ជាតិ
លោកស្រី កាង ឃ្យុងវ៉ា ប្រមុខការទូតនៃសាធារណកូរ៉េថ្លែងសារបិទកម្មវិធីព្រឹត្តិការណ៍រថភ្លើងអាស៊ានកូរ៉េនាល្ងាចថ្ងៃទី១៨ខែតុលាឆ្នាំ២០១៩
×![]()
សាធារណរដ្ឋកូរ៉េផ្តល់តម្លៃខ្លាំងដល់សន្តិភាព និងវិបុលភាពរួមគ្នារវាងអាស៊ាន និងសាធារណរដ្ឋកូរ៉េ។ ក្នុងន័យនេះ ចែករំលែកនូវការអភិវឌ្ឍធនធានមនុស្ស គឺជាមូលដ្ឋានគ្រឺះនៃការកសាងការរីកចម្រើននៃតំបន់ទាំងពីរ។ ហេតុដូច្នេះហើយសាធារណកូរ៉េនឹងនឹងបង្កើនអាហារូបករណ៍បន្ថែមដល់បណ្តាប្រទេសអាស៊ាន នេះជាការប្រកាសរបស់រដ្ឋមន្ត្រីការបទេសនៃសាធារណរដ្ឋកូរ៉េ លោកស្រី កាង ឃ្យុងវ៉ា (Kang Kyung-wha)។
«ខ្ញុំជឿជាក់ថា កំណើននៃការផ្លាស់ប្តូរប្រជាជន (people to people exchanges) គឺជាកត្តាគន្លឹះនៃការរីកចម្រើននៃភាពជាដៃគូអាស៊ាន-កូរ៉េ ហើយយើងចង់ធ្វើអ្វីច្រើនជាងនេះទៀត។ ហេតុដូចនេះហើយ សាធារណរដ្ឋកូរ៉េ មានគម្រោងបន្ថែមចំនួនអាហារូបករណ៍លើសពី២ដងដល់និស្សិតក្នុងបណ្តាប្រទេសអាស៊ាន ដោយបង្កើនពីចំនួនបច្ចុប្បន្ន២៨០កន្លែង ទៅដល់៧០០កន្លែងនៅឆ្នាំ២០២២។»។ នេះជាសេចក្តីថ្លែងរបស់លោកស្រីប្រមុខការទូតសាធារណរដ្ឋកូរ៉េ កាង ឃ្យុងវ៉ា ក្នុងឱកាសបិទព្រឹត្តិការណ៍រថភ្លើងអាស៊ានកូរ៉េនានាល្ងាចថ្ងៃទី១៨ខែតុលាក្នុងទីក្រុងសេអ៊ូល។
ការសម្រេចបង្កើនអាហារូបករណ៍ដល់និស្សិតអាស៊ាន គួរតែបានកើតចេញពីការយល់ឃើញពីតម្លៃនៃធនធានមនុស្សដែលជាស្នូលនៃការរីកចម្រើន។ ម្យ៉ាងទៀតការបង្កើនចំណងទាក់ទងរវាងប្រជាជននិងប្រជាជន ក៏ជាមូលដ្ឋានគ្រឹះមួយនៃនយោបាយថ្មីឆ្ពោះទៅទិសខាងត្បូង (New Southern Policy) របស់លោកប្រធានាធិបតី មូន ចេអ៊ីន (Moon Jae-In) ដែលបានប្រកាសចេញនៅឆ្នាំ២០១៧ ដើម្បីពង្រឹងភាពជាដៃគូជាមួយអាស៊ាន និងឥណ្ឌា។ មូលដ្ឋានស្នូលនៃនយោបាយថ្មីឆ្ពោះទៅទិសខាងត្បូងនេះមានបីចំណុចសំខាន់គឺ៖ មនុស្ស វិបុលភាព និងសន្តិភាព ដែលហៅកាត់ជាភាសាអង់គ្លេសថា 3Ps: People, Prosperity and Peace)។
បើតាមការបញ្ជាក់របស់លោកស្រីប្រមុខការទូតកូរ៉េខាងត្បូងនៅចំពោះមុខគណប្រតិភូអាស៊ាន លោកប្រធានាធិបតី មូន ចេអ៊ីន បានបញ្ចប់ដំណើរទស្សនកិច្ចផ្លូវការនៅក្នុងប្រទេសអាស៊ានទាំង១០កាលពីខែកញ្ញាមុន ហើយថាគ្រប់ទស្សនកិច្ចទាំង១០នោះ សុទ្ធតែត្រូវបានផ្តោតការយកចិត្តទុកដាក់ទៅលើការពង្រឹងចំណងទាក់ទងរវាងប្រជាជននិងប្រជាជន។
