កីឡាអន្តរជាតិ
អន្តរជាតិ
UCL វគ្គ១៦ក្រុមជើងទី២៖ តើDortmund និងAjax អាចយកឈ្នះគូប្រកួតឡើងវគ្គបន្តទេ?
×![]()
ដោយ: ទេព ពិទូរ្យ
Borussia Dortmund នឹងបើកទ្វារកីឡដ្ឋាន Signal Iduna Park ទទួលស្វាគមន៍ Tottenham Hotspur ខណៈ Ajax ត្រូវត្រលប់ទៅកាន់ទឹកដី Bernabeu ដើម្បីតទល់ជាមួយម្ចាស់ការពារតំណែងជើងឯក Real Madrid សម្រាប់ជំនួបជើងទី២ វគ្គ១៦ក្រុមចុងក្រោយ នៃពានរង្វាន់ UEFA Champions League នៅថ្ងៃទី៥ ខែមីនា វេលាម៉ោង ៣:០០នាទីទៀបភ្លឺ [ម៉ោងនៅកម្ពុជា]។
កាលពីជំនួបជើងទី១នៅទឹកដី Wembley ក្រុម Spurs បានយកឈ្នះ Dortmund ដោយលទ្ធផល ៣-០។ ជ័យជម្នះជាមួយគ្រាប់បាល់ស៊ុតបញ្ចូលទីដល់ទៅ៣គ្រាប់នេះបាននាំឲ្យក្រុមពីអង់គ្លេសដែលដឹកនាំដោយលោក Mauricio Pochettino មានភាគរយខ្ពស់ជាងក្រុមពីអាល្លឺម៉ង់ដើម្បីឈានទៅវគ្គបន្ត។
យ៉ាងណាក៏ដោយ អ្វីៗក៏អាចកើតឡើងបានគ្រប់ពេលក្នុងការប្រកួតបាល់ទាត់។ សមាជិកក្រុម Dortmund ទាំងមូលជាពិសេសប្រធានក្រុម Marco Reus នៅតែមានជំនឿចិត្តថា ក្រុមខ្លួនអាចវាយបកយកឈ្នះ Spurs ដើម្បីឡើងទៅកាន់វគ្គ១/៤ផ្តាច់ព្រ័ត្រ បើទោះរបូត៣គ្រាប់ក្នុងការប្រកួតជើងទី១ ក្រៅដីក៏ដោយ។
ដោយមានការជឿជាក់ពីទម្រង់លេងរបស់ក្រុម និងជាម្ចាស់ទឹកដីផងនោះ ខ្សែបម្រើសញ្ជាតិអាល្លឺម៉ង់វ័យ២៩ឆ្នាំរូបនេះ រៀបរាប់ថា៖«យើងធ្លាប់ប្រកួតក្នុងកីឡដ្ឋាននេះច្រើនលើកមកហើយ ហើយទីនេះបានធ្វើឲ្យយើងសាងប្រវត្តិសាស្ត្រជាច្រើន និងសម្រេចបាននូវអ្វីដែលយើងគិតមិនអាចទៅរួច។ យើងមានការជឿជាក់លើខ្លួនឯងបំផុត ហើយយើងនឹងបង្ហាញទម្រង់លេងដ៏អស្ចារ្យនៅយប់នេះ»។
ដោយឡែកជំនួបមួយគូទៀត នៅម៉ោងដំណាលគ្នានេះ គឺក្រុមម្ចាស់ផ្ទះ Real Madrid និង Ajax ដែលជាភ្ញៀវ។ ក្រុមម្ចាស់ការពារតំណែងជើងឯក Real នៅតែជាក្រុមលេចធ្លោក្នុងក្របខណ្ឌកំពូលអឺរ៉ុបរដូវកាលនេះ និងជាក្រុមដែលមានប្រៀបជាងគូប្រកួត ក្នុងការឆ្ពោះទៅកានវគ្គ៨ក្រុមចុងក្រោយ។
