ព័ត៍មានសុខភាព
អន្តរជាតិ
×![]()
ក្រុមវេជ្ជបណ្ឌិត និងអ្នកស្រាវជ្រាវធ្លាប់បានព្រមានអំពីកំណើនខ្ពស់នៅក្នុងពិភពលោកនៃអត្រាស្ត្រីសម្រាលកូនដោយវិធីវះកាត់ (Caesarean-section)។ ក្នុងចំណោមប្រទេសដែលមានអត្រាខ្ពស់នៃស្ត្រីសម្រាលកូនដោយវិធីវះកាត់នោះ មានតែប្រទេសចិនមួយទេដែលជោគជ័យក្នុងការកាត់បន្ថយអត្រានេះ។ ទន្ទឹមនឹងជោគជ័យនេះ វាក៏មានបញ្ហាដែរ។
កាលពីជិត១០ឆ្នាំមុន ប្រទេសចិនត្រូវបានអង្គការសុខភាពពិភពលោករិះគន់ថាជាប្រទេសមួយដែលមានស្ត្រីសម្រាលកូនដោយវិធីវះកាត់ (C-section) ច្រើនក្នុងពិភពលោក។ ប៉ុន្តែពេលនេះ អ្វីៗបានផ្លាស់ប្តូរ ហើយ។ ផ្លាស់ប្តូរយ៉ាងលឿនទៀតផង។
ក្រុមវេជ្ជបណ្ឌិត និងអ្នកជំនាញបានពន្យល់ថា ការបដិសេធការសម្រាលកូនដោយវិធីវះកាត់ គឺដើម្បីសុខភាពម្តាយ និងទារក។ ផ្ទុយទៅវិញ ការវះកាត់ គឺគ្រាន់តែជាវិធីមួយដែលគ្រូពេទ្យត្រូវប្រើ ដើម្បីជួយសង្គ្រោះម្តាយ ឬទារក ក្នុងករណីចាំបាច់ ទៅតាមវិធានវេជ្ជសាស្ត្រប៉ុណ្ណោះ។
សារព័ត៌មាន BBC បានចុះផ្សាយអត្ថបទមួយដោយស្រង់ប្រសាសន៍របស់វេជ្ជបណ្ឌិត ស៊ូសាន ហេលឡឺសស្តាញ (Susan Sellerstein) ដែលជាសាស្ត្រាចារ្យនៃសកលវិទ្យាល័យ Harvard និងជា សហនិពន្ធរបាយការណ៍ស្រាវជ្រាវជាមួយសកលវិទ្យាល័យអ្នកស្រាវជ្រាវក្រុងប៉េកាំង ដែលរកឃើញថា ប្រទេសចិនបានចាត់វិធានការតឹងតែងចំពោះការកាត់បន្ថយការសម្រាលកូនដោយវះកាត់។
មូលហេតុខ្លះនៃការថយចុះនេះ គឺដោយសារតែរដ្ឋាភិបាលបានយកចិត្តទុកខ្លាំងទៅលើផ្នែកសម្ភព និងកើនឡើងនៃការយល់ដឹងរបស់ប្រជាជនថ្នាក់កណ្តាល នៅក្នុងទីប្រជុំជនក្រុងរបស់ប្រទេសចិន។ ប៉ុន្តែ តាមពិតមូលហេតុចម្បងនោះ គឺការបង្កើតឲ្យមានការដាក់ទោស ដែលធ្វើឲ្យស្ត្រីមានផ្ទៃពោះ គ្មានជម្រើសច្រើនឡើយ។
កត្តាជំរុញដ៏សំខាន់មួយដែលនាំឲ្យវិធានការកាត់បន្ថយវិធីសម្រាលកូនដោយវះកាត់មានប្រសិទ្ធភាព គឺអំណាចរបស់រដ្ឋាភិបាល ដែលបានដាក់ចេញផងដែរនូវការបណ្តុះបណ្តាលវគ្គបំបៅកូន និងការបង្រៀនអំពីការសម្រាលដោយធម្មជាតិ។ ក្នុងន័យនេះ ចំនួនឆ្មបក៏ត្រូវបានបង្កើនផងដែរ៕
កាលពីជិត១០ឆ្នាំមុន ប្រទេសចិនត្រូវបានអង្គការសុខភាពពិភពលោករិះគន់ថាជាប្រទេសមួយដែលមានស្ត្រីសម្រាលកូនដោយវិធីវះកាត់ (C-section) ច្រើនក្នុងពិភពលោក។ ប៉ុន្តែពេលនេះ អ្វីៗបានផ្លាស់ប្តូរ ហើយ។ ផ្លាស់ប្តូរយ៉ាងលឿនទៀតផង។
ក្រុមវេជ្ជបណ្ឌិត និងអ្នកជំនាញបានពន្យល់ថា ការបដិសេធការសម្រាលកូនដោយវិធីវះកាត់ គឺដើម្បីសុខភាពម្តាយ និងទារក។ ផ្ទុយទៅវិញ ការវះកាត់ គឺគ្រាន់តែជាវិធីមួយដែលគ្រូពេទ្យត្រូវប្រើ ដើម្បីជួយសង្គ្រោះម្តាយ ឬទារក ក្នុងករណីចាំបាច់ ទៅតាមវិធានវេជ្ជសាស្ត្រប៉ុណ្ណោះ។
សារព័ត៌មាន BBC បានចុះផ្សាយអត្ថបទមួយដោយស្រង់ប្រសាសន៍របស់វេជ្ជបណ្ឌិត ស៊ូសាន ហេលឡឺសស្តាញ (Susan Sellerstein) ដែលជាសាស្ត្រាចារ្យនៃសកលវិទ្យាល័យ Harvard និងជា សហនិពន្ធរបាយការណ៍ស្រាវជ្រាវជាមួយសកលវិទ្យាល័យអ្នកស្រាវជ្រាវក្រុងប៉េកាំង ដែលរកឃើញថា ប្រទេសចិនបានចាត់វិធានការតឹងតែងចំពោះការកាត់បន្ថយការសម្រាលកូនដោយវះកាត់។
មូលហេតុខ្លះនៃការថយចុះនេះ គឺដោយសារតែរដ្ឋាភិបាលបានយកចិត្តទុកខ្លាំងទៅលើផ្នែកសម្ភព និងកើនឡើងនៃការយល់ដឹងរបស់ប្រជាជនថ្នាក់កណ្តាល នៅក្នុងទីប្រជុំជនក្រុងរបស់ប្រទេសចិន។ ប៉ុន្តែ តាមពិតមូលហេតុចម្បងនោះ គឺការបង្កើតឲ្យមានការដាក់ទោស ដែលធ្វើឲ្យស្ត្រីមានផ្ទៃពោះ គ្មានជម្រើសច្រើនឡើយ។
កត្តាជំរុញដ៏សំខាន់មួយដែលនាំឲ្យវិធានការកាត់បន្ថយវិធីសម្រាលកូនដោយវះកាត់មានប្រសិទ្ធភាព គឺអំណាចរបស់រដ្ឋាភិបាល ដែលបានដាក់ចេញផងដែរនូវការបណ្តុះបណ្តាលវគ្គបំបៅកូន និងការបង្រៀនអំពីការសម្រាលដោយធម្មជាតិ។ ក្នុងន័យនេះ ចំនួនឆ្មបក៏ត្រូវបានបង្កើនផងដែរ៕
Tag:
សុខភាព
C-section
ចិន
© រក្សាសិទ្ធិដោយ thmeythmey.com
