អន្តរជាតិ
នយោបាយអន្តរជាតិ
រូបថត AFP
×![]()
ដោយ: តន ចាន់រិទ្ធារ៉ា
ទីបំផុតទៅ ចក្រភពអង់គ្លេស និងសហភាពអឺរ៉ុបបានលែងលះគ្នាដាច់ស្រេចហើយនៅម៉ោង២៣យប់ (ម៉ោងនៅអង់គ្លេស) ថ្ងៃទី៣១ ខែធ្នូ ឆ្នាំ២០២០។ អង់គ្លេស នឹងចាប់ផ្ដើមសករាជថ្មីជាមួយគោលនយោបាយឯករាជ្យទាំងសេដ្ឋកិច្ច នយោបាយ ពាណិជ្ជកម្ម និងការទូត ហើយលែងដើរតាមគោលការណ៍អឺរ៉ុបដូចមុន។ ដំណើរការរាំងស្ទះមួយចំនួន នឹងមាននៅរយៈពេលដំបូងនេះ។
នៅពេលទ្រនិចនាឡិកា Big Ben ក្នុងទីក្រុងឡុងដ៍វិលដល់ម៉ោង១១ យប់ វាជាសញ្ញាបង្ហាញថា ចក្រភពអង់គ្លេស លែងលះដាច់ស្រេចនឹងសហភាពអឺរ៉ុប បួនឆ្នាំកន្លះក្រោយការធ្វើប្រជាមតិមក។ ជាងបួនឆ្នាំមកនេះ ពាក្យ Brexit ជាប្រធានបទធំជាងគេក្នុងទំនាក់ទំនងរវាងភាគីទាំងពីរ រហូតដល់ការចាកចេញនៅដើមឆ្នាំ២០២០។ ប៉ុន្តែភាគីទាំងពីរ បន្តរក្សាទំនាក់ទំនងដូច៤៧ឆ្នាំមុនសិន ដើម្បីចរចារឿងពាណិជ្ជកម្ម ដែលទើបសម្រេចបានបីបួនថ្ងៃមុន។
អង់គ្លេសក្លាយជាសមាជិកសហភាពអឺរ៉ុបផ្លូវការនៅឆ្នាំ១៩៧៣ ។ ប៉ុន្តែចាប់ពីថ្ងៃទី១ ខែមករា ឆ្នាំ២០២១ អង់គ្លេសនឹងលែងជាសមាជិកទីផ្សារតែមួយរបស់អឺរ៉ុប និងសហភាពពន្ធគយរួមទៀតហើយ។ បញ្ញត្តិទាំងឡាយរបស់អឺរ៉ុប នឹងលែងមានប្រសិទ្ធភាពលើអង់គ្លេសទៀតហើយ ហើយក៏ជាបញ្ចប់ការធ្វើដំណើរដោយសេរីរវាងអង់គ្លេស និងប្រទេសសមាជិកសហភាពអឺរ៉ុប២៧ទៀតដែលមានមនុស្សជាង៥០០លាននាក់។
នាយករដ្ឋមន្រ្តីអង់គ្លេស បូរីស ចនសុន ដែលគាំទ្រការចាកចេញតាំងពីដើម បានអបអរព្រឹត្តិការណ៍នេះ។ លោកសន្យាថា អង់គ្លេសក្រោយការចាកចេញពីអឺរ៉ុប នឹងជាប្រទេសដែលបើកចំហ ចិត្តទូលាយ អនុវត្តពាណិជ្ជកម្មសេរី និងសម្លឹងទៅក្រៅ។
«យើងមានសេរីភាពក្នុងដៃ ហើយវាអាស្រ័យលើយើងដើម្បីប្រើប្រាស់វាឲ្យអស់លទ្ធភាព។» លោក ចនសុន និយាយបែបនេះ។ ប៉ុន្តែរឿងដែលគួរឲ្យចាប់អារម្មណ៍នោះ ឪពុកលោក ចនសុន គឺលោក ស្ទេនលី ចនសុន បានដាក់ពាក្យសុំសញ្ជាតិបារាំង ខណៈពលរដ្ឋអង់គ្លេសលែងអាចចេញចូលដោយសេរីក្នុងចំណោមប្រទេសអឺរ៉ុបឯទៀត។
