ជាតិ
នយោបាយជាតិ
អ្នកគាំទ្រនៅក្រៅប្រទេស ធ្វើពិធីបួងសួងសុំឲ្យលែងលោក កឹម សុខា ក្នុងថ្ងៃខួបកំណើតរបស់លោក
រូបពីហ្វេសបុក Kim Sokha
×![]()
ដោយ: ថ្មីៗ
ថ្ងៃទី២៧ មិថុនានេះ ជាខួបកំណើតរបស់លោក កឹម សុខា អតីតប្រធានគណបក្សសង្គ្រោះជាតិ ដែលកំពុងជាប់ឃុំក្នុងពន្ធនាគារ។ វ័យរបស់លោក ឈានចូល៦៦ឆ្នាំហើយ ក្នុងឆ្នាំ២០១៨នេះ។
ក្នុងថ្ងៃខួបកំណើត អ្នកគាំទ្រមួយចំនួននៅសហរដ្ឋអាមេរិក បាននាំគ្នាធ្វើពិធីបួងសួង ដោយអុចទៀនជាច្រើនដើម ដើម្បីសុំឲ្យមានការដោះលែងលោក កឹម សុខា។ ពួកគេ បានរៀបដើមទៀនទាំងនោះ ឲ្យចេញជាអក្សរអង់គ្លេសថា Free Kem Sokha ដែលមានន័យថា «ផ្តល់សេរីភាពជូនលោក កឹម សុខា ឡើងវិញ»។
តាមរយៈបណ្តាញទំនាក់ទំនង Twitter កញ្ញា កឹម មនោវិទ្យា កូនស្រីច្បងរបស់លោក កឹម សុខា បានបង្ហោះរូបឪពុក ដែលអង្គុយក្នុងរថយន្ត ហើយអើតចេញមកក្រៅ ដោយយកក្រមាជូតលើមុខ។ កញ្ញា បានសរសេរយ៉ាងដូច្នេះថា៖«ជូតញើស ជាមួយនឹងស្នាមញញឹមដែលគួរឲ្យគោរពដឹងគុណ។ រីករាយថ្ងៃខួបកំណើត លោកប៉ា»។
ឯ កញ្ញា កឹម សម្មាធីតា កូនស្រីពៅរបស់លោក កឹម សុខា បានសរសេរលើ Twitter បែបនេះថា៖«ឥឡូវលោកប៉ា អាយុ៦៥ [ឈានចូល៦៦ឆ្នាំហើយ] ហើយនៅតែបម្រើ [ប្រជាពលរដ្ឋ] ដោយមិនចេះនឿយហត់»។
លោកស្រី តែ ច័ន្ទមនី ដែលតែងតែធ្វើដំណើរជាមួយលោកស្រី តែ ច័ន្ទមនោ ភរិយាលោក កឹម សុខា ពេលទៅជួបលោក កឹម សុខា នៅពន្ធនាគារត្រពាំងផ្លុង ក្នុងខេត្តត្បូងឃ្មុំ បានប្រាប់សារព័ត៌មានថ្មីៗ តាមទូរសព្ទថា សុខភាពលោក កឹម សុខា គឺធម្មតា ហើយស្មារតីរបស់លោក នៅតែនឹងន។ ប៉ុន្តែ លោកស្រី បញ្ជាក់ថា លោក កឹម សុខា នៅតែឈឺស្មាខាងស្តាំ។
លោកស្រី តែ ច័ន្ទមនី បាននិយាយដូច្នេះថា៖«ខ្ញុំគ្រាន់តែទៅកំដរប្រពន្ធរបស់គាត់ប៉ុណ្ណោះ មិនបានចូលជួបគាត់ផ្ទាល់ទេ។ តែខ្ញុំដឹងតាមប្រពន្ធរបស់គាត់ថា សុខភាពគាត់ ដូចអត់អីទេ»។
បច្ចុប្បន្ននេះ សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក ចៅក្រមស៊ើបសួរ បានទៅសួរលោក កឹម សុខា ដល់ពន្ធនាគារចំនួន៣លើករួចមកហើយ។
ក្រោយមក ចៅក្រមស៊ើបសួរ ក៏ផ្អាកសួរលោក កឹម សុខា ដោយងាកមកសួរសាក្សីវិញម្តង។ ថ្មីៗនេះ ចៅក្រមស៊ើបសួរ បានហៅមនុស្សដល់ទៅ៨នាក់ឯណោះ ដោយមានទាំងមន្ត្រីសង្គមស៊ីវិលផងដែរ ឲ្យចូលទៅបំភ្លឺលើសំណុំរឿងលោក កឹម សុខា។ អ្នកទាំងនោះ មានដូចជា លោកស្រី ចក់ សុភាព នាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា (CCHR) និងលោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ជាដើម។
