ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
Cambodianess
២៥ខេត្ត/រាជធានី
ភ្នំពេញ
បន្ទាយមានជ័យ
បាត់ដំបង
កំពង់ចាម
កំពង់ឆ្នាំង
កំពង់ស្ពឺ
កំពង់ធំ
កំពត
កណ្តាល
កោះកុង
កែប
ក្រចេះ
មណ្ឌលគិរី
ឧត្តរមានជ័យ
ប៉ៃលិន
ព្រះសីហនុ
ព្រះវិហារ
ពោធិ៍សាត់
ព្រៃវែង
រតនគិរី
សៀមរាប
ស្ទឹងត្រែង
ស្វាយរៀង
តាកែវ
ត្បូងឃ្មុំ
RFI
ជាតិ
សង្គមជាតិ
អាជីវករនៅផ្សារអូរឫស្សី ត្រៀមជ្រូកខ្វៃ២០០ទៅ១០០០ក្បាល សម្រាប់លក់នៅថ្ងៃសែនចិន ក្នុងបរិបទកូវីដ-១៩
11, Feb 2021 ,
12:59 pm
រូបភាព
តូបលក់ជ្រូកខ្វៃនៅផ្សារអូរឫស្សី ថ្ងៃទី១០កុម្ភៈ ២០២១។
×
ដោយ:
ថ្មីៗ
ភ្នំពេញ៖ ទោះបីចូលឆ្នាំចិន-វៀតណាមស្ថិតក្នុងបរិបទកូវីដ-១៩ ក៏អាជីវករលក់ជ្រូកខ្វៃនៅផ្សារអូឫស្សីត្រៀមជ្រូកខ្វៃសម្រាប់លក់ច្រើនជាងឆ្នាំមុខៗដែរ ដែលមានប្រមាណពី២០០ទៅ១០០០ក្បាល់។ អាជីវករមួយចំនួន អះអាងថា ទោះបីជ្រូកខ្វៃឆ្នាំនេះមានតម្លៃខ្ពស់ជាងឆ្នាំមុន ក៏មានអ្នកបញ្ជាទិញជាហូរហែដែរ។
ចុចទីនេះដើម្បីទទួលបានព័ត៌មានរហ័ស
អ្នកស្រី ស៊ី យឿន អាជីវករលក់ជ្រូកខ្វៃនៅផ្សារអូឫស្ស លើកឡើងថា ភ្ញៀវដែលចាប់ផ្ដើមបញ្ជាទិញជ្រូកខ្វៃរបស់អ្នកស្រី គឺមានតាំងពីអំឡុងថ្ងៃទី២០មករា។ អ្នកលក់ជ្រូកខ្វៃប្រមាណ២០ឆ្នាំរូបនេះបន្តថា ក្នុងមួយថ្ងៃមានអ្នកបញ្ជាទិញប្រមាណ៦០ក្បាល ទើបត្រៀមជ្រូកជាង១ពាន់ក្បាលសម្រាប់លក់នៅអំឡុងពេលចូលឆ្នាំចិននេះ។
អ្នកស្រី និយាយថា៖««កាលពីឆ្នាំមុនៗ ខ្ញុំត្រៀមជ្រូកប្រមាណ៧០០ក្បាល់ប៉ុណ្ណោះ ប៉ុន្តែឆ្នាំនេះត្រៀមទុកជាង១ពាន់ក្បាល់ ដោយសារឃើញមានអ្នកកក់ជាង៦០ក្បាលក្នុងមួយថ្ងៃ។ ឆ្នាំនេះជ្រូកថ្លៃជាងឆ្នាំមុន ដោយសារទិញជ្រូកមកពីគេថ្លៃដែរ។ ជ្រូកខ្វៃខ្ញុំ លក់ឲ្យគេទិញយកទៅលក់បន្តច្រើនហើយលក់រាយក៏ដាច់ដែរ។ ពលរដ្ឋយើងមើលទៅនៅតែនិយមសែនជ្រូកអ៊ឺចឹង ហើយមួយរយៈនេះកូវីដ-១៩ថមថយផង បានលក់ដាច់ជាឆ្នាំមុខ»។
