ការអះអាងនេះធ្វើ​ឡើង​បន្ទាប់​ពីនាយករដ្ឋមន្រ្តីថៃលោក សេដ្ឋា ថាវីស៊ីន បាននិយាយថា  ការ​ដំឡើង​ប្រាក់​ឈ្នួល​ដែល​បាន​ព្រមព្រៀង​ជាមួយ​មន្ត្រី​រដ្ឋាភិបាល វិស័យ​ឯកជន និង​ក្រុម​ការងារ​កាលពី​សប្តាហ៍​មុន​គឺមានកម្រិត​ទាប​ពេក។

 

«ខ្ញុំមិនយល់ស្របនឹងផែនការដំឡើងប្រាក់ឈ្នួលនេះទេ ហើយចង់ឱ្យពិនិត្យមើលឡើងវិញ»។ រដ្ឋមន្ត្រីក្រសួងការងារថៃលោក Phipat Ratchakitprakarn បានប្រាប់អ្នកសារព័ត៌មានដោយបន្ថែមថា លោក​នឹងស្នើឡើងវិញនូវការដំឡើងថ្លៃចំណុចផ្សេងទៅកាន់គណៈរដ្ឋមន្ត្រីនៅចុងខែនេះ។

 

គណៈកម្មាធិការប្រាក់ឈ្នួល រួមទាំងក្រុមអាជីវកម្ម និងក្រុមការងារបានយល់ព្រមដំឡើងកម្រិតដល់ចន្លោះពី ៣៣០បាតទៅ ៣៧០បាត (៩,៣៣ដុល្លារដល់ ១០,៤៦ដុល្លារ) ក្នុងមួយថ្ងៃចាប់ពីដើមឆ្នាំ២០២៤។ ការដំឡើងប្រាក់ឈ្នួលអប្បរមាប្រចាំថ្ងៃកើនចន្លោះពី ២ ទៅ ១៦បាតឬជាមធ្យម ២,៣៧ ភាគរយនាពេលបច្ចុប្បន្ន។ 

 

កាលពីខែតុលាឆ្នាំមុន ថៃបានដំឡើងប្រាក់ឈ្នួលអប្បបរមាចំនួន ៥,០២ភាគរយ។ គណបក្សភឿថៃដែលកំពុងកាន់អំណាចសព្វថ្ងៃបានសន្យាបង្កើនប្រាក់ឈ្នួលអប្បបរមាដល់ ៤០០បាតក្នុងមួយថ្ងៃ។

 

ប៉ុន្តែធុរកិច្ចជាច្រើនបានបង្ហាញការមិនពេញចិត្តចំពោះការដំឡើងប្រាក់ឈ្នួលនេះទេ ដោយសារតែការកើនឡើងនៃថ្លៃដើមជំរុញទប់ស្កាត់ការប្រជែងអាជីវកម្ម ស្របពេលមានកំណើនសេដ្ឋកិច្ចធ្លាក់ចុះ។

 

សេដ្ឋកិច្ចធំទីពីររបស់អាស៊ីអាគ្នេយ៍បានកើនឡើងយឺតជាងការរំពឹងទុក ១,៥ភាគរយនៅក្នុងត្រីមាសទី៣ ធៀបគ្រាដូចគ្នាឆ្នាំមុន ដោយសារការនាំចេញធ្លាក់ចុះ និងការចំណាយច្រើនរបស់រដ្ឋាភិបាល។

 

សហព័ន្ធឧស្សាហកម្មថៃនៅថ្ងៃទី១២ ខែធ្នូ បានលើកឡើងពីការព្រួយបារម្ភថាប្រាក់ឈ្នួលអប្បបរមាខ្ពស់នឹងប៉ះពាល់ដល់អាជីវកម្មដែលនឹងផ្តល់បន្ទុកលើការចំណាយ រួមជាមួយនឹងអត្រាការប្រាក់កាន់តែខ្ពស់ស្របពេលមានភាពមិនប្រាកដប្រជានៃសេដ្ឋកិច្ចពិភពលោក៕