ប្រធានាធិបតីបារាំង អេម៉ានុយអែល ម៉ាក្រុង និយាយថា អង់គ្លេសនៅតែជាមិត្ត និងសម្ពន្ធមិត្តរបស់អឺរ៉ុបដដែល។ ប៉ុន្តែលោកប្រធានាធិបតីឆ្លៀតបរិហារ Brexit ថា ជាលទ្ធផលនៃការសន្យាកុហក និងមិនត្រឹមត្រូវ។ ប្រធានក្រុមចរចារបស់អឺរ៉ុបលោក Michel Barnier លើកឡើងថា នេះជាការលែងលះ ដែលមិនជារឿងត្រូវសាទរឡើយ៕
នៅពេលទ្រនិចនាឡិកា Big Ben ក្នុងទីក្រុងឡុងដ៍វិលដល់ម៉ោង១១ យប់ វាជាសញ្ញាបង្ហាញថា ចក្រភពអង់គ្លេស លែងលះដាច់ស្រេចនឹងសហភាពអឺរ៉ុប បួនឆ្នាំកន្លះក្រោយការធ្វើប្រជាមតិមក។ ជាងបួនឆ្នាំមកនេះ ពាក្យ Brexit ជាប្រធានបទធំជាងគេក្នុងទំនាក់ទំនងរវាងភាគីទាំងពីរ រហូតដល់ការចាកចេញនៅដើមឆ្នាំ២០២០។ ប៉ុន្តែភាគីទាំងពីរ បន្តរក្សាទំនាក់ទំនងដូច៤៧ឆ្នាំមុនសិន ដើម្បីចរចារឿងពាណិជ្ជកម្ម ដែលទើបសម្រេចបានបីបួនថ្ងៃមុន។
អង់គ្លេសក្លាយជាសមាជិកសហភាពអឺរ៉ុបផ្លូវការនៅឆ្នាំ១៩៧៣ ។ ប៉ុន្តែចាប់ពីថ្ងៃទី១ ខែមករា ឆ្នាំ២០២១ អង់គ្លេសនឹងលែងជាសមាជិកទីផ្សារតែមួយរបស់អឺរ៉ុប និងសហភាពពន្ធគយរួមទៀតហើយ។ បញ្ញត្តិទាំងឡាយរបស់អឺរ៉ុប នឹងលែងមានប្រសិទ្ធភាពលើអង់គ្លេសទៀតហើយ ហើយក៏ជាបញ្ចប់ការធ្វើដំណើរដោយសេរីរវាងអង់គ្លេស និងប្រទេសសមាជិកសហភាពអឺរ៉ុប២៧ទៀតដែលមានមនុស្សជាង៥០០លាននាក់។
នាយករដ្ឋមន្រ្តីអង់គ្លេស បូរីស ចនសុន ដែលគាំទ្រការចាកចេញតាំងពីដើម បានអបអរព្រឹត្តិការណ៍នេះ។ លោកសន្យាថា អង់គ្លេសក្រោយការចាកចេញពីអឺរ៉ុប នឹងជាប្រទេសដែលបើកចំហ ចិត្តទូលាយ អនុវត្តពាណិជ្ជកម្មសេរី និងសម្លឹងទៅក្រៅ។
«យើងមានសេរីភាពក្នុងដៃ ហើយវាអាស្រ័យលើយើងដើម្បីប្រើប្រាស់វាឲ្យអស់លទ្ធភាព។» លោក ចនសុន និយាយបែបនេះ។ ប៉ុន្តែរឿងដែលគួរឲ្យចាប់អារម្មណ៍នោះ ឪពុកលោក ចនសុន គឺលោក ស្ទេនលី ចនសុន បានដាក់ពាក្យសុំសញ្ជាតិបារាំង ខណៈពលរដ្ឋអង់គ្លេសលែងអាចចេញចូលដោយសេរីក្នុងចំណោមប្រទេសអឺរ៉ុបឯទៀត។
ប្រធានាធិបតីបារាំង អេម៉ានុយអែល ម៉ាក្រុង និយាយថា អង់គ្លេសនៅតែជាមិត្ត និងសម្ពន្ធមិត្តរបស់អឺរ៉ុបដដែល។ ប៉ុន្តែលោកប្រធានាធិបតីឆ្លៀតបរិហារ Brexit ថា ជាលទ្ធផលនៃការសន្យាកុហក និងមិនត្រឹមត្រូវ។ ប្រធានក្រុមចរចារបស់អឺរ៉ុបលោក Michel Barnier លើកឡើងថា នេះជាការលែងលះ ដែលមិនជារឿងត្រូវសាទរឡើយ៕
Tag:
អង់គ្លេស
Brexit
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
6 ថ្ងៃ
