ឆ្នាំ២០១៨ សមត្ថកិច្ចបង្ក្រាបជនបរទេសជំរិតទារប្រាក់តាមអុីនធឺណិត បានជិត៥០០នាក់

ជាតិ

សង្គមជាតិ

ឆ្នាំ២០១៨ សមត្ថកិច្ចបង្ក្រាបជនបរទេសជំរិតទារប្រាក់តាមអុីនធឺណិត បានជិត៥០០នាក់

05, Mar 2019 , 7:39 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ឆ្នាំ២០១៨ អគ្គនាយកដ្ឋានអន្ដោប្រវេសន៍ បានបង្ក្រាបជនបរទេសដែលជំរិតទារប្រាក់តាម Internet (VOIP) និងហ្គេមអនឡាញខុសច្បាប់១៤លើក ដែលចាប់មនុស្សបាន៤៨១នាក់។ ក្នុងនោះ មានភាគច្រើនជាជនជាតិចិន ដែលមានរហូតទៅដល់៤០៣នាក់ និងម៉ាឡេស៊ី៤៨នាក់។ នេះបើយោងតាមរបាយការណ៍បូកសរុបការងារប្រចាំឆ្នាំ២០១៨ និងទិសដៅឆ្នាំ២០១៩របស់អគ្គនាយកដ្ឋានអន្ដោប្រវេសន៍។

អត្ថបទទាក់ទង

ជនសង្ស័យ៣៣នាក់ ដែលជំរិតប្រាក់តាមInternet ត្រូវបានបញ្ជូនទៅតុលាការ

VoIP ជាជម្រើសដ៏ឆ្លាតវៃសម្រាប់បម្រើសេវាកម្មទំនាក់ទំនងតាមប្រព័ន្ធទូរសព្ទ

បើតាមរបាយការណ៍ដដែល ក្រៅពីការបង្ក្រាបជនបរទេសជំរិតទារប្រាក់តាមប្រព័ន្ធ VOIP ក៏បង្ក្រាបបានរកណីជួញដូរគ្រឿងញៀនចំនួន៣១លើកផងដែរ ជាមួយនឹងការចាប់ខ្លួនមនុស្សបាន៥២នាក់។ ក្នុងនោះជនជាតិឡាវមាន១៥នាក់ វៀតណាម១៤នាក់ ថៃ១០នាក់ ចិន៥នាក់ និងកូរ៉េ៣នាក់។

កាលខែវិច្ឆិកា ឆ្នាំ២០១៨ កម្លាំងសមត្ថកិច្ចជាង១០០នាក់ ដែលដឹកនាំដោយឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ រួមទាំងកម្លាំងពាក់ព័ន្ធផ្សេងទៀត បានចុះទៅបង្ក្រាបនិងឃាត់ខ្លួនជនជាតិចិន២៣៥នាក់ (ស្រី៣៦នាក់) ដែលបានប្រព្រឹត្តអំពើចាប់ជំរិតតាមប្រព័ន្ធអ៊ីនធឺណិត នៅទីតាំង៤ផ្សេងគ្នា ក្នុងខេត្តតាកែវ៕