តុលាការ កាត់ក្តីអតីតអភិបាលខេត្តតាកែវ និងគ្នីគ្នា ដែលពាក់ព័ន្ធអំពើឃាតកម្ម កាលពីឆ្នាំមុន

ជាតិ

សង្គមជាតិ

តុលាការ កាត់ក្តីអតីតអភិបាលខេត្តតាកែវ និងគ្នីគ្នា ដែលពាក់ព័ន្ធអំពើឃាតកម្ម កាលពីឆ្នាំមុន

23, Jan 2019 , 9:34 am

រូបភាព

សកម្មភាពសមត្ថកិច្ច នាំខ្លួនលោក ឡាយ វណ្ណៈ អតីតអភិបាលខេត្តតាកែវ ទៅកាន់តុលាការ ពេលត្រូវបានចាប់ខ្លួនកន្លងមក

ដោយ: ថ្មីៗ

ក្រោយដាក់ឲ្យស្ថិតក្នុងការស៊ើបសួរជិតមួយឆ្នាំកន្លងមក ទីបំផុត សំណុំរឿងរបស់លោក ឡាយ វណ្ណៈ អតីតអភិបាលខេត្តតាកែវ ដែលរងការចោទប្រកាន់ពីបទឃាតកម្មលើនារីម្នាក់ ក៏ឈានដល់ការជំនុំជម្រះ នៅព្រឹកថ្ងៃទី២៣ ខែមករា ឆ្នាំ២០១៩នេះ។

លោក ឡាវ វណ្ណារិទ្ធ អតីតស្នងការរងខេត្តតាកែវ ដែលជាបងប្រុសរបស់លោក ឡាយ វណ្ណៈ រួមទាំងមនុស្សពីរនាក់ផ្សេងទៀត ដែលម្នាក់ជាអ្នកបើកឡានឲ្យលោក ឡាយ វណ្ណៈ និងម្នាក់ទៀត ជាអ្នកបម្រើក្នុងផ្ទះរបស់នារី ជាជនរងគ្រោះ ក៏ត្រូវបានជាប់ចោទថា ពាក់ព័ន្ធនឹងអំពើឃាតកម្មនេះដែរ។ តុលាការរាជធានីភ្នំពេញ បានសម្រេចឃុំខ្លួនអ្នកទាំងបួន កាលអំឡុងខែមេសា ឆ្នាំ២០១៨។

គួររម្លឹកថា លោកស្រី ចេវ សុវឌ្ឍនា ដែលគេនិយាយតៗគ្នាថា ជាស្រីកំណាន់របស់លោក ឡាយ វណ្ណៈ ត្រូវបានគេប្រទះឃើញស្លាប់ ដោយស្ថានភាពចងក ក្នុងផ្ទះ ស្ថិតនៅក្រុងដូនកែវ ខេត្តតាកែវ កាលពីអំឡុងខែមករា ឆ្នាំ២0១៨។ ប៉ុន្តែ សមត្ថកិច្ច និងសាធារណជនខ្លះ រកឃើញថា មរណភាពរបស់លោកស្រី មិនមែនជាការធ្វើអត្តឃាតនោះទេ តែជាអំពើឃាតកម្ម៕

អត្ថបទទាក់ទង

លោក ឡាយ វណ្ណៈ និងលោក ឡាយ ណារិទ្ធ ត្រូវបានចោទពីបទ «ឃាតកម្ម»