ក្រុមហ៊ុន MITSUOKA បង្កើតឡើងខែកុម្ភៈ ឆ្នាំ១៩៦៨។ ក្រុមហ៊ុននេះ មានឈ្មោះរបស់ស្ថាបនិកតែម្ដង មានឯកទេសច្នៃប្រឌិតឡាន ដែលមានរូបរាងចម្លែក ឬបុរាណ។ ក្រុមហ៊ុននេះ ផលិតឡានម៉ាក MITSUOKA ក្នុងឆ្នាំ១៩៨២។ MITSUOKA ផលិតឡានក្នុងចំនួនតិចតួចប៉ុណ្ណោះ ដែលភាគច្រើនគឺទិញសិទ្ធិម៉ាករថយន្ដផ្សេង ទៅកែទ្រង់ទ្រាយឱ្យបានដូចឡាន អង់គ្លេសជំនាន់មុន។ 

 

សម្រាប់រថយន្ដ MITSUOKA ប្រភេទ Viewtវិញ គឺជាឡាន NISSAN March ដែលកែច្នៃទ្រង់ទ្រាយខាងមុខ និងខាងក្រោយ ឱ្យដូចឡាន JAGUAR Mark 2 ។ NISSAN March ត្រូវផលិតតាំងពីឆ្នាំ១៩៨២ ប៉ុន្តែជំនាន់ទី២ គឺចាប់ផ្ដើមផលិតក្នុងឆ្នាំ១៩៩២។ JAGUAR Mark 2 ត្រូវបានផលិតពីឆ្នាំ១៩៥៩ ដល់ឆ្នាំ១៩៦៧។ MITSUOKA Viewt ត្រូវបានប្រឌិតឆ្នាំ១៩៩២។ ពេលនោះ ត្រូវបានផលិត អស់១ ០០០គ្រឿង រយៈពេល១ឆ្នាំ។ ចំនួននេះ វាតិចក៏ប៉ុន្តែរហូតដល់ឆ្នាំ១៩៩៣ ក្រុមហ៊ុន MITSUOKA មិនដែលបានផលិតរថយន្ដច្រើនដូចនេះ។ ពេលបច្ចុប្បន្ននេះ នៅតែផលិតបន្តដល់ជំនាន់ទី៣៕