លោកស្រី កាង ឃ្យុងវ៉ា បានអះអាងឱ្យដឹងយ៉ាងដូច្នេះ៖«រយៈពេល២ឆ្នាំចុងក្រោយនេះ យើងបានឃើញការរីកចម្រើនជាក់ស្តែង។ នៅក្នុងឆ្នាំ២០១៨ ចំនួនប្រជាជនដែលបានធ្វើដំណើរទៅវិញទៅមកនៃតំបន់ទាំងពីរ (អាស៊ាន-កូរ៉េ) បានកើនលើសពី១១លាននាក់។ លើសពីនេះ អាស៊ានគឺជាដៃគូពាណិជ្ជកម្មធំជាងគេទីពីររបស់កូរ៉េ ដោយមានទំហំផ្លាស់ប្តូរពាណិជ្ជកម្មមានតម្លៃរហូតដល់១៦០ប៊ីលានដុល្លារ»។
«ខ្ញុំជឿជាក់ថា កំណើននៃការផ្លាស់ប្តូរប្រជាជន (people to people exchanges) គឺជាកត្តាគន្លឹះនៃការរីកចម្រើននៃភាពជាដៃគូអាស៊ាន-កូរ៉េ ហើយយើងចង់ធ្វើអ្វីច្រើនជាងនេះទៀត។ ហេតុដូចនេះហើយ សាធារណរដ្ឋកូរ៉េ មានគម្រោងបន្ថែមចំនួនអាហារូបករណ៍លើសពី២ដងដល់និស្សិតក្នុងបណ្តាប្រទេសអាស៊ាន ដោយបង្កើនពីចំនួនបច្ចុប្បន្ន២៨០កន្លែង ទៅដល់៧០០កន្លែងនៅឆ្នាំ២០២២។»។ នេះជាសេចក្តីថ្លែងរបស់លោកស្រីប្រមុខការទូតសាធារណរដ្ឋកូរ៉េ កាង ឃ្យុងវ៉ា ក្នុងឱកាសបិទព្រឹត្តិការណ៍រថភ្លើងអាស៊ានកូរ៉េនានាល្ងាចថ្ងៃទី១៨ខែតុលាក្នុងទីក្រុងសេអ៊ូល។
ការសម្រេចបង្កើនអាហារូបករណ៍ដល់និស្សិតអាស៊ាន គួរតែបានកើតចេញពីការយល់ឃើញពីតម្លៃនៃធនធានមនុស្សដែលជាស្នូលនៃការរីកចម្រើន។ ម្យ៉ាងទៀតការបង្កើនចំណងទាក់ទងរវាងប្រជាជននិងប្រជាជន ក៏ជាមូលដ្ឋានគ្រឹះមួយនៃនយោបាយថ្មីឆ្ពោះទៅទិសខាងត្បូង (New Southern Policy) របស់លោកប្រធានាធិបតី មូន ចេអ៊ីន (Moon Jae-In) ដែលបានប្រកាសចេញនៅឆ្នាំ២០១៧ ដើម្បីពង្រឹងភាពជាដៃគូជាមួយអាស៊ាន និងឥណ្ឌា។ មូលដ្ឋានស្នូលនៃនយោបាយថ្មីឆ្ពោះទៅទិសខាងត្បូងនេះមានបីចំណុចសំខាន់គឺ៖ មនុស្ស វិបុលភាព និងសន្តិភាព ដែលហៅកាត់ជាភាសាអង់គ្លេសថា 3Ps: People, Prosperity and Peace)។
បើតាមការបញ្ជាក់របស់លោកស្រីប្រមុខការទូតកូរ៉េខាងត្បូងនៅចំពោះមុខគណប្រតិភូអាស៊ាន លោកប្រធានាធិបតី មូន ចេអ៊ីន បានបញ្ចប់ដំណើរទស្សនកិច្ចផ្លូវការនៅក្នុងប្រទេសអាស៊ានទាំង១០កាលពីខែកញ្ញាមុន ហើយថាគ្រប់ទស្សនកិច្ចទាំង១០នោះ សុទ្ធតែត្រូវបានផ្តោតការយកចិត្តទុកដាក់ទៅលើការពង្រឹងចំណងទាក់ទងរវាងប្រជាជននិងប្រជាជន។
លោកស្រី កាង ឃ្យុងវ៉ា បានអះអាងឱ្យដឹងយ៉ាងដូច្នេះ៖«រយៈពេល២ឆ្នាំចុងក្រោយនេះ យើងបានឃើញការរីកចម្រើនជាក់ស្តែង។ នៅក្នុងឆ្នាំ២០១៨ ចំនួនប្រជាជនដែលបានធ្វើដំណើរទៅវិញទៅមកនៃតំបន់ទាំងពីរ (អាស៊ាន-កូរ៉េ) បានកើនលើសពី១១លាននាក់។ លើសពីនេះ អាស៊ានគឺជាដៃគូពាណិជ្ជកម្មធំជាងគេទីពីររបស់កូរ៉េ ដោយមានទំហំផ្លាស់ប្តូរពាណិជ្ជកម្មមានតម្លៃរហូតដល់១៦០ប៊ីលានដុល្លារ»។
Tag:
អាស៊ានកូរ៉េ
© រក្សាសិទ្ធិដោយ thmeythmey.com