មកដល់ពេលនេះលោក កឹម សុខា បានជាប់ពន្ធនាគារអស់រយៈពេលប្រមាណជា១០ខែហើយ ដោយស្ថិតនៅក្រោមការសង្ស័យរបស់តុលាការថា បានប្រព្រឹត្តអំពើក្បត់ជាតិ ព្រោះតែទៅគប់គិតជាមួយបរទេស ដើម្បីផ្តួលរំលំរដ្ឋាភិបាលកម្ពុជា៕
ក្នុងថ្ងៃខួបកំណើត អ្នកគាំទ្រមួយចំនួននៅសហរដ្ឋអាមេរិក បាននាំគ្នាធ្វើពិធីបួងសួង ដោយអុចទៀនជាច្រើនដើម ដើម្បីសុំឲ្យមានការដោះលែងលោក កឹម សុខា។ ពួកគេ បានរៀបដើមទៀនទាំងនោះ ឲ្យចេញជាអក្សរអង់គ្លេសថា Free Kem Sokha ដែលមានន័យថា «ផ្តល់សេរីភាពជូនលោក កឹម សុខា ឡើងវិញ»។
តាមរយៈបណ្តាញទំនាក់ទំនង Twitter កញ្ញា កឹម មនោវិទ្យា កូនស្រីច្បងរបស់លោក កឹម សុខា បានបង្ហោះរូបឪពុក ដែលអង្គុយក្នុងរថយន្ត ហើយអើតចេញមកក្រៅ ដោយយកក្រមាជូតលើមុខ។ កញ្ញា បានសរសេរយ៉ាងដូច្នេះថា៖«ជូតញើស ជាមួយនឹងស្នាមញញឹមដែលគួរឲ្យគោរពដឹងគុណ។ រីករាយថ្ងៃខួបកំណើត លោកប៉ា»។
ឯ កញ្ញា កឹម សម្មាធីតា កូនស្រីពៅរបស់លោក កឹម សុខា បានសរសេរលើ Twitter បែបនេះថា៖«ឥឡូវលោកប៉ា អាយុ៦៥ [ឈានចូល៦៦ឆ្នាំហើយ] ហើយនៅតែបម្រើ [ប្រជាពលរដ្ឋ] ដោយមិនចេះនឿយហត់»។
លោកស្រី តែ ច័ន្ទមនី ដែលតែងតែធ្វើដំណើរជាមួយលោកស្រី តែ ច័ន្ទមនោ ភរិយាលោក កឹម សុខា ពេលទៅជួបលោក កឹម សុខា នៅពន្ធនាគារត្រពាំងផ្លុង ក្នុងខេត្តត្បូងឃ្មុំ បានប្រាប់សារព័ត៌មានថ្មីៗ តាមទូរសព្ទថា សុខភាពលោក កឹម សុខា គឺធម្មតា ហើយស្មារតីរបស់លោក នៅតែនឹងន។ ប៉ុន្តែ លោកស្រី បញ្ជាក់ថា លោក កឹម សុខា នៅតែឈឺស្មាខាងស្តាំ។
លោកស្រី តែ ច័ន្ទមនី បាននិយាយដូច្នេះថា៖«ខ្ញុំគ្រាន់តែទៅកំដរប្រពន្ធរបស់គាត់ប៉ុណ្ណោះ មិនបានចូលជួបគាត់ផ្ទាល់ទេ។ តែខ្ញុំដឹងតាមប្រពន្ធរបស់គាត់ថា សុខភាពគាត់ ដូចអត់អីទេ»។
បច្ចុប្បន្ននេះ សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក ចៅក្រមស៊ើបសួរ បានទៅសួរលោក កឹម សុខា ដល់ពន្ធនាគារចំនួន៣លើករួចមកហើយ។
ក្រោយមក ចៅក្រមស៊ើបសួរ ក៏ផ្អាកសួរលោក កឹម សុខា ដោយងាកមកសួរសាក្សីវិញម្តង។ ថ្មីៗនេះ ចៅក្រមស៊ើបសួរ បានហៅមនុស្សដល់ទៅ៨នាក់ឯណោះ ដោយមានទាំងមន្ត្រីសង្គមស៊ីវិលផងដែរ ឲ្យចូលទៅបំភ្លឺលើសំណុំរឿងលោក កឹម សុខា។ អ្នកទាំងនោះ មានដូចជា លោកស្រី ចក់ សុភាព នាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា (CCHR) និងលោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ជាដើម។
មកដល់ពេលនេះលោក កឹម សុខា បានជាប់ពន្ធនាគារអស់រយៈពេលប្រមាណជា១០ខែហើយ ដោយស្ថិតនៅក្រោមការសង្ស័យរបស់តុលាការថា បានប្រព្រឹត្តអំពើក្បត់ជាតិ ព្រោះតែទៅគប់គិតជាមួយបរទេស ដើម្បីផ្តួលរំលំរដ្ឋាភិបាលកម្ពុជា៕
អត្ថបទទាក់ទង
Tag:
កឹម សុខា
© រក្សាសិទ្ធិដោយ thmeythmey.com