អាជីវករ ដែលមានតូបលក់ជ្រូកខ្វៃ៥កន្លែងនៅជុំវិញផ្សារអូឫស្សីរូបនេះ បន្តថា ជ្រូកតម្លៃទាបបំផុតគឺមានតម្លៃជាង៣៥ម៉ឺនរៀលទៅជាង១លានរៀលទៅតាមទំហំ។ អ្នកស្រីបន្ថែមថា ឆ្នាំមុនជ្រូកខ្វៃមានតម្លៃប្រមាណ៣០ម៉ឺនទៅ៨០ម៉ឺនប៉ុណ្ណោះ។
អ្នកស្រី ស៊ី យឿន ជាអាជីវករលក់ជ្រូកខ្វៃនៅផ្សារអូរឫស្សី
អាជីវករម្នាក់ទៀត គឺ អ្នកស្រី អ៊ីច ឈឿន ដែលតែងតែលក់ជ្រូកខ្វៃនៅផ្សារអូឫស្សីក្នុងអំឡុងពេលចូលឆ្នាំចិនអស់រយៈពេលប្រមាណ៥ឆ្នាំមកហើយ បានប្រាប់ថា រាល់ឆ្នាំអ្នកស្រីត្រៀមជ្រូកប្រមាណ២០០ក្បាលប៉ុណ្ណោះ។ ប៉ុន្តែឆ្នាំនេះ អ្នកស្រីត្រៀមជ្រូកជាង២៥០ក្បាល សម្រាប់លក់នៅថ្ងៃចូលឆ្នាំចិន។ ត្រឹមម៉ោងប្រមាណ៩ព្រឹកប៉ុណ្ណោះ អ្នកស្រីមានភ្ញៀវទិញជ្រូកខ្វៃអស់ប្រមាណ១០ក្បាល់ទៅហើយ។
អ្នកស្រី មានប្រសាសន៍ថា៖«អ្នកសែនចិនគេធ្លាប់សែនជ្រូកគេមិនចោលទេ ទោះជ្រូកឡើងថ្ងៃក៏ដោយ។ បើយើងយកមកថ្លៃ លក់ទៅវិញក៏ថ្លៃតាមហ្នឹងដែរ។ ថ្ងៃនេះជ្រូកមួយតម្លៃជាង៣០ម៉ឺនអីទេ ស្អែកនឹងឡើងដល់៥០ម៉ឺនហើយ បើជ្រូកធំតម្លៃ១លានទៅ១លានកន្លះ, តម្លៃជាក់ស្ដែង ឡើងប៉ុណ្ណាគឺអាស្រ័យលើអ្នកទិញច្រើនឬអត់តាមហ្នឹងដែរ»។
អ្នកស្រី អ៊ីច ឈឿន អាជីវករលក់ជ្រូកខ្វៃនៅផ្សារអូរឫស្សី
រីឯ អ្នកស្រី រី ដាណា ដែលជាអាជីវករលក់ជ្រូកខ្វៃនៅផ្សារអូរឫស្សីដែរនោះ បញ្ជាក់ថា រាល់ឆ្នាំអ្នកស្រីត្រៀមជ្រូកប្រមាណ១៥០ក្បាលប៉ុណ្ណោះសម្រាប់លក់ ប៉ុន្តែឆ្នាំនេះ មើលឃើញពីសន្ទុះមានអ្នកទិញច្រើន ទើបបញ្ជាឲ្យអ្នកខ្វៃជ្រូកជាង២០០ក្បាលសម្រាប់លក់។
អ្នកស្រី បញ្ជាក់ថា៖«ទើបលក់ថ្ងៃទី១ ហើយឃើញមានអ្នកទិញច្រើន ហើយក៏មានគេកក់ទុកសម្រាប់ថ្ងៃស្អែកនេះច្រើនដែរ។ មួយព្រឹកនេះ មានជិត២០ក្បាល់ហើយ។ ស្អែកថ្ងៃសែនចំ ទើបលក់ខ្លាំង, ជាង២០០ក្បាលហ្នឹង លក់អស់មិនអស់គឺចាំមើលព្រឹកសែកនេះបានដឹង។ ប៉ុន្តែរាល់ឆ្នាំលក់អស់ៗ មិនដែលសល់ផង»៕
អ្នកស្រី រី ដាណា អាជីវកលក់ជ្រូកខ្វៃនៅផ្សារអូរឫស្សី
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចូលឆ្នាំចិន
ជ្រូកខ្វៃ
© រក្សាសិទ្ធិដោយ thmeythmey.com