រដ្ឋាភិបាល បន្ធូរវិធានការ៖ ពលរដ្ឋ អាចទៅមករវាងភ្នំពេញនិងខេត្តកណ្តាល និង អាចធ្វើដំណើរឆ្លងស្រុកបាន

COVID-19

ជាតិ

សង្គមជាតិ

រដ្ឋាភិបាល បន្ធូរវិធានការ៖ ពលរដ្ឋ អាចទៅមករវាងភ្នំពេញនិងខេត្តកណ្តាល និង អាចធ្វើដំណើរឆ្លងស្រុកបាន

10, Apr 2020 , 11:59 am

រូបភាព

ដោយ: សារព័ត៌មានថ្មីៗ

សម្តេចនាយករដ្ឋមន្រ្តី ហ៊ុន សែន បានចេញសេចក្តីសម្រេចថ្មីមួយ នៅថ្ងៃទី១០ ខែមេសា ឆ្នាំ២០២០ ស្តីពីការសម្រួលការដាក់កំហិតលើការធ្វើដំណើរ។

យោងតាមសេចក្តីសម្រេចថ្មី ប្រជាពលរដ្ឋ អាចធ្វើដំណើរចេញចូលរាជធានីភ្នំពេញនិងខេត្តកណ្តាល និង អាចធ្វើដំណើរឆ្លងកាត់ពីស្រុកមួយ ទៅស្រុកមួយទៀត (ស្ថិតក្នុងខេត្តតែមួយ)។ តែចំពោះការធ្វើដំណើរចេញខេត្តដទៃក្រៅពីខេត្តកណ្តាល ចូលមករាជធានីភ្នំពេញ ឬចេញពីរាជធានីភ្នំពេញ ចូលទៅខេត្តដទៃក្រៅពីខេត្តកណ្តាល នៅតែហាមឃាត់ដដែល។ ម្យ៉ាងទៀត ការធ្វើដំណើរពីខេត្តមួយ ទៅខេត្តមួយទៀត ក៏នៅតែហាមឃាត់ដែរ។

បទបញ្ជាលើកទី១ ដែលប្រមុខរដ្ឋាភិបាល ចេញនៅថ្ងៃទី៩ ខែមេសាម្សិលមិញ គឺហាមមិនឲ្យធ្វើដំណើរចេញចូលរវាងរាជធានីភ្នំពេញ និងគ្រប់បណ្តាខេត្ត រួមទាំងខេត្តកណ្តាលផងដែរ ហាមមិនឲ្យធ្វើដំណើរឆ្លងកាត់ពីខេត្តមួយ ទៅខេត្តមួយទៀត និងហាមមិនឲ្យធ្វើដំណើរពីស្រុកមួយ ទៅស្រុកមួយទៀត។ ចំពោះការដឹកជញ្ជូនទំនិញ មិនត្រូវបានហាមឃាត់ឡើយ។ បទបញ្ជាលើកទី១និងលើកទី២ របស់ប្រមុខរដ្ឋាភិបាល គឺអនុវត្តចាប់ពីថ្ងៃទី៩ ដល់ថ្ងៃទី១៦ ខែមេសា ឆ្នាំ២០២០៕

អត្ថបទទាក់ទង

រដ្ឋាភិបាលដាក់កំហិតលើការធ្វើដំណើរពីយប់ថ្ងៃទី៩ ដល់យប់ថ្ងៃទី១៦ ខែមេសា