COVID-19
ជាតិ
សម្តេច ហ៊ុន សែន ឲ្យអាជ្ញាធរខេត្តជាប់ព្រំដែនពិភាក្សាជាមួយភាគីថៃ ដើម្បីបើកតែច្រកអូរស្មាច់ ដូង និងប៉ោយប៉ែត
×![]()
ដោយ: សារព័ត៌មានថ្មីៗ
សម្តេច ហ៊ុន សែន នាយករដ្ឋមន្ត្រីកម្ពុជា បានប្រាប់ឲ្យថ្នាក់ដឹកនាំខេត្តជាប់ព្រំដែន ពិភាក្សាជាមួយភាគីថៃ ដើម្បីកំណត់បើកតែច្រកព្រំដែនតែ៣ប៉ុណ្ណោះ គឺច្រកអូរស្មាច់ ដូង និងច្រកប៉ោយប៉ែត ដើម្បីងាយស្រួលគ្រប់គ្រងដំណើចេញចូលរបស់ពលរដ្ឋ។ ការអំពាវនាវនេះ ធ្វើឡើងនៅក្នុងសារពិសេសមួយ នាព្រលប់ថ្ងៃទី២០ ធ្នូនេះ ពោលគឺបន្ទាប់ពីប្រទេសថៃកំពុងផ្ទុះរាលដាលករណីឆ្លងកូវីដ-១៩ ជាង៥០០ករណី។
នៅក្នុងសារពិសេសនោះ សម្តេច ហ៊ុន សែន មានប្រសាសន៍ដូច្នេះ៖ «យើងគប្បីធ្វើតាមបទពិសោធន៍ដែលយើងមាននៅក្នុងខែមេសា(ចូលឆ្នាំ) បំព្រួញច្រកនៅតាមព្រំដែន ឲ្យមកនៅត្រឹមតែ៣ច្រក ដោយមានការឯកភាពពីខេត្តសាមី ជាមួយនឹងកងទ័ព និងនគរបាលព្រំដែន ពិសេសនគរបាលអន្តោរប្រវេសន៍តែម្តង ដើម្បីងាយស្រួលក្នុងការគ្រប់គ្រង និងដឹកជញ្ជូនមនុស្ស»។
ក្រៅពីកំណត់ច្រកព្រំដែន នៅក្នុងកាលៈទេសៈនេះ ប្រមុខរដ្ឋាភិបាល ក៏បានបញ្ជាឲ្យអាជ្ញាធរខេត្ត និងអ្នកពាក់ព័ន្ធ រៀបចំឲ្យមានការធ្វើចត្តាឡីស័ក នៅតាមព្រំដែនតែម្តង ដើម្បីចៀសវាងហានិភ័យណាមួយ។ សម្តេច ហ៊ុន សែន ក៏ប្រាប់ឲ្យអគ្គបញ្ជាការកងទ័ព ត្រៀមកម្លាំង និងរថយន្តជាច្រើនគ្រឿង ដើម្បីរង់ចាំដឹកជញ្ជូនពលរដ្ឋ ទៅកាន់តែមណ្ឌលចត្តាឡីស័កនានា ក្នុងករណីមណ្ឌលចត្តាឡីស័ក នៅតាមព្រំដែនកកស្ទះផងដែរ។
ជាមួយគ្នានេះ សម្តេច នាយករដ្ឋមន្ត្រី ក៏អំពាវនាវទៅដល់ពលរដ្ឋខ្មែរ ពិសេសកម្មករខ្មែរ ដែលមានគម្រោងធ្វើដំណើរទៅមកប្រទេសថៃ ឲ្យពន្យារការធ្វើដំណើររបស់ខ្លួនសិន។ នៅក្នុងសារពិសេសនេះ សម្តេចនាយករដ្ឋមន្ត្រី ក៏បានលើកទឹកចិត្តឲ្យពលរដ្ឋខ្មែរបន្តស្នាក់នៅ និងធ្វើការនៅក្នុងប្រទេសថៃតាមធម្មតា ហើយត្រូវឲ្យជឿទុកចិត្ត លើការគ្រប់គ្រងរបស់អាជ្ញាធរថៃផងដែរ។ ប្រមុខរដ្ឋាភិបាល លើកឡើងដូច្នេះ៖«ការអំពាវនាវរបស់ខ្ញុំ ទៅកាន់បងប្អូនកម្មករ កម្មការិនីដែលកំពុងនៅប្រទេសផង ចំពោះឪពុកម្តាយ និងក្រុមគ្រួសារនៃកម្មករផង និងអ្នកដែលកំពុងត្រៀមខ្លួនចូលប្រទេសថៃសូមផ្អាកទាំងខុសច្បាប់ ទាំងត្រូវច្បាប់ ក៏សូមផ្អាក នៅក្នុងកាលៈទេសៈបែបនេះ»។
សូមបញ្ជាក់ថា ថៃ ជា ផ្ទុះការរាលដាលជំងឺកូវីដ-១៩ជាង៥០០ករណី នៅក្នុងខេត្តសាមុត សាខន របស់ថៃ ដែលស្ថិតនៅចម្ងាយប្រមាណ៣០០គីឡូម៉ែត្រ ពីប្រទេសកម្ពុ កាលពីថ្ងៃទី១៩ ធ្នូ។ ក្រោយករណីនេះ ក្រសួងសុខាភិបាលកម្ពុជា បានណែនាំឲ្យបណ្តាខេត្ត នៅតាមបណ្តោយព្រំដែនប្រទេសថៃបង្កើនការប្រុងប្រយ័ត្នខ្ពស់ ក្នុងការត្រួតពិនិត្យរាល់អ្នកដំណើរដែលចូលមកកម្ពុជា ដោយត្រូវឆែកសុខភាព ឲ្យបានម៉ត់ចត់ជាទីបំផុត ពិសេសត្រូវវាស់កម្តៅ និងបំពេញទម្រង់ប្រកាសសុខភាពអ្នកដំណើរ។
រាល់អ្នកដំណើរចូលមកកម្ពុជា ត្រូវដាក់ឲ្យធ្វើចត្តាឡីស័កចំនួន ១៤ថ្ងៃ ជាចាំបាច់ និងត្រូវរៀបចំកន្លែងមានគម្លាតសុវត្ថិភាព ពីបុគ្គលម្នាក់ទៅម្នាក់ នៅកន្លែងវាស់កម្តៅ កន្លែងបំពេញបែបបទចូលកម្ពុជា ឬកន្លែងរង់ចាំយកវត្ថុសំណាកផងដែរ៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
