ក្រុមមេឃខៀវ Manchester City និងអ្នកមានបារាំង Paris Saint Germain ធ្លាប់បានជួបគ្នា ៥លើករួចមកហើយដោយ Man city មានប្រៀបយកឈ្នះ៣ប្រកួត ស្មើ២ប្រកួត មិនទាន់ស្គាល់ពាក្យថាចាញ់ PSG នៅឡើយ ជាពិសេសកាលពីរដូវកាលមុនឆ្នាំ ២០២០ ក្រុមមេឃខៀវបំបាក់ PSG ដោយឈ្នះលទ្ធផលទាំង២ជើងសរុប ៣-១ នៅវគ្គពាក់កណ្តាលផ្តាច់ព្រ័ត្រ ហើយបានឈានជើងទៅកាន់វគ្គផ្តាច់ព្រ័ត្រជាលើកដំបូងប្រចាំប្រវតិ្តសាស្រ្តក្លិប។ តើការប្រកួតនាយប់នេះជាការសង់សឹកពីសំណាក់ក្រុម PSG លើក្រុម Man City រឺយ៉ាងណា?
 

វាជាការប្រកួតមួយដ៏ល្អ សម្រាប់លោក Pep Guardiola ដែលត្រូវនាំក្រុមលេងតទល់ជាមួយ PSG ដែលមានខ្សែប្រយុទ្ធចំណូលថ្មី Messi ផងនោះ។«ពិតជាគួរឲ្យភ្ញាក់ផ្អើលសម្រាប់អ្នកទាំងអស់គ្នា រឿងដែលបានកើតឡើងមកដល់ពេលនេះ គ្រប់គ្នាក៏ទទួលយករួចដែរ។ ជាយូរមកហើយអ្នកមិនអាចស្រមៃឃើញបានទេ។ ប៉ុន្តែវាបានកើតឡើង អ្នកមិនដឹងទេថា អ្វីដែលសំខាន់នៅពេលនេះ Messi កំពុងតែសប្បាយចិត្តជាមួយ PSG »  ។ លោក Guardiola បាននិយាយបែបនេះក្នុងសន្និសីទកាសែតមុនការប្រកួត។
 

តែយ៉ាងណាគ្រូបង្វឹកសញ្ជាតិអេស្ប៉ាញរូបនេះ នៅតែជឿជាក់លើ Man City ដែលអាចបង្ហាញលេងយ៉ាងល្អក្នុងជំនួប PSG នេះ។ ប៉ុន្តែលោក ក៏មិនហ៊ានមើលស្រាលទម្រង់ប្រយុទ្ធរបស់ PSG ដែរ។ «តំបន់ប្រយុទ្ធខាងលើរបស់ PSG ពេលនេះ គឺពិតជាខ្លាំងក្លា ខ្ញុំមិនទាន់ដឹងច្បាស់ថា ត្រូវប្រើយុទ្ធសាស្រ្តអ្វីនៅឡើយសម្រាប់តំបន់ការពាររបស់ខ្ញុំ ប៉ុន្តែពួកយើងនឹងការពារសំណាញទីឲ្យខាន់តែបាន»។ នេះជាការបញ្ជាក់របស់ Pep។ 

 

ចំណែកការប្រកួតក្នុងរាត្រីនេះក្រុមបើកឆាកពូលC គឺ Ajax ទទួលក្រុមភ្ញៀវ Besiktas និង Shakhtar Donetsk ទទួល Inter Milan នៅក្នុងពូលD វេលាម៉ោង ១១:៤៥ (ម៉ោងនៅកម្ពុជា)ដូចគ្នា។ 
 

ពូល A ក្លិប RB Leipzig ទទួលក្លិប Brugge ។

ពូល B ក្លិប AC Milan ទទួល Atletico Madrid និងក្លិប FC Porto ទទួលក្លិបហង្សក្រហម Liverpool ។ 

ពូល C ក្លិប Borussia Dortmund ទទួលក្លិប Sporting CP។

ពូល D ក្លិបអធិរាជស Real Madrid ទទួលស្វាគមន៍ក្លិប FC Sheriff ។