ហេតុការណ៍ផ្ទុះក៏ខ្លាំងមួយ បានកើតឡើងនៅការដ្ឋានរ៉ែធ្យូងថ្ម Abaiskaya របស់ក្រុមហ៊ុន ArcelorMittal Temirtau នៅឯតំបន់ Karaganda ។ កម្មករ៦៤នាក់ កំពុងស្ថិតក្នុងអណ្ដូងរ៉ែពេលហេតុការណ៍កើតឡើង ហើយមនុស្ស៥៦នាក់ អាចរត់ចេញបាន។
 

«មនុស្ស៦នាក់ស្លាប់ និង២នាក់រងរបួសធ្ងន់។» ក្រសួងគ្រប់គ្រងគ្រោះមហន្តរាយកាហ្សាក់ស្ថានបញ្ជាក់បែបនេះ។ ចំណែកក្រុមហ៊ុន  ArcelorMittal Temirtau វិញបញ្ជាក់ថា ការផ្ទុះនេះកើតឡើងដោយសារការផ្ទុះរបស់ហ្គាស និងធ្យូងថ្ម។

ហេតុការណ៍ដូចខាងលើនេះ តែងកើតមានជាញឹកញាប់នៅកាហ្សាក់ស្ថាន ព្រោះតែកង្វះស្តង់ដាសុវត្ថិភាព និងហេដ្ឋារចនាសម្ព័ន្ធហួសកំណត់ប្រើប្រាស់៕