ការប្រកួត F1 លើកដំបូងនៅកាតា នឹងប្រព្រឹត្តទៅនៅទីលាន Losail International Circuit ភាគខាងជើងក្រុងដូហា នាថ្ងៃទី២១ ខែវិច្ឆិកា មុនពេលដែលអារ៉ាប៊ីសាអូឌីត ត្រូវរៀបចំ Abu Dhabi Grand Prix នាពេលបន្ទាប់។ កាតាក៏នឹងចុះកិច្ចសន្យា១០ឆ្នាំផងដែរ លើការរៀបចំព្រឹត្តិការណ៍ Formula One ចាប់ពីឆ្នាំ២០២៣។

 

ព្រឹត្តិការណ៍បើករដូវកាលជាប្រពៃណី Australian GP ត្រូវបានលើកទៅធ្វើនៅចុងរដូវកាលវិញ ដោយសារតែការរឹតត្បិតវិធានការមួយចំនួនក្នុងបរិបទកូវីដ-១៩។ 

 

«យើងរីករាយស្វាគមន៍កាតាក្នុងប្រតិទិនប្រកួត Formula 1 នៅរដូវកាលនេះ និងបន្តរយៈពេលយូរអង្វែងទៀតចាប់ពីឆ្នាំ២០២៣តទៅ»។ នេះជាការលើកឡើងរបស់លោក Stefano Domenicali ប្រធាន និងជាអគ្គនាយកកម្មវិធី F1។

 

ទីលាន Losail Circuit បានបើកដំណើរកាលពីឆ្នាំ២០០៤ ដោយធ្លាប់បានរៀបចំ Moto GP ផងដែរ។ នេះជាការរៀបចំព្រឹត្តិការណ៍កីឡាដ៏មមាញឹករបស់តាកា ខណៈពិភពអារ៉ាប់មួយនេះ នឹងរៀបចំព្រឹត្តិការណ៍កីឡាបាល់ទាត់ពិភពលោក FIFA World Cup នៅឆ្នាំ២០២២៕