កីឡាជាតិ
ជាតិ
ជំនួបរវាងសូលទីឡូអង្គរ (អាវលឿន) និងរតនគិរី។ រូបថត CNCC
×![]()
ដោយ: ថ្មីៗ
សូលទីឡូអង្គរយកឈ្នះរតនគិរី ១០-១ ខណៈវិសាខា ធ្វើឲ្យអគ្គស្នងការដ្ឋាននគរបាលជាតិ មិនអាចតបតបានក្នុងលទ្ធផល ៦-០ សម្រាប់ការប្រកួតជើងទី១ វគ្គ១៦ក្រុមចុងក្រោយនៃពានរង្វាន់សម្តេច ហ៊ុនសែន ឆ្នាំ២០១៩ នារសៀលថ្ងៃព្រហស្បតិ៍នេះ។
នៅកីឡដ្ឋានខេត្តសៀមរាប លទ្ធផល ៧-០ បានកើតឡើងនៅតង់ទីមួយ ដែលសម្រេចបានដោយ ប្រាក់ ចាន់រតនា ២គ្រាប់ លី សារ័ត្ន ២គ្រាប់ រ័ត្ន សំណាង ២គ្រាប់ និងលី អារីហ្វីន ១គ្រាប់ សម្រាប់ក្រុមសូលទីឡូអង្គរ។
ឈានដល់តង់ទីពីរ សម្បត្តិ បញ្ញា វាយបកបាន១គ្រាប់វិញសម្រាប់រតនគិរី ប៉ុន្តែក្រោយមក សូលទីឡូ បន្ថែមបាន៣គ្រាប់ទៀត ពីសំណាក់ សឿង បញ្ញា ១គ្រាប់ និង លី មស្លីម ២គ្រាប់។
ស្របពេលជាមួយគ្នា នគរបាលជាតិ បានចាញ់វិសាខា ៦-០ នៅកីឡដ្ឋានអគ្គិសនីកម្ពុជា ដែលខ្លួនយកធ្វើជាការប្រកួតក្នុងដី។ នៅចុងតង់ទីមួយ ទិត ឌីណា បានស៊ុតបាល់បញ្ចូលទីលើក្រុមចាស់របស់ខ្លួន មុនពេល ស៊ិន កក្កដា រកបាន១គ្រាប់នៅចុងតង់។
នៅតង់ទីពីរ វិសាខា ដឹកនាំដោយគ្រូបង្វឹកបណ្តោះអាសន្ន លោក Akeep Tunji Ayoyinkaសម្រេចបាន៤គ្រាប់ទៀត ដែលរកបានដោយ កែវ សុខផេង, សាន គឹមហេង, ស៊ិន សុផាណាត និងស៊ិន កក្កដា ១គ្រាប់ទៀត។
កាលពីម្សិលមិញ គិរីវង់សុខសែនជ័យ បានយកឈ្នះណាហ្គាវើល ២-០ ខណៈក្រសួងការពារជាតិវាយបកយកឈ្នះម្ចាស់ផ្ទះ អាស៊ីអឺរ៉ុបយូណាយធីត ៣-១។
សម្រាប់ជំនួបជើងទី១ កាលពីថ្ងៃពុធសប្តាហ៍មុន បឹងកេតបានយកឈ្នះម្ចាស់ផ្ទះសៀមរាប ៦-០ រីឯអគ្គិសនីកម្ពុជាបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទីជាមួយភ្ញៀវអង្គរថាយហ្គឺរ។ មួយថ្ងៃបន្ទាប់ ភ្នំពេញក្រោនយកឈ្នះកំពង់ចាម ១០-០ ខណៈព្រះខ័នរាជស្វាយរៀង ឈ្នះត្បូងឃ្មុំ ៤-០៕
អត្ថបទទាក់ទង
នៅកីឡដ្ឋានខេត្តសៀមរាប លទ្ធផល ៧-០ បានកើតឡើងនៅតង់ទីមួយ ដែលសម្រេចបានដោយ ប្រាក់ ចាន់រតនា ២គ្រាប់ លី សារ័ត្ន ២គ្រាប់ រ័ត្ន សំណាង ២គ្រាប់ និងលី អារីហ្វីន ១គ្រាប់ សម្រាប់ក្រុមសូលទីឡូអង្គរ។
ឈានដល់តង់ទីពីរ សម្បត្តិ បញ្ញា វាយបកបាន១គ្រាប់វិញសម្រាប់រតនគិរី ប៉ុន្តែក្រោយមក សូលទីឡូ បន្ថែមបាន៣គ្រាប់ទៀត ពីសំណាក់ សឿង បញ្ញា ១គ្រាប់ និង លី មស្លីម ២គ្រាប់។
ស្របពេលជាមួយគ្នា នគរបាលជាតិ បានចាញ់វិសាខា ៦-០ នៅកីឡដ្ឋានអគ្គិសនីកម្ពុជា ដែលខ្លួនយកធ្វើជាការប្រកួតក្នុងដី។ នៅចុងតង់ទីមួយ ទិត ឌីណា បានស៊ុតបាល់បញ្ចូលទីលើក្រុមចាស់របស់ខ្លួន មុនពេល ស៊ិន កក្កដា រកបាន១គ្រាប់នៅចុងតង់។
នៅតង់ទីពីរ វិសាខា ដឹកនាំដោយគ្រូបង្វឹកបណ្តោះអាសន្ន លោក Akeep Tunji Ayoyinkaសម្រេចបាន៤គ្រាប់ទៀត ដែលរកបានដោយ កែវ សុខផេង, សាន គឹមហេង, ស៊ិន សុផាណាត និងស៊ិន កក្កដា ១គ្រាប់ទៀត។
កាលពីម្សិលមិញ គិរីវង់សុខសែនជ័យ បានយកឈ្នះណាហ្គាវើល ២-០ ខណៈក្រសួងការពារជាតិវាយបកយកឈ្នះម្ចាស់ផ្ទះ អាស៊ីអឺរ៉ុបយូណាយធីត ៣-១។
សម្រាប់ជំនួបជើងទី១ កាលពីថ្ងៃពុធសប្តាហ៍មុន បឹងកេតបានយកឈ្នះម្ចាស់ផ្ទះសៀមរាប ៦-០ រីឯអគ្គិសនីកម្ពុជាបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទីជាមួយភ្ញៀវអង្គរថាយហ្គឺរ។ មួយថ្ងៃបន្ទាប់ ភ្នំពេញក្រោនយកឈ្នះកំពង់ចាម ១០-០ ខណៈព្រះខ័នរាជស្វាយរៀង ឈ្នះត្បូងឃ្មុំ ៤-០៕
Tag:
Hun Sen Cup 2019
© រក្សាសិទ្ធិដោយ thmeythmey.com
