ជាតិ
វីដេអូ
អេក្រង់កុំព្យូទ័រ១៨គ្រឿងនាទសវត្សរ៍ឆ្នាំ១៩៩០ ក្លាយជាវត្ថុតាំងលម្អហាងកាហ្វេ
× ភ្នំពេញ៖ អេក្រង់កុំព្យូទ័រប្រភេទបច្ចេកទេសកាតូឌីក ១៨គ្រឿង ត្រូវបានគេដាក់តាងលម្អ នៅក្នុងសាខាហាងកាហ្វេ TEMPLE នៃមហាវិថីម៉ៅសេទុង ក្នុងខណ្ឌបឹងកេងកង រាជធានីភ្នំពេញ។ អេក្រង់ចាស់ៗទាំងអស់នេះ ត្រូវបានផលិតក្នុងទសវត្សរ៍ឆ្នាំ១៩៩០។ ក្នុងនោះ មានអេក្រង់ពណ៌ពងមាន់ ១៤គ្រឿង និងពណ៌ប្រផេះចាស់ ៤គ្រឿង។ ទាំងអស់ជាអេក្រង់កាតូឌីកខ្នាតរូប ៤/៣ តាមស្តង់ដារតែមួយគត់ដែលមានប្រើសម័យមុន។ មានម៉ាកផ្សេងៗដូចជា VIEWSONIC PHILIPS COMPACT ACER និង NEC។ វាមិនជាប់កុំព្យូទ័រណាមួយទេ ហើយប្រហែលមានខ្លះ ដែលនៅអាចប្រើបានផង។
ដើម្បីជ្រាបច្បាស់ សូមអញ្ជើញលោកអ្នកនាងទស្សនាវីដេអូខាងក្រោមនេះ៖
សាស្ត្រាចារ្យបារាំង DUFOUR Alexandre បានបង្កើតបច្ចេកទេសកាតូឌីកឆ្នាំ១៩១៤។ ឆ្នាំ១៩២៥ លោក BAIRD John បានបង្កើតអេក្រង់កាតូឌីក នៅប្រទេសអង់គ្លេស។ ក្នុងទសវត្សរ៌១៩៥០ គេចាប់ផ្ដើមផលិតអេក្រង់កុំកុំព្យូទ័រសខ្មៅ។ ក្នុងទសវត្សរ៌១៩៧០ គេបង្កើតអេក្រង់ពណ៌។ ឆ្នាំ២០០៩ ត្រូវបានផលិតអេក្រង់កាតូឌីកចុងក្រោយ។ ជាទូទៅ អាចប្រើវាជាប្រចាំ ពី១០ ទៅ១៥ឆ្នាំ។ អេក្រង់កុំព្យូទ័រសម័យបច្ចុប្បន្នប្រើបច្ចេកទេសឌីជីថលវិញ ហើយមានខ្នាតរូប ១៦/៩ ច្រើនជាង ៤/៣។
© រក្សាសិទ្ធិដោយ thmeythmey.com