COVID-19
ជាតិ
×![]()
ដោយ: ខន ចំប៉ា
កម្ពុជា បានរកឃើញករណីឆ្លងវីរុសកូវីដ-១៩ បំប្លែងថ្មីប្រភេទ Delta លើអ្នកជំងឺចំនួន ៣៩នាក់ទៀត នៅថ្ងៃទី២២ និងថ្ងៃទី២៥ ខែកក្កដា។ បើតាមក្រសួងសុខាភិបាល ក្នុងចំណោមអ្នកមានវីរុសបំប្លែងថ្មីនោះ មានករណីឆ្លងក្នុងសហគមន៍ ៨នាក់ , អ្នកត្រឡប់មកពីប្រទេសថៃចំនួន ២១នាក់, បុគ្គលិកសុខាភិបាលខេត្ត៤នាក់ និងលើពលរដ្ឋក្នុងសហគមន៍ដែលបានប៉ះពាល់ផ្ទាល់ជាមួយអ្នកត្រឡប់មកពីថៃ ៦នាក់។ 
សេចក្តីប្រកាសព័ត៌មានរបស់ក្រសួងសុខាភិបាលបញ្ជាក់ថា នៅថ្ងៃទី ២២ ខែកក្កដា លទ្ធផលវិភាគពីវិទ្យាស្ថានប៉ាស្ទ័រកម្ពុជា បានរកឃើញករណីបំប្លែងថ្មីនេះ លើមនុស្សចំនយន ១៥នាក់ ក្នុងនោះ ១៤នាក់ជាពលករដែលត្រឡប់មកពីប្រទេសថៃ តាមច្រកព្រំដែនអូរបីជាន់, ម៉ាឡៃ, អូរស្មាច់ និងច្រកព្រំ។ ចំណែក១ករណីទៀត រកឃើញលើបុគ្គលិកសុខាភិបាល ដែលមានទីលំនៅក្នុងខេត្តឧត្តរមានជ័យ។
នៅថ្ងៃទី២៥ ខែកក្កដា វីរុសបំប្លែងថ្មី ២៤ករណីទៀត ត្រូវបានរកឃើញ ក្នុងនោះមានពលករខ្មែរ៧នាក់បន្ថែមទៀត ដែលចូលកម្ពុជាតាមច្រកអូរបីជាន់ ,ច្រកអូរស្មាច់ និងច្រកព្រំ និង បុគ្គលិកសុខាភិបាលខេត្តឧត្តរមានជ័យ ៣នាក់ទៀតដែរ។ ចំណែកពលរដ្ឋ ៦នាក់ទៀត ដែលបានប៉ះពាល់ជាមួយអ្នកដំណើរតាមព្រំដែន ក៏រកឃើញថាបានឆ្លងវីរុសបំប្លែងថ្មីនេះដែរ។ ក្រសួងសុខាភិបាល ក៏បន្តរកឃើញវីរុសបំប្លែងថ្មីលើ មនុស្ស៨នាក់ទៀតក្នុងសហគមន៍ ដែលមិនធ្លាប់ប៉ះពាល់ ជាមួយអ្នកដំណើរមកពីក្រៅប្រទេសទាល់តែសោះដែរ។ ក្នុងចំណោមអ្នកទាំង៨នាក់នេះ មាន២នាក់ជាអ្នកខេត្តសៀមរាប, ១នាក់ ជាអ្នកខេត្តកំពង់ធំ និង៥នាក់ជាអ្នកខេត្តឧត្តរមានជ័យ។
គិតចាប់ពិថ្ងៃទី៣១ ខែមីនា ដល់ថ្ងៃទី ២៥ ខែកក្កដា កម្ពុជារកឃើញករណីវិជ្ជមានកូវីដ-១៩ ប្រភេទ Delta សរុប ១១៤ករណីហើយ។ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បន្តរំឭកពលរដ្ឋឱ្យបង្កើនការប្រុងប្រយ័ត្ន ដោយត្រូវរៀនរស់នៅជាមួយកូវីដ-១៩ តាមបែបគន្លងថ្មី និងអនុវត្តន៍វិធានការ៣ការពារ និង៣កុំឱ្យខ្ជាប់ខ្ជួន៕
សេចក្តីប្រកាសព័ត៌មានរបស់ក្រសួងសុខាភិបាលបញ្ជាក់ថា នៅថ្ងៃទី ២២ ខែកក្កដា លទ្ធផលវិភាគពីវិទ្យាស្ថានប៉ាស្ទ័រកម្ពុជា បានរកឃើញករណីបំប្លែងថ្មីនេះ លើមនុស្សចំនយន ១៥នាក់ ក្នុងនោះ ១៤នាក់ជាពលករដែលត្រឡប់មកពីប្រទេសថៃ តាមច្រកព្រំដែនអូរបីជាន់, ម៉ាឡៃ, អូរស្មាច់ និងច្រកព្រំ។ ចំណែក១ករណីទៀត រកឃើញលើបុគ្គលិកសុខាភិបាល ដែលមានទីលំនៅក្នុងខេត្តឧត្តរមានជ័យ។
នៅថ្ងៃទី២៥ ខែកក្កដា វីរុសបំប្លែងថ្មី ២៤ករណីទៀត ត្រូវបានរកឃើញ ក្នុងនោះមានពលករខ្មែរ៧នាក់បន្ថែមទៀត ដែលចូលកម្ពុជាតាមច្រកអូរបីជាន់ ,ច្រកអូរស្មាច់ និងច្រកព្រំ និង បុគ្គលិកសុខាភិបាលខេត្តឧត្តរមានជ័យ ៣នាក់ទៀតដែរ។ ចំណែកពលរដ្ឋ ៦នាក់ទៀត ដែលបានប៉ះពាល់ជាមួយអ្នកដំណើរតាមព្រំដែន ក៏រកឃើញថាបានឆ្លងវីរុសបំប្លែងថ្មីនេះដែរ។ ក្រសួងសុខាភិបាល ក៏បន្តរកឃើញវីរុសបំប្លែងថ្មីលើ មនុស្ស៨នាក់ទៀតក្នុងសហគមន៍ ដែលមិនធ្លាប់ប៉ះពាល់ ជាមួយអ្នកដំណើរមកពីក្រៅប្រទេសទាល់តែសោះដែរ។ ក្នុងចំណោមអ្នកទាំង៨នាក់នេះ មាន២នាក់ជាអ្នកខេត្តសៀមរាប, ១នាក់ ជាអ្នកខេត្តកំពង់ធំ និង៥នាក់ជាអ្នកខេត្តឧត្តរមានជ័យ។
គិតចាប់ពិថ្ងៃទី៣១ ខែមីនា ដល់ថ្ងៃទី ២៥ ខែកក្កដា កម្ពុជារកឃើញករណីវិជ្ជមានកូវីដ-១៩ ប្រភេទ Delta សរុប ១១៤ករណីហើយ។ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បន្តរំឭកពលរដ្ឋឱ្យបង្កើនការប្រុងប្រយ័ត្ន ដោយត្រូវរៀនរស់នៅជាមួយកូវីដ-១៩ តាមបែបគន្លងថ្មី និងអនុវត្តន៍វិធានការ៣ការពារ និង៣កុំឱ្យខ្ជាប់ខ្ជួន៕
អត្ថបទទាក់ទង
© រក្សាសិទ្ធិដោយ thmeythmey.com