មានប្រៀបនោះ ដ្បិតក្រុមយក្សអេស្ប៉ាញមួយនេះអាចរកជ័យជម្នះនៅក្រៅដីលើក្រុមពីហូឡង់ Ajax ក្នុងលទ្ធផល ៣-២ កាលពីជើងទី១។ ដូច្នេះពួកគេមានគ្រាប់បាល់ចំណេញក្រៅដីដល់ទៅ៣គ្រាប់ ដើម្បីជាទុនសម្រាប់ជំនួបជើងទី២ នាកីឡដ្ឋាន Bernabeu យប់នេះ៕
កាលពីជំនួបជើងទី១នៅទឹកដី Wembley ក្រុម Spurs បានយកឈ្នះ Dortmund ដោយលទ្ធផល ៣-០។ ជ័យជម្នះជាមួយគ្រាប់បាល់ស៊ុតបញ្ចូលទីដល់ទៅ៣គ្រាប់នេះបាននាំឲ្យក្រុមពីអង់គ្លេសដែលដឹកនាំដោយលោក Mauricio Pochettino មានភាគរយខ្ពស់ជាងក្រុមពីអាល្លឺម៉ង់ដើម្បីឈានទៅវគ្គបន្ត។
យ៉ាងណាក៏ដោយ អ្វីៗក៏អាចកើតឡើងបានគ្រប់ពេលក្នុងការប្រកួតបាល់ទាត់។ សមាជិកក្រុម Dortmund ទាំងមូលជាពិសេសប្រធានក្រុម Marco Reus នៅតែមានជំនឿចិត្តថា ក្រុមខ្លួនអាចវាយបកយកឈ្នះ Spurs ដើម្បីឡើងទៅកាន់វគ្គ១/៤ផ្តាច់ព្រ័ត្រ បើទោះរបូត៣គ្រាប់ក្នុងការប្រកួតជើងទី១ ក្រៅដីក៏ដោយ។
ដោយមានការជឿជាក់ពីទម្រង់លេងរបស់ក្រុម និងជាម្ចាស់ទឹកដីផងនោះ ខ្សែបម្រើសញ្ជាតិអាល្លឺម៉ង់វ័យ២៩ឆ្នាំរូបនេះ រៀបរាប់ថា៖«យើងធ្លាប់ប្រកួតក្នុងកីឡដ្ឋាននេះច្រើនលើកមកហើយ ហើយទីនេះបានធ្វើឲ្យយើងសាងប្រវត្តិសាស្ត្រជាច្រើន និងសម្រេចបាននូវអ្វីដែលយើងគិតមិនអាចទៅរួច។ យើងមានការជឿជាក់លើខ្លួនឯងបំផុត ហើយយើងនឹងបង្ហាញទម្រង់លេងដ៏អស្ចារ្យនៅយប់នេះ»។
ដោយឡែកជំនួបមួយគូទៀត នៅម៉ោងដំណាលគ្នានេះ គឺក្រុមម្ចាស់ផ្ទះ Real Madrid និង Ajax ដែលជាភ្ញៀវ។ ក្រុមម្ចាស់ការពារតំណែងជើងឯក Real នៅតែជាក្រុមលេចធ្លោក្នុងក្របខណ្ឌកំពូលអឺរ៉ុបរដូវកាលនេះ និងជាក្រុមដែលមានប្រៀបជាងគូប្រកួត ក្នុងការឆ្ពោះទៅកានវគ្គ៨ក្រុមចុងក្រោយ។
មានប្រៀបនោះ ដ្បិតក្រុមយក្សអេស្ប៉ាញមួយនេះអាចរកជ័យជម្នះនៅក្រៅដីលើក្រុមពីហូឡង់ Ajax ក្នុងលទ្ធផល ៣-២ កាលពីជើងទី១។ ដូច្នេះពួកគេមានគ្រាប់បាល់ចំណេញក្រៅដីដល់ទៅ៣គ្រាប់ ដើម្បីជាទុនសម្រាប់ជំនួបជើងទី២ នាកីឡដ្ឋាន Bernabeu យប់នេះ៕
Tag:
បាល់ទាត់
UEFA Champions League
© រក្សាសិទ្ធិដោយ thmeythmey.com
