រូវបានរាយការណ៍ថា បានចាប់ផ្តើមជំនួបពិភាក្សាជាមួយថ្នាក់ដឹកនាំក្លិប Wisla Krakow កាលពីថ្ងៃសុក្រ ហើយឈានដល់ការសម្រេចផ្សេងៗទៀតនាអំឡុងចុងសប្តាហ៍នេះ។ ក្រៅពីលោក លី វណ្ណា ក៏មានវត្តមានផងដែរ លោក Mats Hartling តំណាងដៃគូជំនួញក្រុមហ៊ុនអង់គ្លេស Noble Capital Partners និងលោក Adam Pietrowski ដែលជាទីភ្នាក់ងារកីឡាបាល់ទាត់។

តាមរបាយការណ៍ អ្នកទាំងបី បានជួបពិភាក្សាជាបន្តបន្ទាប់ជាមួយ លោក Daniel Golda អនុប្រធានក្លិប លោក Maciej Stolarczyk ដែលជាគ្រូបង្វឹក និងបុគ្គលិកមួយចំនួនផងដែរ។ ជាមួយគ្នានេះ គេបានឃើញលោក លី វណ្ណា និងលោក Mats Hartling អង្គុយទស្សនាការប្រកួតរវាង Wisła Kraków និង Lech Poznan ផងដែរ ដោយ Krakow ចាញ់ ១-0៕